ព័ត៌មានអន្ដរជាតិ
ប្រធានាធិបតីអ៊ីរ៉ង់ ប្រកាសត្រៀមខ្លួនរួចរាល់ហើយ ដើម្បីកម្ទេច អ៊ីស្រាអែល
ប្រធានាធិបតីអ៊ីរ៉ង់ លោក Ebrahim Raisi បានព្រមានកាលពីថ្ងៃអង្គារទី១៨ខែមេសាថា ចលនាអរិភាពណាមួយពីអ៊ីស្រាអែល នឹងនាំទៅដល់ការបំផ្លិចបំផ្លាញទីក្រុង Haifa និង Tel Aviv ហើយអ៊ីរ៉ង់ បានត្រៀមខ្លួនរួចហើយសម្រាប់រឿងនេះ។
ថ្លែងនៅឯក្បួនព្យុហយាត្រាយោធាប្រចាំឆ្នាំ លោក Raisi ក៏បានអំពាវនាវឲ្យសហរដ្ឋអាមេរិក និងកងកម្លាំងក្នុងតំបន់ផ្សេងទៀត ត្រូវចាកចេញពីតំបន់មជ្ឈិមបូព៌ាផងដែរ។
មេដឹកនាំអ៊ីរ៉ង់ តែងតែប្រើទិវាកងទ័ពនេះ ដើម្បីធ្វើការគំរាមទម្លាក់គ្រាប់បែក ប្រឆាំងនឹងអ៊ីស្រាអែល និងអាមេរិក។ កាលពីឆ្នាំមុន លោក Raisi ក៏បានចេញការព្រមានស្រដៀងគ្នានេះដែរ ដោយនិយាយថា កងកម្លាំងប្រដាប់អាវុធរបស់អ៊ីរ៉ង់ នឹងកំណត់គោលដៅលើរបប “ហ្សាយអឺន”ប្រសិនបើអ៊ីស្រាអែលធ្វើសកម្មភាពប្រឆាំងនឹងអ៊ីរ៉ង់។
ទោះជាយ៉ាងណាក៏ដោយ សុន្ទរកថាឆ្នាំនេះ បានកើតឡើងចំពេលមានភាពតានតឹងខ្ពស់ខុសពីធម្មតា រវាងមហាអំណាចក្នុងតំបន់ទាំងពីរ។
អ៊ីរ៉ង់ បានស្តីបន្ទោសអ៊ីស្រាអែល ចំពោះការវាយប្រហារដោយយន្តហោះគ្មានមនុស្សបើក លើទីតាំងយោធាកាលពីខែកុម្ភៈ ខណៈអ៊ីស្រាអែលចោទបកទៅអ៊ីរ៉ង់វិញថា បានរំលោភលើដែនអាកាសរបស់ខ្លួនជាមួយនឹងដ្រូនកាលពីដើមខែនេះ។
ទន្ទឹមនោះ នាយករដ្ឋមន្ត្រីអ៊ីស្រាអែល លោក Benjamin Netanyahu បានព្រមានម្តងហើយម្តងទៀតថា អ៊ីរ៉ង់ជិតឈានដល់ការបង្កើនសារធាតុអ៊ុយរ៉ាញ៉ូមសម្រាប់ផលិតអាវុធហើយ ដោយប្រកាសកាលពីខែមុនថា “សង្រ្គាមនុយក្លេអ៊ែរដ៏អាក្រក់” នឹងកើតឡើង ប្រសិនបើអ៊ីរ៉ង់ផលិតបានអាវុធបរមាណូ។
យ៉ាងណាក្តី ទីក្រុងតេហេរ៉ង់ បានបដិសេធថា ខ្លួនមិនកំពុងស្វែងរកអាវុធនុយក្លេអ៊ែរទេ៕
ប្រែសម្រួល៖ Vann Vann
ប្រភព៖ RT, Daily Mail
ចុចអាន៖ អ៊ីស្រាអែល ព្រមានថា អ៊ីរ៉ង់ កំពុងពិចារណា វាយប្រហារព្រឹត្តិការណ៍ World Cup នៅ កាតា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ