កំហឹង​ និងសម្អប់លើជនជាតិជីហ្វកើនឡើងទូទាំងពិភពលោក ក្រោយអ៊ីស្រាអែលវាយប្រហារតំបន់ហ្គាហ្សា

កំហឹងខឹងសម្បារ និងក្ដីស្អប់លើជនជាតិជីហ្វ (យូដា) កំពុងកើនឡើងពាសពេញពិភពលោក បន្ទាប់ពីប្រទេសអ៊ីស្រាអែលបើកការវាយប្រហារលើតំបន់ហ្គាហ្សាស្ទ្រីបបណ្ដាលឱ្យជនស៊ីវិលរាប់ពាន់នាក់ត្រូវបានស្លាប់ និងរាប់សិបនាក់ទៀតបានរងរបួស។

បុរសម្នាក់នៅទីក្រុងឡូសអេនជឺឡេស បានស្រែកប្រកាសឱ្យគេរួមគ្នាសម្លាប់ជនជាតិយូដា ក្រោយបុរសជនជាតិយូដាប៉ុនប៉ងលួចចូលផ្ទះរបស់គ្រួសារមួយ។ ចំណែកនៅទីក្រុងឡុងដ៍ឯណោះ ក្មេងស្រីជនជាតិយូដាម្នាក់ ត្រូវគេបណ្ដេញចេញពីសួនកុមារ ដោយតិះដៀលកុមារីរូបនោះថានាងជាជនជាតិយូដាដែលមានក្លិនស្អុយ។ ដោយឡែកនៅក្នុងប្រទេសចិន ការបង្ហោះដែលប្រដូចជនជាតិយូដាទៅនឹងប៉ារ៉ាស៊ីត បិសាចជញ្ជក់ឈាម ឬពស់ បានរីកសាយនៅលើប្រព័ន្ធផ្សព្វផ្សាយសង្គម និងបានទាក់ទាញការចុច Like រាប់ពាន់នាក់។

មិនតែប៉ុណ្ណោះ សាលារៀន ៣កន្លែងនៅទីក្រុងឡុងដ៏ ត្រូវបានផ្អាក ដោយសារមានអ្នកគ្រប់គ្រងជាជនជាតិជីហ្វ។

រឹតតែចម្រូងចម្រាស់ថែមទៀតនោះ ការប្រឆាំងនឹងសាសនា ការបំពានពាក្យសម្ដី ការប្រមាថតាមអ៊ីនធឺរណិត ឬការគម្រាមកំហែងតាមរយៈផ្ទាំងគំនូរ និងការបង្ខូចទ្រព្យសម្បត្តិរបស់ជនជាតិយូដា អាជីវកម្ម និងគេហទំព័រផ្សេងៗ កំពុងរីកសុះសាយទូទាំងពិភពលោកផងដែរ៕

ប្រែសម្រួល៖ សន្យា

ប្រភព៖ Reuters

ចុចអាន៖ ទីបំផុត ភាគីមួយទៀត ចូលរួមជាផ្លូវការក្នុងសង្គ្រាម អ៊ីស្រាអែល-ហាម៉ាស់