YouTuber ថៃម្នាក់ ដើរថតវីដេអូ បែរប្រទះឃើញលលាដ៍ក្បាលមនុស្ស

YouTuber ម្នាក់​បាន​រក​ឃើញ​លលាដ៍​ក្បាល​មនុស្សពេល​កំពុង​ថត​មាតិកា​នៅ​មាត់​ទន្លេ​មេគង្គនៃច្រាំង Sai Thong ក្នុង​ខេត្ត Nakhon Phanom ភាគ​ឦសាន​ប្រទេស​ថៃ កាលពី​ម្សិលមិញ​ នេះបើតាមការ​បញ្ចាក់​ពី​សារព័ត៌មាន​thailand។

នៅវេលាម៉ោង៦ល្ងាច លោក Chanathip Chapuban ឬ Moss បាន​ជិះម៉ូតូនិងថ​តវីដេអូសម្រាប់ Channel YouTube របស់គាត់ ហើយក៏​ក្រឡេក​ឃើញ​អ្វីមួយ​ដោយ​តាម​ទឹកនៅលើឆ្នេរ Sai Thong ប្រហែល ៨០០ ម៉ែត្រពី​ផ្លូវ Sawan Chai Khong។ .

លោក Moss បាននិយាយថា​ គាត់ឆ្ងល់ថាហេតុអ្វីបានជាគ្មាននរណាម្នាក់​ឃើញ​លលាដ៍ក្បាល​នេះ ចាប់តាំងពីមនុស្សជាច្រើន​បានទៅលេងឆ្នេរខ្សាច់​ក្នុង​ពិធីបុណ្យ Songkran ចន្លោះ​ថ្ងៃទី ១៣-១៥ ខែមេសា។ ភ្លាមៗ​គាត់បានបញ្ចប់ការថតវីដេអូ ហើយបានខល​ហៅ​ប៉ូលិស​មក​កន្លែង​កើតហេតុ។

ប៉ូលិស និង​បុគ្គលិក​នៃមូលនិធិសង្គ្រោះ Sawang Nawa Ruam បានធ្វើដំណើរទៅកន្លែងកើតហេតុ ដើម្បី​ពិនិត្យសាកសពមនុស្ស។ មន្ត្រី​បាន​រក​ឃើញ​លលាដ៍ក្បាល​​មនុស្ស​​ចម្ងាយ​ប្រហែល ៥ ម៉ែត្រ​ពី​ទឹក​ ហើយ​ឆ្អឹង​ថ្គាម​ក្រោម​បាន​បាត់​អស់គ្មានសល់។ ជាមួយគ្នានេះដែរ​ សត្វខ្យងជាច្រើន​ប្រភេទ ក៏ត្រូវបានរកឃើញ​នៅខាងក្នុង​លលាដ៍ ដូច្នេះគេ​សន្និដ្ឋាន​ថា មនុស្សម្នាក់​នេះបានស្លាប់​យូរហើយ ហើយចរន្តទឹក​បានកួច​លលាដ៍ក្បាលតាមដង​ទន្លេមេគង្គ មកទើរលើច្រាំង ៕

ប្រែសម្រួល៖ សាង ស្រីល័ក្ខ

ចុចអាន៖បុរសម្នាក់នៅ ចិន ក្រាបសំពះរថយន្តជាការដឹងគុណ ក្រោយជិះអស់រយៈពេល ៨ ឆ្នាំ