ជាប្រវត្តិសាស្រ្ត! កងទ័ពរុស្ស៊ី ទទួលបាន សព្វាវុធបាញ់គ្រាប់សាចគ្មានគូប្រៀប សម្រាប់ប្រយុទ្ធនៅអ៊ុយក្រែន (មានវីដេអូ)

ក្រសួងការពារជាតិរុស្ស៊ី បានបង្ហាញថា ជាលើកដំបូងក្នុងប្រវត្តិសាស្ត្រ កងទ័ពអាកាសរុស្ស៊ីបានទទួលប្រព័ន្ធសព្វាវុធបាញ់គ្រាប់សាច TOS-1A Solntsepyok ហើយសព្វាវុធប្រភេទនេះ នឹងត្រូវប្រើប្រាស់ក្នុងតំបន់ប្រតិបត្តិការពិសេស នៅប្រទេសអ៊ុយក្រែន។

លោកវរសេនីយ៍ឯក Alexei Goncharov ដែលជាប្រធានកងការពារអាកាស NBC បានកត់សម្គាល់ថា ប្រព័ន្ធទាំងនេះ ពិតជាធ្វើឲ្យសត្រូវភ័យស្លន់ស្លោ ព្រោះទោះបីជាឃ្លាំងអាវុធរបស់ប្រទេសលោកខាងលិច ក៏មិនអាចប្រៀបផ្ទឹមបានដែរ។

ក្រសួងការពារជាតិកត់សម្គាល់ថា ប្រព័ន្ធ Solntsepyok បានបង្ហាញឲ្យឃើញនូវប្រសិទ្ធភាព ក្នុងការបំផ្លាញបន្ទាយសត្រូវដែលមានកំពែងរឹងមាំ អំឡុងពេលប្រតិបត្តិការពិសេស។ វាបញ្ចេញថាមពល ដោយប្រើប្រព័ន្ធកម្មវិធីចុងក្រោយបំផុត យោងសណ្ឋានដី និងភូមិសាស្ត្រ។

ក្រសួងបន្ថែមថា គ្មានកន្លែងណាអាចលាក់ខ្លួនពី TOS-1A បានឡើយ សូម្បីតែនៅក្នុងលេណដ្ឋានក៏ដោយ។

គួរបញ្ជាក់ថា ប្រព័ន្ធបាញ់គ្រាប់សាចនេះ ត្រូវបានបង្កើតឡើងដោយផ្អែកលើស៊េរី TOS-1 Buratino ក្នុងឆ្នាំ២០០១។ វាត្រូវបានរចនាឡើងដើម្បីបំផ្លិចបំផ្លាញរថពាសដែក ឡាន អាគារ បន្ទាយរបស់សត្រូវ និងកម្លាំងមនុស្សនៅចម្ងាយរហូតដល់ប្រាំមួយគីឡូម៉ែត្រ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖​ រុស្ស៊ី នឹងដាក់អាវុធនុយក្លេអ៊ែរនៅ បេឡារុស ជាប់មាត់ទ្វារព្រំដែនជាមួយ ណាតូ