ព័ត៌មានអន្ដរជាតិ
លោក Xi ប្រកាសថា គ្មាននរណាអាចបញ្ឈប់ “ការជួបជុំគ្រួសារ” ចិន ជាមួយតៃវ៉ាន់ បានទេ
តាមការចុះផ្សាយរបស់ CNA កាលពីថ្ងៃពុធទី១០ខែមេសា ប្រធានាធិបតីចិនលោក Xi Jinping បានប្រាប់អតីតប្រធានាធិបតីតៃវ៉ាន់លោក Ma Ying-jeou ថា ការជ្រៀតជ្រែកពីខាងក្រៅ គឺមិនអាចបញ្ឈប់ការជួបជុំគ្រួសាររវាងភាគីទាំងពីរនៃច្រកសមុទ្រតៃវ៉ាន់បានឡើយ ហើយថា គ្មានបញ្ហាណាដែលមិនអាចពិភាក្សាគ្នាបានទេ។
![](https://www.kampucheathmey.com/wp-content/uploads/2024/04/image-758.png)
ចាប់តាំងពីរដ្ឋាភិបាលនៃសាធារណរដ្ឋចិន បានភៀសខ្លួនទៅតៃវ៉ាន់ក្នុងឆ្នាំ១៩៤៩ ក្រោយចាញ់សង្រ្គាមស៊ីវិលក្រោមដៃពួកកុម្មុយនិស្ត ម៉ៅ សេទុង មក, គ្មានមេដឹកនាំតៃវ៉ាន់កំពុងកាន់តំណែងណាម្នាក់ ធ្វើទស្សនកិច្ចប្រទេសចិនទេ។
ឆ្នាំមុន លោក Ma ដែលជាប្រធានាធិបតីពីឆ្នាំ២០០៨ដល់២០១៦ បានក្លាយជាអតីតមេដឹកនាំតៃវ៉ាន់ដំបូងគេ ដែលធ្វើទស្សនកិច្ចទៅកាន់ប្រទេសចិន ហើយឥឡូវនេះ លោកបានធ្វើដំណើរទៅកាន់ប្រទេសចិនជាលើកទីពីរ។
![](https://www.kampucheathmey.com/wp-content/uploads/2024/04/image-759.png)
ក្នុងជំនួបជាមួយលោក Ma នៅមហាសាលប្រជាជនទីក្រុងប៉េកាំង លោក Xi មានប្រសាសន៍ថា ប្រជាជននៅសងខាងច្រកសមុទ្រ គឺជាជនជាតិចិន។ ការជ្រៀតជ្រែកពីខាងក្រៅ ពិតជាមិនអាចបញ្ឈប់និន្នាការប្រវត្តិសាស្ត្រ នៃការជួបជុំប្រទេសនិងក្រុមគ្រួសារទាំងពីរនេះបានទេ។ គ្មានរឿងណាដែលមិនអាចដោះស្រាយបានឡើយ ហើយក៏គ្មានបញ្ហាណាដែលមិនអាចពិភាក្សានិងគ្មានកម្លាំងណាអាចបំបែកភាគីទាំងពីរបានដែរ។
ត្បិតលោក Xi មិនចង្អុលចំឈ្មោះថា ការជ្រៀតជ្រែកពីខាងក្រៅសំដៅទៅលើប្រទេសណាក៏ដោយ ប៉ុន្តែគេដឹងច្បាស់ណាស់ថា គ្មានប្រទេសណា ក្រៅពី សហរដ្ឋអាមេរិកឡើយ។
![](https://www.kampucheathmey.com/wp-content/uploads/2024/04/image-760-1024x683.png)
ស្របពេលជាមួយគ្នានោះ លោក Ma ប្រាប់ទៅលោក Xi ថា ភាពតានតឹង ធ្វើឲ្យប្រជាជនតៃវ៉ាន់ជាច្រើន មិនសប្បាយចិត្ត ហើយប្រសិនបើមានសង្រ្គាមរវាងភាគីទាំងពីរមែននោះ ប្រជាជនចិនក៏មិនអាចទ្រាំទ្របានដែរ។ ជនជាតិចិននៅផ្នែកសងខាងនៃច្រកសមុទ្រ មានប្រាជ្ញាដើម្បីដោះស្រាយរាល់ជម្លោះដោយសន្តិវិធី និងចៀសវាងការឈានទៅរកសង្គ្រាម។
សូមបញ្ជាក់ថា ប្រទេសចិនមិនដែលបោះបង់ការប្រើកម្លាំងបាយ ដើម្បីនាំតៃវ៉ាន់មកគ្រប់គ្រងវិញឡើយ ហើយតែងតែបង្កើនសម្ពាធផ្នែកយោធានិងនយោបាយ ដើម្បីអះអាងអំពីការទាមទារអធិបតេយ្យរបស់ខ្លួន ប៉ុន្តែភាពតានតឹងប៉ុន្មានឆ្នាំចុងក្រោយរវាងចិននិងតៃវ៉ាន់ គឺត្រូវបានដុតកម្តៅដោយទីក្រុងវ៉ាស៊ីនតោន ដែលបានផ្តល់ជំនួយជាសព្វាវុធជាបន្តបន្ទាប់ដល់ទីក្រុងតៃប៉ិ៕
អត្ថបទ៖ សុខ សុវណ្ណ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ