Connect with us

ព័ត៌មានអន្ដរជាតិ

លោក ពូទីន ប្រកាសថា សម្ព័ន្ធមិត្តរបស់ខ្លួនក្លាយជា មហាអំណាចនុយក្លេអ៊ែរ ហើយ

បានផុស

នៅ

សារព័ត៌មាន RT បានដកស្រង់សម្តីរបស់លោក វ្ល៉ាឌីមៀរ ពូទីន ដែលនិយាយកាលពីថ្ងៃចន្ទទី២៩ខែមករាថា ពេលនេះសម្ព័ន្ធមិត្តចាក់ទឹកមិនលិចរបស់ខ្លួនគឺប្រទេសបេឡារុស បានចូលរួមជាមួយក្រុមមហាអំណាចនុយក្លេអ៊ែរហើយ បន្ទាប់ពីក្រុមហ៊ុនថាមពលបរមាណូរដ្ឋរុស្ស៊ី Rosatom ជួយទីក្រុង មីនស្កិ៍ បើករោងចក្រថាមពលនុយក្លេអ៊ែរទីមួយរបស់ខ្លួន ប្រកបដោយជោគជ័យ។

ប្រធានាធិបតីរុស្ស៊ីលោក វ្ល៉ាឌីមៀរ ពូទីន (ឆ្វេង) និងប្រធានាធិបតីបេឡារុសលោក Alexander Lukashenko (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតទៅ ក្រសួងថាមពលបេឡារុស បានបើកភ្លើងខៀវឲ្យប្រតិបត្តិការស្ថានីយនេះ តាំងតែពីខែវិច្ឆិកាមកម្ល៉េះ ខណៈប្រព័ន្ធផ្សព្វផ្សាយបានរាយការណ៍នៅពេលនោះថា ជាមួយនឹងសមត្ថភាពផលិតថាមពលសរុប២៤០០មេហ្គាវ៉ាត់, រោងចក្រនេះត្រូវគេរំពឹងថានឹង ជួយបានរហូតដល់៤០% នៃតម្រូវការថាមពលរបស់ប្រទេសឯណោះ។

ទើបមកដល់ថ្ងៃចន្ទ លោកពូទីន ក៏ប្រកាសថា “នេះគឺជាជំហានដ៏សំខាន់មួយ ឈានឆ្ពោះទៅមុខ។ ការសាងសង់រោងចក្រថាមពលនេះ បាននាំមកនូវឧស្សាហកម្មថ្មីទាំងស្រុងសម្រាប់ប្រទេសជិតខាង។ ​ក្នុង​ន័យ​នេះ បេឡារុស​ពិត​ជា​បាន​ក្លាយ​ជា​មហាអំណាច​នុយក្លេអ៊ែរហើយ”។

មានទីតាំងនៅមិនឆ្ងាយប៉ុន្មានពីទីក្រុង Ostrovets ភាគពាយ័ព្យប្រទេសបេឡារុស, រោងចក្រថាមពលនេះ ត្រូវបានសាងសង់ឡើងនៅចន្លោះឆ្នាំ២០១៣ដល់ឆ្នាំ២០២៣ ដោយក្រុមហ៊ុន Atomstroyexport ដែលជាបុត្រសម្ព័ន្ធរបស់ Rosatom។

ស្ថានីយថាមពលនុយក្លេអ៊ែររបស់ក្រុមហ៊ុន Rosatom (រូបថត៖ Rosatom)

យោងតាមសារព័ត៌មាន RIA Novosti, វាគឺជាស្ថានីយថាមពលនុយក្លេអ៊ែរដំបូងគេនៅក្រៅប្រទេសរុស្ស៊ី ដែលប្រើប្រាស់ម៉ាស៊ីនរ៉េអាក់ទ័រនុយក្លេអ៊ែរទំនើបបំផុតជំនាន់ 3+ របស់ Rosatom។

កាលពីឆ្នាំ២០២៣ ទីក្រុងមូស្គូ ក៏បានដាក់អាវុធនុយក្លេអ៊ែរនៅក្នុងប្រទេសបេឡារុសផងដែរ បន្ទាប់ពីទីក្រុងមីនស្កិ៍ ស្នើសុំម្តងហើយម្តងទៀត ព្រោះពេលនោះ ថ្នាក់ដឹកនាំបេឡារុសបានលើកឡើងពីគោលនយោបាយដ៏គឃ្លើនរបស់លោកខាងលិច និងការគំរាមកំហែងដែលបង្កឡើងដោយអាវុធនុយក្លេអ៊ែររបស់សហរដ្ឋអាមេរិក លើទឹកដីសម្ព័ន្ធមិត្តទីក្រុងវ៉ាស៊ីនតោននៅអឺរ៉ុប ខណៈរុស្សីក៏បានបង្ហាញពីការត្រៀមខ្លួនបាញ់មីស៊ីលតបតផងដែរ ដើម្បីការពារបេឡារុស ករណីរងការវាយប្រហារ៕

អត្ថបទ៖ សុខ សុវណ្ណ

ចុចអាន៖ ណាតូ ថា រុស្ស៊ី អាចវាយប្រហារគ្រប់គោលដៅនៅអឺរ៉ុប បើផ្ទុះសង្គ្រាម ជាមួយលោកខាងលិច 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៤ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៥ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម