ព័ត៌មានអន្ដរជាតិ
នាវាចិន ចាកចេញពីដែនទឹកវៀតណាម ហើយ
នាវាស្រាវជ្រាវចិន និងនាវាអម ដែលប្រតិបត្តិការអស់រយៈពេលជិតមួយខែមកហើយ នៅក្នុងតំបន់សេដ្ឋកិច្ចផ្តាច់មុខ (EEZ) របស់វៀតណាមក្នុងសមុទ្រចិនខាងត្បូង បានចាកចេញពីដែនទឹកទាំងនោះហើយ កាលពីយប់ថ្ងៃចន្ទទី៥ខែមិថុនា បន្ទាប់ពីកិច្ចចរចាកម្រិតខ្ពស់ អាមេរិក-ចិន។ នេះបើតាមការបញ្ជាក់ពីក្រុមអ្នកជំនាញ តាមដាននាវា។
បើយោងតាមទិន្នន័យពីក្រុមតាមដាននាវា, នាវាចិន Xiang Yang Hong 10 បានចាប់ផ្តើមធ្វើប្រតិបត្តិការក្នុង EEZ របស់វៀតណាម កាលពីថ្ងៃទី៧ខែឧសភា ហើយតែងតែឆ្លងកាត់តំបន់រុករកឧស្ម័ននិងប្រេង ដែលដំណើរការដោយក្រុមហ៊ុនរុស្ស៊ី។
កាលពីថ្ងៃចន្ទ បន្ទាប់ពីមន្ត្រីជាន់ខ្ពស់អាមេរិកនិងចិន បានជួបពិភាក្សាគ្នានៅទីក្រុងប៉េកាំង, នាវាចិននិងនាវាអមជាង១០គ្រឿង បានចាប់ផ្តើមធ្វើដំណើរវិលត្រឡប់ទៅកោះហៃណានរបស់ចិនវិញ ដោយចាកចេញពីតំបន់ EEZ របស់វៀតណាម នៅពេលពាក់កណ្តាលអធ្រាត្រ។
ទោះបីជាយ៉ាងណាក៏ដោយ នៅពេលសួរអំពីនាវាទាំងនោះ ក្រសួងការបរទេសចិន មិនបានធ្វើអត្ថាធិប្បាយអំពីលើការវិលត្រឡប់ទៅកាន់កោះ ហៃណាន នោះទេ។
ប៉ុន្តែក្រសួងបាននិយាយក្នុងសេចក្តីថ្លែងការណ៍មួយថា “នាវាស្រាវជ្រាវវិទ្យាសាស្ត្ររបស់ចិន ដែលអនុវត្តសកម្មភាពស្រាវជ្រាវធម្មតានៅក្នុងដែនសមុទ្រ ក្រោមដែនសមត្ថកិច្ចរបស់ប្រទេសចិន គឺស្របតាមច្បាប់ និងត្រឹមត្រូវ”។
គួរបញ្ជាក់ថា នៅក្រោមច្បាប់អន្តរជាតិ នាវាត្រូវបានអនុញ្ញាតឲ្យធ្វើដំណើរឆ្លងកាត់ EEZ បរទេស ប៉ុន្តែការស្ទាបស្ទង់ភូមិសាស្រ្តដែលគ្មានការយល់ព្រម គឺមិនត្រូវបានអនុញ្ញាតឡើយ៕
ប្រែសម្រួល៖ Vann Vann
ប្រភព៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង