ព័ត៌មានអន្ដរជាតិ
លោក គីម ជុងអ៊ុន បញ្ចប់ទស្សនកិច្ចនៅ រុស្ស៊ី ហើយត្រលប់ទៅ កូរ៉េខាងជើង វិញមិនមែនដោយដៃទទេ (មានវីដេអូ)
យោងតាមទីភ្នាក់ងារព័ត៌មានរុស្ស៊ី TASS បានឲ្យដឹងនៅថ្ងៃអាទិត្យថា មេដឹកនាំកូរ៉េខាងជើងលោក គីម ជុងអ៊ុន ទទួលយន្តហោះដ្រូនបំផ្ទុះអត្តឃាតចំនួន ៥ គ្រឿង និងយន្តហោះដ្រូនស៊ើបការណ៍ “Geran-25” មួយគ្រឿងផងដែរ ។

ទន្ទឹមនោះ ក្រៅពីយន្តហោះដ្រូនទាំងប៉ុន្មានគ្រឿងនេះហើយ លោក គីម ជុងអ៊ុន ក៏ទទួលបានអាវការពារគ្រាប់កាំភ្លើង និងឈុតសម្លៀកបំពាក់ពិសេសៗផ្សេងទៀត ដែលជាកាដូពីអភិបាលតំបន់ Primorye ក្នុងដំណើរទស្សនកិច្ចរបស់លោកទៅកាន់ប្រទេសរុស្ស៊ី ។
ស្របពេលជាមួយគ្នានេះ ការអញ្ជើញទៅរុស្ស៊ីលើកនេះ លោក គីម ជុងអ៊ុន ក៏ទទួលបានកាំភ្លើងវែងមួយដើម និងស្រោមដៃនៃឈុតអវកាសរបស់អាកាសយានិកសម័យសូវៀត ដែលជាកាដូផ្ដល់ឲ្យផ្ទាល់ដៃពីសំណាក់លោក ពូទីន ផងដែរ ។

បច្ចុប្បន្នលោក គីម ជុងអ៊ុន កំពុងស្ថិតនៅក្នុងរថភ្លើងពាសដែកចាកចេញពីតំបន់ចុងបូព៌ានៃប្រទេសរុស្ស៊ីដើម្បីធ្វើដំណើរត្រលប់មកប្រទេសកូរ៉េខាងជើងវិញ បន្ទាប់ពីបំពេញដំណើរទស្សនកិច្ចរយៈពេល ៦ ថ្ងៃនៅប្រទេសរុស្ស៊ី ចាប់តាំងពីថ្ងៃទី១២ ខែកញ្ញាមក ។
គួរបញ្ជាក់ថា ជំនួបរវាងលោក គីម និងលោក ពូទីន បានបង្កក្ដីព្រួយបារម្ភយ៉ាងខ្លាំងទៅដល់បណ្ដាប្រទេសលោកខាងលិចពាក់ព័ន្ធទៅនឹងការពង្រីកកិច្ចសហប្រតិបត្តិការយោធារវាងប្រទេសទាំងពីរ ជាពិសេសការរំពឹងទុករបស់ទីក្រុងព្យុងយ៉ាងក្នុងការបញ្ជូនគ្រាប់បន្ថែមទៀតទៅកាន់ទីក្រុងមូស្កូសម្រាប់ប្រើប្រាស់ក្នុងសង្គ្រាមនៅអ៊ុយក្រែន ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ