ប្រមុខចារកម្មរបស់អ៊ីស្រាអែល បានអះអាងថា អ៊ីរ៉ង់ កំពុងពិចារណាវាយប្រហារ លើការប្រកួតបាល់ទាត់ពិភពលោក ដើម្បីទាក់ទាញចំណាប់អារម្មណ៍ ចេញពីការតវ៉ានៅក្នុងប្រទេសដែលបានសម្លាប់មនុស្សជាង ៣៥០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ Aharon Haliva បានព្រមានថា ក្រុងតេហេរ៉ង់ អាចនឹងបើកការវាយប្រហារលើព្រឹត្តិការណ៍ប្រកួតបាល់ទាត់ក្នុងប្រទេសកាតា ដើម្បីបង្កើតអស្ថិរភាពនៅក្នុងតំបន់។

លោក Haliva និយាយថា នៅពេលដែលភាពចលាចលជាសាធារណៈកើនឡើងខ្លាំង ប្រទេសអ៊ីរ៉ង់ ទំនងជាកាន់តែមានភាពកាចសាហាវ នៅក្នុងការឆ្លើយតបរបស់ខ្លួន។

Haliva បានប្រាប់សន្និសីទ របស់វិទ្យាស្ថាន សិក្សាសន្តិសុខជាតិ (INSS) នៅទីក្រុង Tel Aviv ថា “ខ្ញុំសូមប្រាប់អ្នកថា ឥឡូវនេះ អ៊ីរ៉ង់កំពុងពិចារណាវាយប្រហារព្រឹត្តិការណ៍ World Cup នៅប្រទេសកាតាផងដែរ។ អ៊ីរ៉ង់កំពុងព្យាយាមបង្កអស្ថិរភាព។ នៅពេលដែលពិភពលោកនៅជុំវិញអ៊ីរ៉ង់មានស្ថិរភាព និងរីកចម្រើន នេះគឺផ្ទុយពីអ្វីដែលកំពុងកើតឡើងនៅក្នុងប្រទេសអ៊ីរ៉ង់”។

ការព្រមានរបស់គាត់បានកើតឡើង ចំពេលការតវ៉ារីករាលដាល នៅតែបន្តញាំញីសាធារណរដ្ឋឥស្លាម បន្ទាប់ពីការស្លាប់របស់នាង Mahsa Amini នៅក្នុងការឃុំឃាំងរបស់ប៉ូលិសសីលធម៌របស់អ៊ីរ៉ង់ កាលពីថ្ងៃទី១៦ខែកញ្ញា។

ស្រ្តីអាយុ២២ឆ្នាំរូបនេះ បានស្លាប់ បីថ្ងៃបន្ទាប់ពីការចាប់ខ្លួននៅទីក្រុង តេហេរ៉ង់ ពីបទរំលោភលើក្រមសីលធម៌សម្លៀកបំពាក់ឥស្លាមសម្រាប់ស្ត្រី៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មានរឿងអ្វី បានជាកីឡាករអ៊ីរ៉ង់ មិនច្រៀងចម្រៀងជាតិ ពេលប៉ះអង់គ្លេស យប់មិញ?