ឆាងឈីង ជាអណ្តូងប្រេងនិងឧស្ម័នដ៏ធំបំផុតរបស់ប្រទេសចិន

អណ្ដូង​ប្រេងឆាងឈីង (Changqing) ជាកន្លែងស្តុកប្រេង និងឧស្ម័នដ៏ធំបំផុតរបស់ប្រទេសចិន ដែលគេរកឃើញនៅឆ្នាំ ១៩៧១ និងបានបង្កើតឡើងដោយសាជីវកម្មប្រេងជាតិ PetroChina។ វាចាប់ផ្តើមផលិតប្រេង និងឧស្ម័នធម្មជាតិតាំងពីឆ្នាំ ១៩៧៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អណ្តូងប្រេងដ៏ធំបំផុតនេះបានផលិតបានជាង ៦៥លានតោននៃសមមូលប្រេង (TOE) នៃប្រេងឆៅ និងឧស្ម័នធម្មជាតិក្នុងឆ្នាំ២០២២ ហើយបានដាក់អណ្តូងប្រេងចំនួន ២,២១០ និងអណ្តូងឧស្ម័នចំនួន ២,៣៣៨ ឲ្យដំណើរការពេញមួយឆ្នាំ។ ទុនបម្រុងសរុបនៃតំបន់ប្រេងឆាងឈីងមានប្រហែល ២៣,៨ ពាន់លានបារ៉ែល ហើយការផលិតគឺផ្តោតលើ ៤៧២,០០០ធុងក្នុងមួយថ្ងៃ ។

លោក Zhang Guansheng ប្រធានវិទ្យាស្ថានស្រាវជ្រាវបច្ចេកវិទ្យាប្រេង និងឧស្ម័ន Oilfield វាបាននិយាយថា​អណ្តូង​ប្រេង Longdong បានផលិតប្រេងសរុបចំនួន ១១០ លានតោនក្នុង​រយៈពេល​ប៉ុន្មាន​ឆ្នាំ​នៃ​ប្រតិបត្តិការ និងបានបង្ហាញពី​ទុន​បម្រុង​ប្រេង​លើសពី ៣.២ ពាន់លានតោន​គិត​ត្រឹម​ដំណាច់​ឆ្នាំនេះ។

ប្រេង​ឆៅ​

គឺ​ជា​ប្រេង​ដែល​មាន​ក្នុង​ទម្រង់​ជា​វត្ថុ​រាវ​ពណ៌​ខ្មៅ ឬ​ពណ៌ត្នោត មានក្លិនដូចឥន្ធនៈ។ សមាសធាតុភាគច្រើន​របស់វាគឺសមាសធាតុអ៊ីដ្រូកាបូន​ងាយនឹងបង្កជាហេតុ។ អាចបែងចែកជា ៣ ប្រភេទ ទៅតាមលក្ខណៈសម្បត្តិ និងប្រភេទនៃអ៊ីដ្រូកាបូន ដែលមានសមាសភាព៖ ប្រេងឆៅប៉ារ៉ាហ្វីន ប្រេងឆៅមូលដ្ឋានNaphthene និងប្រេងឆៅមូលដ្ឋានចម្រុះ
នៅពេលចម្រោះ​វានឹងមាន ហ្គាស ប្រេងសាំង ប្រេងកាត ប្រេងម៉ាស៊ូត ប្រេងឥន្ទនៈ និងថ្នល់កៅស៊ូ។

ឧស្ម័នធម្មជាតិ

គឺ​ជា​ប្រេង​ក្នុង​ស្ថានភាព​ឧស្ម័ន​ដែល​មាន​គ្រប់​ទីកន្លែង​ក្នុង​ពិភពលោក។ វាត្រូវបានបង្កឡើងដោយ​សំណល់​នៃរុក្ខជាតិ និងសត្វផ្សេងៗដែលជាប់គាំងជាមួយភក់ ខ្សាច់ និងដីល្បាប់ផ្សេងៗ​នៅបាតសមុទ្រ ហើយបង្រួមជាស្រទាប់​ក្រោម​កម្ដៅ​ និង​សម្ពាធ​ដ៏​ធំ​សម្បើម​ក្នុង​រយៈពេល​រាប់រយលានឆ្នាំ។ ក្រោយមកទើបប្រែជាសភាព​រឹង​វា​ជា​ធ្យូងថ្ម ក្នុង​សភាព​រាវ​ វា​ជា​ប្រេង​ឆៅ និង​ឧស្ម័ន។

ទោះយ៉ាងណាក៏ដោយ​ក្នុងនាម​ជាអណ្តូងប្រេង និងឧស្ម័នដំបូងគេក្នុង​ប្រទេសដែលមាន​ទិន្នផល​ឧស្ម័នសរុប ៦០០ពាន់លានម៉ែត្រគូប អណ្តូងប្រេងឆាងឈីង ដើរតួនាទីយ៉ាង​សំខាន់​ក្នុងការធ្វើឲ្យ​រចនាសម្ព័ន្ធ​ថាមពល​ប្រសើរឡើង និងការកែលម្អបរិស្ថានអេកូឡូស៊ី៕

ប្រែសម្រួល៖ សាង ស្រីល័ក្ខ

ចុចអាន៖ទីក្រុងចំនួន ៣ នៅ ចិន លុបចោល​ការរឹតបន្តឹង​សម្រាប់ទិញផ្ទះ