ព័ត៌មានអន្ដរជាតិ
បេក្ខជនប្រជែងតំណែងប្រធានាធិបតី ឥណ្ឌូណេស៊ី ២ រូបមិនទទួលស្គាល់លទ្ធផលចាញ់ឆ្នោត
ការបោះឆ្នោតជ្រើសរើសប្រធានាធិបតីឥណ្ឌូណេស៊ីជុំទី ១ បានបិទបញ្ចប់សព្វគ្រប់ទៅហើយកាលពីថ្ងៃទី១៤ ខែកុម្ភៈកន្លងទៅ ខណៈលទ្ធផលក្រៅផ្លូវការបង្ហាញថា លោករដ្ឋមន្ត្រីការពារជាតិ Prabowo Subianto បាននាំមុខសំឡេងដាច់លើគូប្រជែងរបស់លោក ។ នេះបើយោងតាមការចេញផ្សាយដោយទូរទស្សន៍ជប៉ុន NHK កាលពីថ្ងៃទី១៥ ខែកុម្ភៈកន្លងទៅ ។
លោក Prabowo ដែលមានវ័យ ៧២ ឆ្នាំទទួលបានសំឡេងគាំទ្រ ៥៨ ភាគរយ ខណៈគូប្រជែង ២ រូបទៀតគឺអតីតអភិបាលក្រុងហ្សាកាតា លោក Anies Baswedan មានសំឡេងគាំទ្រប្រហែល ២៥ ភាគរយ និងអតីតអភិបាលខេត្តជ្វាកណ្ដាលលោក Ganjar Pranowo ទទួលបាន ១៧ ភាគរយ ។
យោងតាមលទ្ធផលបោះឆ្នោតក្រៅផ្លូវការដែលរាប់បាន ៩៥ ភាគរយនេះ នាំឲ្យលោក Prabowo ស្ថិតនៅលើផ្លូវឆ្ពោះទៅរកការឈ្នះឆ្នោត និងកាន់ការជាប្រធានាធិបតីឥណ្ឌូណេស៊ី ។ ប៉ុន្តែបើទោះជាយ៉ាងនេះក្ដី បេក្ខជនប្រកួតប្រជែងទាំង ២ រូបហាក់បង្ហាញការថ្នាំងថ្នាក់ចិត្ត និងមិនព្រមទទួលស្គាល់លទ្ធផលនេះឡើយ ហើយថែមទាំងអះអាងទៀតថា ដំណើរការបោះឆ្នោតនេះមិនទាន់រលូនល្អ ឬស្អាតស្អំទាំងស្រុងនោះឡើយ ។
លោក Anies និងលោក Ganjar ចាត់ទុកការកើបបានសំឡេងឆ្នោតគាំទ្រភ្លូកទឹកភ្លូកដីបែបនេះ ថាជាករណីក្លែងបន្លំសន្លឹកឆ្នោត បូករួមជាមួយយុទ្ធនាការឃោសនារបស់លោក Prabowo ។ គូប្រជែងតំណែងប្រធានាធិបតីឥណ្ឌូណេស៊ីទាំងពីរនឹងដាក់ញត្តិអំពាវនាវឲ្យមានការស៊ើបអង្កេតលើរឿងរ៉ាវពាក់ព័ន្ធទាំងអស់ ស្របពេលលទ្ធផលបោះឆ្នោតនឹងប្រកាសជាផ្លូវការក្នុងរយៈពេលប្រហែល ១ ខែទៀត ។
គួរបញ្ជាក់ថា ប្រសិនបើមិនមានអ្វីប្រែប្រួលទេនោះ ការបោះឆ្នោតជ្រើសរើសប្រធានាធិបតីជុំទី ២ នឹងមិនកើតមានឡើងឡើយ ដោយសារតែលោក Prabowo កើបសំឡេងគាំទ្រលើស ៥០ ភាគរយទៅហើយ ខណៈលទ្ធផលបោះឆ្នោតផ្លូវការនឹងប្រកាសនៅថ្ងៃទី២០ ខែមីនាខាងមុខ ហើយប្រធានាធិបតីជាប់ឆ្នោតថ្មីនឹងត្រូវស្បថចូលកាន់តំណែងនៅខែតុលា ឆ្នាំ២០២៤ នេះ ៕
ដោយ ៖ សុខ ជីវ័ន្ត
ចុចអាន ៖ លោក Prabowo Subianto កំពុងដើរលើវិថីទៅកាន់តំណែងជាប្រធានាធិបតីថ្មី ឥណ្ឌូណេស៊ី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ