ព័ត៌មានអន្ដរជាតិ
អ៊ុយក្រែនព្រមានថា លោក ពូទីន កំពុងរៀបចំផែនការធំ សម្រាប់ខួបមួយឆ្នាំនៃការលុកលុយ
ឥស្សរជនជាន់ខ្ពស់ក្នុងទីក្រុងកៀវ បានព្រមានថា លោក វ្ល៉ាឌីមៀរ ពូទីន កំពុងត្រៀមបើកការវាយប្រហារលើប្រទេសលោកខាងលិច ចំខួបមួយឆ្នាំនៃការវាយលុកអ៊ុយក្រែន។
រូបភាពពីផ្កាយរណប បានបង្ហាញឲ្យឃើញកងកម្លាំងរុស្ស៊ីកំពុងសាងសង់បន្ទាយនៅតាមព្រំដែនជាប់អ៊ុយក្រែន ចាប់ពីតំបន់ Luhansk ទៅ Donetsk និងតាមតំបន់ Zaporizhzhia ទៅ Kherson ហើយលោក Oleksiy Danilov លេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន ចាត់ទុកថា នេះអាចជាសញ្ញាមួយបញ្ជាក់ថា លោក ពូទីន កំពុងរៀបចំផែនការធំសម្រាប់ថ្ងៃទី២៤ខែកុម្ភៈ ដែលជាថ្ងៃ កងទ័ពរបស់លោកបានឆ្លងដែន និងចាប់ផ្តើមអរិភាព កាលពីឆ្នាំមុន។
ថ្លែងទៅកាន់វិទ្យុ Svoboda លោក Danilov និយាយថា “ឥឡូវនេះ រុស្ស៊ី កំពុងរៀបចំសម្រាប់ការធ្វើសកម្មភាពអតិបរមា ហើយពួកគេជឿថា នៅថ្ងៃខួប ពួកគេគួរតែទទួលបានសមិទ្ធិផលមួយចំនួន។ គ្មានអ្វីជាអាថ៌កំបាំងទេដែលថា ពួកគេកំពុងរៀបចំសម្រាប់រលកថ្មីនៅថ្ងៃទី២៤ខែកុម្ភៈ”។
ដោយឡែក នៅក្នុងសេចក្តីថ្លែងការណ៍មួយរបស់ក្រុមប្រឹក្សាសន្តិសុខជាតិ, សេតវិមានរបស់សហរដ្ឋអាមេរិកបានសន្មត់ថា លោក ពូទីន នឹងប្រើប្រាស់រដូវរងាដ៏ត្រជាក់ ដើម្បីប្រមូលផ្តុំ និងរៀបចំផែនការសកម្មភាពបន្ទាប់របស់គាត់ នៅក្នុងសង្រ្គាម។
រីឯប្រមុខការពារជាតិរបស់សហភាពអឺរ៉ុប ក៏បាននិយាយដែរថា ឥឡូវនេះ រុស្ស៊ីកំពុងធ្វើសង្គ្រាមប្រឆាំងអង្គការណាតូ និងបស្ចិមប្រទេស បន្ទាប់ពីកាណាដា បានក្លាយជាប្រទេសទី១២ ដែលបញ្ជូនរថក្រោះ ដើម្បីជំរុញកិច្ចប្រឹងប្រែងធ្វើសង្គ្រាមរបស់អ៊ុយក្រែន៕
ប្រែសម្រួល៖ Vann Vann
ប្រភព៖ Daily Star
ចុចអាន៖ ប្រមុខណាតូ ជំរុញឲ្យកូរ៉េខាងត្បូង បង្កើនការគាំទ្រផ្នែកយោធាដល់ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង