ក្រសួងការពារជាតិរុស្សី បាននិយាយក្នុងសេចក្តីថ្លែងការណ៍មួយថា ដាននៃប្រតិបត្តិការធ្វើតេស្តថ្នាំពិសោធន៍ ត្រូវបានរកឃើញនៅដើមឆ្នាំនេះក្នុងទីក្រុង Lisichansk នៃសាធារណរដ្ឋប្រជាមានិត Lugansk។

យោងតាមរបាយការណ៍ ក្រុមហ៊ុន “Pharmbiotest” ត្រូវបានគេចោទប្រកាន់ថា កំពុងធ្វើតេស្តថ្នាំដ៏គ្រោះថ្នាក់លើពលរដ្ឋអ៊ុយក្រែន ហើយជាពិសេសជាងនេះទៅទៀតគឺលើកងទ័ព នៅក្នុងវិទ្យាស្ថានយោធានៃសាកលវិទ្យាល័យជាតិ Taras Shevchenko ទីក្រុងកៀវ។

មេបញ្ជាការកងកម្លាំងការពារជាតិវិទ្យុសកម្ម គីមី និងជីវសាស្រ្តរុស្ស៊ី លោក Igor Kirillov បាននិយាយកាលពីថ្ងៃចន្ទទី៣០ខែមករាថា “ការសាកល្បងថ្នាំលើពលរដ្ឋអ៊ុយក្រែន គឺរួមមានថ្នាំរំញោចផ្លូវចិត្ត និងគ្រឿងញៀនមេតាដូន និងអាំហ្វេតាមីន ខណៈការសាកល្បងដំបូងគឺថ្នាំប្រឆាំងភាពអស់កម្លាំង”។

តាមគេដឹង ផល​រំខាន​មួយចំនួន​របស់​ថ្នាំទាំងនេះ ​រួម​មាន​ការ​បង្ក​ឲ្យ​មាន​បញ្ហា​ផ្លូវចិត្ត ជំងឺ​ឆ្កួតជ្រូក និង​ជំងឺ​សរសៃប្រសាទ​ផ្សេង​ទៀត។

យោងតាមរបាយការណ៍ដែលទទួលបានដោយក្រសួងការពារជាតិរុស្ស៊ី ការសាកល្បងនេះ គឺពាក់ព័ន្ធនឹងអ្នកស្ម័គ្រចិត្តភេទប្រុសចំនួន៥នាក់ ដែលមានអាយុក្រោម៣៥ឆ្នាំ និងមានទម្ងន់ប្រហែល៧០គីឡូក្រាម។

ក្រុមមន្ត្រីអះអាងថា ព័ស្តុតាងនៃសកម្មភាពរបស់ក្រុមហ៊ុន Pharmbiotest បានកប់យ៉ាងប្រញាប់ប្រញាល់នៅជិតទីក្រុង Lisichansk មុនពេលចាប់បានដោយកងកម្លាំងរុស្ស៊ី៕

ប្រែសម្រួល៖ Vann Vann

ប្រភព៖ RT, TASS

ចុចអាន៖ អ៊ុយក្រែនព្រមានថា លោក ពូទីន កំពុងរៀបចំផែនការធំ សម្រាប់ខួបមួយឆ្នាំនៃការលុកលុយ