Connect with us

ព័ត៌មានអន្ដរជាតិ

កូរ៉េខាងជើងបិទស្ថានទូតជាច្រើននៅជុំវិញពិភពលោក ទំនងមកពីចុះខ្សោយសេដ្ឋកិច្ច

បានផុស

នៅ

យោងតាមរបាយការណ៍របស់ប្រព័ន្ធផ្សព្វផ្សាយ និងអ្នកវិភាគបានឱ្យដឹងថា ប្រទេសកូរ៉េខាងជើងបានត្រៀមខ្លួនបិទស្ថានទូតជាច្រើនរួមទាំងនៅក្នុងប្រទេសអេស្ប៉ាញ ហុងកុង និងប្រទេសជាច្រើននៅក្នុងទ្វីបអាហ្រ្វិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបង្រួបបង្រួមកូរ៉េខាងត្បូង (SKUM) បាននិយាយកាលពីថ្ងៃអង្គារថា ការបិទបេសកកម្មការទូតរបស់កូរ៉េខាងជើងនាពេលថ្មីៗនេះ គឺជាសញ្ញាមួយបង្ហាញថា ប្រទេសឯកោមួយនេះកំពុងតស៊ូដើម្បីរកប្រាក់នៅក្រៅប្រទេស ដោយសារតែទណ្ឌកម្មអន្តរជាតិ។

ដោយឡែកកាលពីថ្ងៃចន្ទ ប្រព័ន្ធផ្សព្វផ្សាយរដ្ឋកូរ៉េខាងជើង KCNA បាននិយាយថា ឯកអគ្គរដ្ឋទូតរបស់ប្រទេសខ្លួនបានលើកដៃលាទៅកាន់មេដឹកនាំអង់ហ្គោឡា និងអ៊ុយហ្គាន់ដាកាលពីសប្តាហ៍មុន ស្របពេលដែលប្រព័ន្ធផ្សព្វផ្សាយក្នុងស្រុកនៅក្នុងប្រទេសអាហ្វ្រិកទាំងពីរបានរាយការណ៍ពីការបិទស្ថានទូតកូរ៉េខាងជើងផងដែរ។

ទាំងអង់ហ្គោឡា និងអ៊ុយហ្គាន់ដាបានពង្រឹងទំនាក់ទំនងមិត្តភាពជាមួយកូរ៉េខាងជើងតាំងពីទសវត្សរ៍ឆ្នាំ ១៩៧០ ដោយរក្សាកិច្ចសហប្រតិបត្តិការយោធា និងផ្តល់ប្រភពរូបិយប័ណ្ណបរទេសដ៏កម្រ ដូចជាគម្រោងសាងសង់រូបចម្លាក់ជាដើម។

ចំពោះការបិទស្ថានទូតលើកនេះ កំពុងតែបង្ហាញថា កូរ៉េខាងជើងមានបញ្ហារង្គោះរង្គើគោលនយោបាយការបរទេសដ៏ធំ ដោយអាចបង្កការប៉ះពាល់ចំពោះការចូលរួមការទូត ការងារមនុស្សធម៌ ក៏ដូចជាសមត្ថភាពក្នុងការបង្កើតប្រាក់ចំណូលផងដែរ។

នៅក្នុងរបាយការណ៍មួយកាលពីថ្ងៃពុធបានឱ្យដឹងថា បេសកកម្មជាង ១០ អាចនឹងត្រូវបិទ ដែលទំនងជាដោយសារតែទណ្ឌកម្មអន្តរជាតិ និងការចុះខ្សោយសេដ្ឋកិច្ចរបស់កូរ៉េខាងជើង។ យោងតាមក្រសួងបានឱ្យដឹងថា ប្រទេសកូរ៉េខាងជើងមានទំនាក់ទំនងផ្លូវការជាមួយប្រទេសចំនួន ១៥៩ នៅទូទាំងពិភពលោក ប៉ុន្តែមានបេសកកម្មការទូតតែ ៥៣ ប្រទេសប៉ុណ្ណោះ។

ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងបានរាយការណ៍ថា ប្រទេសកូរ៉េខាងជើងក៏នឹងបិទស្ថានទូតរបស់ខ្លួននៅក្នុងប្រទេសអេស្ប៉ាញផងដែរ។ ជាមួយគ្នានេះ អេស្ប៉ាញ បានបញ្ជាក់ថា ស្ថានទូតកូរ៉េខាងជើងបានប្រកាសបិទតាំងពីថ្ងៃទី ២៦ ខែតុលា មកម្ល៉េះ៕

ប្រែសម្រួល៖ សន្យា

ប្រភព៖ Reuters

ចុចអាន៖ កំហឹង​ និងសម្អប់លើជនជាតិជីហ្វកើនឡើងទូទាំងពិភពលោក ក្រោយអ៊ីស្រាអែលវាយប្រហារតំបន់ហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម