ព័ត៌មានអន្ដរជាតិ
UN និងរុស្ស៊ី ព្រមានថា ពិភពលោក កំពុងស្ថិតក្នុងកម្រិតគ្រោះថ្នាក់ធ្ងន់ធ្ងរ
អគ្គលេខាធិការអង្គការសហប្រជាជាតិ លោក Antonio Guterres បាននិយាយកាលពីថ្ងៃចន្ទទី២៤ខែមេសាថា ហានិភ័យនៃជម្លោះរវាងមហាអំណាចពិភពលោក គឺស្ថិតក្នុងកម្រិតខ្ពស់ជាប្រវត្តិសាស្ត្រ ហើយរដ្ឋមន្ត្រីការបរទេសរុស្ស៊ី លោក Sergei Lavrov ក៏ព្រមានដែរថា ពិភពលោកគឺស្ថិតក្នុងកម្រិតមួយ ដែលគ្រោះថ្នាក់ជាងក្នុងអំឡុងសង្គ្រាមត្រជាក់ ទៅទៀត។
លោក Guterres ដែលអង្គុយក្បែរលោក Lavrov ក្នុងក្រុមប្រឹក្សាសន្តិសុខអង្គការសហប្រជាជាតិ បានរិះគន់ការលុកលុយរបស់រុស្ស៊ីលើអ៊ុយក្រែន ដែលបណ្តាលឲ្យមានទុក្ខវេទនា និងការបំផ្លិចបំផ្លាញយ៉ាងធំធេងនៅក្នុងប្រទេស។
គួរបញ្ជាក់ថា លោក Lavrov បានធ្វើជាប្រធាននៃកិច្ចប្រជុំក្រុមប្រឹក្សានេះ ដោយសារតែរុស្ស៊ីកាន់តំណែងជាប្រធានប្តូរវេនប្រចាំខែរបស់ក្រុមប្រឹក្សាសម្រាប់ខែមេសា។
លោក Lavrov និយាយថា “ដូចក្នុងអំឡុងសង្គ្រាមត្រជាក់ដែរ យើងបានឈានដល់កម្រិតគ្រោះថ្នាក់ ដែលប្រហែលជាគ្រោះថ្នាក់ជាងនោះទៅទៀត។ ស្ថានការណ៍កាន់តែអាក្រក់ទៅៗ ជាមួយនឹងការបាត់បង់ទំនុកចិត្តលើពហុភាគីនិយម”។
ទោះបីជាយ៉ាងណាក៏ដោយ សមាជិកក្រុមប្រឹក្សាសន្តិសុខមួយក្រុម រួមទាំងសហរដ្ឋអាមេរិក បារាំង និងអង់គ្លេស ផងដែរ សុទ្ធតែបានថ្កោលទោសរុស្ស៊ី ចំពោះសង្រ្គាមរបស់ខ្លួនលើអ៊ុយក្រែន។
ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ លោកស្រី Linda Thomas-Greenfield បានប្រាប់ក្រុមប្រឹក្សាថា “រុស្ស៊ី បានលុកលុយប្រទេសជិតខាងអ៊ុយក្រែន ហើយបានវាយប្រហារចំបេះដូងនៃធម្មនុញ្ញអង្គការសហប្រជាជាតិ”។
អ្នកស្រីគូសបញ្ជាក់ថា “សង្រ្គាមខុសច្បាប់ គ្មានហេតុផល និងមិនចាំបាច់នេះ បានធ្វើឡើងដោយផ្ទាល់ទៅនឹងគោលការណ៍ដ៏ពិសិដ្ឋបំផុតរបស់យើង។ សង្រ្គាមលុកលុយ និងការដណ្តើមទឹកដី មិនអាចទទួលយកបានឡើយ”៕
ប្រែសម្រួល៖ Vann Vann
ប្រភព៖ Reuters
ចុចអាន៖ UN បោះឆ្នោតថ្កោលទោស រុស្ស៊ី និងតម្រូវឲ្យដកទ័ពចេញពី អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ