ព័ត៌មានអន្ដរជាតិ
រុស្ស៊ី ប្រាប់ពីកិច្ចសហប្រតិបត្តិការជាមួយ កូរ៉េខាងជើង ថា មិនមែនប្រឆាំងប្រទេសណាមួយឡើយ
ឯកអគ្គរដ្ឋទូតរុស្ស៊ីប្រចាំនៅកូរ៉េខាងជើង លោក Alexander Matsegora បាននិយាយកាលពីថ្ងៃអាទិត្យថា កិច្ចសហប្រតិបត្តិការរវាងរុស្ស៊ី និងកូរ៉េខាងជើង មិនមែនសំដៅប្រឆាំងនឹងប្រទេសណាមួយនោះទេ ពោលប្រទេសទាំងពីរមានរបៀបវារៈវិជ្ជមានរៀងៗខ្លួន ។
លោក Matsegora បានប្រាប់កម្មវិធី Soloviev Live ថា “យើងមិនសហការគ្នាដើម្បីប្រឆាំងនឹងនរណាម្នាក់ជាមួយកូរ៉េខាងជើងនោះទេ ដោយសារតែយើងមានរបៀបវារៈវិជ្ជមាន ។ កិច្ចសហការគ្នារបស់យើងគឺសំដៅទៅដល់ការដោះស្រាយបញ្ហាជាក់លាក់ លើកកម្ពស់កម្រិតជីវភាពរស់នៅរបស់ប្រជាជន ជាពិសេសការពង្រឹងភាពជាដៃគូក្នុងវិស័យផ្សេងៗ” ។
លោកឯកអគ្គរដ្ឋទូតបានកត់សម្គាល់ថា គោលបំណងសំខាន់របស់រុស្ស៊ី និងកូរ៉េខាងជើងគឺដើម្បី “រក្សាសន្តិភាព និងស្ថិរភាពក្នុងតំបន់ និងលើពិភពលោក” ។ លើសពីនេះ មេដឹកនាំកូរ៉េខាងជើង លោក គីម ជុងអ៊ុន ក៏បានលើកឡើងពីបញ្ហាកិច្ចសហប្រតិបត្តិការលើវិស័យវារីអគ្គីសនី ក្នុងអំឡុងដំណើរទស្សនកិច្ចរបស់លោកទៅកាន់ប្រទេសរុស្ស៊ីផងដែរ ។
លោក Matsegora បាននិយាយថា “យើងបានជជែក និងពិភាក្សាគ្នាអំពីបញ្ហាទាំងនោះនៅលើរថភ្លើង ។ យើងបានរៀបចំផែនការសម្រាប់ពេលអនាគត ជាពិសេសគឺបញ្ហាទាក់ទងនឹងកិច្ចសហប្រតិបត្តិការរបស់យើងក្នុងវិស័យវារីអគ្គីសនី” ។
គួរបញ្ជាក់ថា លោក គីម ជុងអ៊ុន បានបញ្ចប់ដំណើរទស្សនកិច្ចរយៈពេល ៦ ថ្ងៃនៅប្រទេសរុស្ស៊ី ខណៈការអញ្ជើញមកកាន់ប្រទេសកូរ៉េខាងជើងវិញកាលពីថ្ងៃអាទិត្យ លោក គីម ទទួលបានកាដូជាយន្តហោះដ្រូនបំផ្ទុះអត្តឃាតចំនួន ៥ គ្រឿង យន្តហោះដ្រូនស៊ើបការណ៍ “Geran-25” មួយគ្រឿង អាវការពារគ្រាប់កាំភ្លើង ក៏ដូចជាកាំភ្លើងវែងមួយដើមផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?