ព័ត៌មានអន្ដរជាតិ
គ្រោះធម្មជាតិ២ខុសគ្នា វាយប្រហារអឺរ៉ុប៖ ភាគខាងត្បូងជួបរលកកម្តៅ ភាគខាងជើងមានព្យុះ
អាកាសធាតុនៅទ្វីបអឺរ៉ុប កំពុងបែងចែកជាពីរដ៏កម្រ ដោយរលកកម្តៅ កំពុងវាយប្រហារនៅទូទាំងភាគខាងត្បូង ខណៈព្យុះដ៏ខ្លាំង វាយប្រហារបណ្តាប្រទេសនៅភាគខាងជើង។
ភ្លើងឆេះព្រៃ បានឆាបឆេះនៅក្នុងប្រទេសក្រិក អេស្ប៉ាញ និងភាគខាងត្បូងប្រទេសអ៊ីតាលី ស្របពេលខ្យល់ព្យុះ និងព្រឹល បានវាយប្រហារផ្នែកខ្លះនៃប្រទេសអាល្លឺម៉ង់ ស្វីស និងភាគខាងជើងប្រទេសអ៊ីតាលី។
ភ្លើងឆេះព្រៃ បានបង្ខំឲ្យបិទព្រលានយន្តហោះ Palermo លើកោះ Sicily ខណៈកោះរបស់អ៊ីតាលីមួយនេះ បានកត់ត្រាសីតុណ្ហភាព ៤៧អង្សាសេ។
ទន្ទឹមនោះ ភ្លើងនៅតែបន្តបំផ្លិចបំផ្លាញក្នុងប្រទេសក្រិក ដោយមនុស្សរាប់ពាន់នាក់ ត្រូវបង្ខំចិត្តរត់គេចខ្លួន។ ភ្លើងឆេះព្រៃ ក៏ត្រូវបានរាយការណ៍ផងដែរនៅក្នុងប្រទេសក្រូអាត បារាំង អ៊ីតាលីដីគោក អេស្ប៉ាញ តួកគី និងរុស្ស៊ី។
ថ្វីបើរលកកម្តៅកាន់តែធ្ងន់ធ្ងរទៅៗ ហើយភ្លើងឆេះព្រៃ បណ្តាលឲ្យមានភាពវឹកវរនៅភាគខាងត្បូងក៏ដោយ ប៉ុន្តែទម្រង់នៃអាកាសធាតុធ្ងន់ធ្ងរផ្សេងទៀត ក៏កំពុងហែកហួរតាមទីប្រជុំជននិងទីក្រុងនានា នៅទូទាំងអឺរ៉ុបភាគខាងជើង ផងដែរ។
នៅប្រទេសស្វីស ខ្យល់ព្យុះកំបុតត្បូងល្បឿន២១៧គីឡូម៉ែត្រក្នុងមួយម៉ោង បានធ្វើឲ្យដងស្ទូចបាក់សង្កត់សម្លាប់មនុស្សម្នាក់ ហើយថែមទាំងបោកបំប៉ើងដំបូលផ្ទះជាច្រើនទៀតផង។ ខ្យល់ព្យុះក៏បានវាយប្រហារប្រទេសបារាំង និងអាល្លឺម៉ង់ផងដែរ ដោយភ្លៀងធ្លាក់យ៉ាងគំហុក បានជន់លិចផ្លូវក្នុងទីក្រុងបែរឡាំង។
គួរបញ្ជាក់ថា កាលពីឆ្នាំមុន រលកកម្ដៅបានបណ្ដាលឲ្យមនុស្សជាង ៦១,៦០០នាក់បាត់បង់ជីវិត នៅទូទាំង៣៥ប្រទេសក្នុងទ្វីបអឺរ៉ុប និងបង្កជាភ្លើងឆេះព្រៃយ៉ាងសាហាវ ខណៈនៅឆ្នាំនេះវិញ សីតុណ្ហភាពអាចលើសពីកំណត់ត្រាបច្ចុប្បន្នរបស់អឺរ៉ុបគឺ ៤៨.៨អង្សាសេ ដែលបានកត់ត្រានៅលើកោះ Sicily ក្នុងខែសីហា ឆ្នាំ ២០២១ ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ តំបន់កាន់តែច្រើននៅអាមេរិក រងគ្រោះដោយរលកកម្តៅ ខណៈមនុស្ស៥៩លាននាក់ ត្រូវគេព្រមានឲ្យប្រយ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ