ព័ត៌មានអន្ដរជាតិ
ណាតូ ថា រុស្ស៊ី អាចវាយប្រហារគ្រប់គោលដៅនៅអឺរ៉ុប បើផ្ទុះសង្គ្រាម ជាមួយលោកខាងលិច
បណ្តាមេទ័ពអង្គការណាតូ បានព្រមានខ្លាំងៗថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន អាចវាយប្រហារគ្រប់គោលដៅទូទាំងទ្វីបអឺរ៉ុប បើសង្គ្រាមជាមួយលោកខាងលិច ផ្ទុះឡើងមែន ហើយប្លុកនេះ សល់ពេលមិនដល់បីឆ្នាំទៀតទេ ដើម្បីត្រៀមខ្លួនសម្រាប់ការវាយលុកដ៏មានសក្តានុពលពីសំណាក់កងទ័ពរុស្ស៊ីនៅលើទឹកដីអឺរ៉ុប។
![](https://www.kampucheathmey.com/wp-content/uploads/2024/01/image-1765.png)
ថ្នាក់ដឹកនាំប្រាប់ទៅកាសែត Times កាលពីថ្ងៃអាទិត្យទី២៨ខែមករាថា គោលដៅដែលរុស្ស៊ីទំនងវាយប្រហារ នឹងជាហេដ្ឋារចនាសម្ព័ន្ធស៊ីវិលឬយោធា ហើយអាល្លឺម៉ង់ ជាគោលដៅដ៏សំខាន់មួយ ព្រោះប្រទេសនោះជាក្បាលម៉ាស៊ីនរបស់ណាតូ។
ស្របពេលជាមួយគ្នានោះដែរ មេទ័ពអាល្លឺម៉ង់ និងជាមេបញ្ជាការមជ្ឈមណ្ឌលភស្តុភារយោធាអង្គការណាតូ នៅភាគនិរតីប្រទេសលោក Alexander Sollfrank បាននិយាយថា “ប្រសិនបើយើងប្រៀបធៀបសង្រ្គាមនិងប្រតិបត្តិការកាលពី១០ឆ្នាំមុនឬ ៥ឆ្នាំមុន នោះយើងដឹងថា យើងត្រូវតែទទួលស្គាល់ថា តំបន់អឺរ៉ុបគឺជាកន្លែងមានការប្រកួតប្រជែងយ៉ាងខ្លាំង”។
![](https://www.kampucheathmey.com/wp-content/uploads/2024/01/image-1762-1024x576.png)
តាមការអះអាងពីមេទ័ពរូបនេះ រុស្ស៊ី នឹងធ្វើប្រតិបត្តិការដោយបំផ្លាញខ្សែទំនាក់ទំនង ហើយចាប់ផ្តើមសង្គ្រាមអេឡិចត្រូនិក រួចវាយប្រហារដោយមីស៊ីលនិងយន្តហោះគ្មានមនុស្សបើកយកតែម្តង។
ដោយឡែក ឧត្តមសេនីយ៍ឯក Jan-Willem Maas ប្រធានបញ្ជាការគាំពារការពារជាតិរបស់កងកម្លាំងប្រដាប់អាវុធហូឡង់ ក៏អះអាងដែរថា ពិតជាមានភាពចាំបាច់ សម្រាប់ការត្រៀមលក្ខណៈចំពោះជម្លោះទូទាំងប្លុកនេះ។ ប្រសិនបើក្រឡេកមើលអ្វីដែលលោកពូទីន ធ្វើមកទល់ពេលនេះ រុស្ស៊ីអាចមានវិធីថ្មី។ ក្រោយវាយលុកអ៊ុយក្រែន លោកពូទីន ដឹងច្បាស់ថា អឺរ៉ុបរួបរួមគ្នារបៀបម៉េច។
![](https://www.kampucheathmey.com/wp-content/uploads/2024/01/image-1763.png)
កាលពីសប្តាហ៍មុន រដ្ឋមន្ត្រីការពារជាតិអាល្លឺម៉ង់លោក Boris Pistorius ក៏ព្រមានដែរថា រយៈពេលប្រមាណជា ៥ ទៅ ៨ ឆ្នាំខាងមុខ កម្លាំងទ័ពរបស់លោក ពូទីន នឹងអាចបើកការវាយប្រហារទៅលើបណ្ដាប្រទេសជាសមាជិកអង្គការណាតូ។
ថ្លែងក្នុងបទសម្ភាសជាមួយកាសែតអាល្លឺម៉ង់ Der Tagesspiegel, លោក Pistorius លើកឡើងថា “យើងបានឮការគំរាមកំហែងពីវិមានក្រឹមឡាំងស្ទើររាល់ថ្ងៃ ដូច្នេះយើងចាត់ទុកវោហារស័ព្ទរបស់លោក ពូទីន ថាអាចនឹងបង្កសង្គ្រាមលើប្រទេសណាតូនៅថ្ងៃណាមួយជាក់ជាមិនខាន ប៉ុន្តែវាមិនមែនឆេះឆួលនៅពេលនេះទេ អាចពី ៥ ទៅ ៨ ឆ្នាំខាងមុខ”។
![](https://www.kampucheathmey.com/wp-content/uploads/2024/01/image-1764-1024x576.png)
ចាប់តាំងពីលោក ពូទីន ផ្តើមការលុកលុយទ្រង់ទ្រាយធំលើអ៊ុយក្រែនក្នុងខែកុម្ភៈ ឆ្នាំ ២០២២មក មន្ត្រីជាន់ខ្ពស់វិមានក្រឹមឡាំងបានព្រលយពាក្យថា វាគ្រាន់តែជាការចាប់ផ្តើមនៃមហិច្ឆិតាអធិរាជប៉ុណ្ណោះ! លោកពូទីន កំពុងសម្លឹងមើលលើរដ្ឋសមាជិកណាតូ នៅភាគខាងកើតជាច្រើនទៀត។
ហេតុនេះហើយ ទើបធ្វើឲ្យមជ្ឈដ្ឋានមួយចំនួនបង្ហាញក្តីបារម្ភ ហើយប៉ូឡូញ ក៏បានចេញការព្រមានពីពេលវេលាផងដែរ ដោយប្រាប់ឲ្យសមាជិកណាតូ កុំអូសបន្លាយពេលយូរពេក ត្រូវត្រៀមខ្លួនឲ្យបានឆាប់តាមដែលអាចធ្វើទៅបាន៕
អត្ថបទ៖ សុខ សុវណ្ណ
ចុចអាន៖ អាល្លឺម៉ង់ ថា ទ័ពលោក ពូទីន នឹងវាយលុកអង្គការណាតូ ៥ ទៅ ៨ ឆ្នាំទៀត
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ