តែមប្រៃសណីយ៍សហរដ្ឋអាមេរិកលក់ក្នុងតម្លៃបំបែកកំណត់ត្រា ២ លានដុល្លារ

តែមប្រៃសណីយ៍ដ៏កម្រមួយរបស់សហរដ្ឋអាមេរិកបានលក់ក្នុងតម្លៃ ២ លានដុល្លារ នៅក្រុមហ៊ុនដេញថ្លៃនៃទីក្រុងញូវយ៉ក បង្កើតកំណត់ត្រាតែមថ្លៃបំផុតនៅអាមេរិក ។

តែមនេះមានអាយុកាលតាំងពីឆ្នាំ ១៩១៨ មកម្ល៉េះ ហើយដើមឡើយវាមានតម្លៃត្រឹមតែ ២៤ សេនប៉ុណ្ណោះ ។ វាជាវត្ថុកម្រដែលមានតែ ១០០ តែមប៉ុណ្ណោះ ព្រោះគេបោះពុម្ពខុសបច្ចេកទេសបណ្ដាលឲ្យយន្ដហោះ Curtiss JN-4 ក្នុងរូបបញ្ច្រាស់ ។

អ្នកទិញមានឈ្មោះថា Charles Hack ជាបុរសវ័យ ៧៦ ឆ្នាំ ។ គាត់ទិញតែមខាងលើ កាលពីថ្ងៃពុធ ទី៨ ខែវិច្ឆិកា នៅក្រុមហ៊ុនដេញថ្លៃ Robert A Siegel Auction Galleries ដែលមានមូលដ្ឋានក្នុងទីក្រុងញូវយ៉ក ។

លោក Hack បានប្រាប់កាសែត Washington Post ថា គាត់មានបំណងថែរក្សាតែមបុរាណនេះទុក ព្រោះវាជា “ប្រវត្តិសាស្ត្រអាមេរិក” ។

មិនតែប៉ុណ្ណោះ តែមនេះត្រូវបានគេស្គាល់យ៉ាងច្បាស់ ថែមទាំងធ្លាប់បង្ហាញខ្លួននៅក្នុងរឿងភាគតុក្កតា The Simpsons ឆ្នាំ ១៩៩៣ ទៀតផង ៕

ប្រែសម្រួល៖ វារី

ប្រភព៖ BBC

ចុចអាន៖ តែមប្រៃសណីយ៍សហរដ្ឋអាមេរិកលក់ក្នុងតម្លៃបំបែកកំណត់ត្រា ២ លានដុល្លារ