Connect with us

ព័ត៌មានអន្ដរជាតិ

អ៊ីស្រាអែល បើកការសងសឹកនៅលីបង់ សម្លាប់មេទ័ព ក្រុមហេសបូឡា

បានផុស

នៅ

តាមសេចក្តីរាយការណ៍របស់ Reuters, ការវាយប្រហារសងសឹករបស់អ៊ីស្រាអែល នៅភាគខាងត្បូងប្រទេសលីបង់កាលពីថ្ងៃអង្គារទី១៦ខែមេសា បានសម្លាប់មនុស្ស៣នាក់ រួមទាំងមេទ័ពក្រុម ហេសបូឡា មួយរូបផងដែរ។

(រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោធាអ៊ីស្រាអែលអះអាងថា លោក Ismail Baz ដែលត្រូវបានសម្លាប់ក្នុងការវាយប្រហារលើរថយន្ត នៅជិតទីក្រុង Ain Ebel ភាគខាងត្បូង គឺជាមេទ័ពដែនសមុទ្ររបស់ក្រុម ហេសបូឡា ហើយបានចូលរួមរៀបចំផែនការវាយប្រហារដោយរ៉ុកកែត និងមីស៊ីលប្រឆាំងរថក្រោះលើអ៊ីស្រាអែល ជាច្រើនលើកច្រើនសា។

ស្របពេលជាមួយគ្នានោះដែរ ក្រុមហេសបូឡា បានចេញលិខិតរំលែកមរណទុក្ខចំពោះការស្លាប់របស់លោក Baz ប៉ុន្តែមិនបញ្ជាក់លម្អិតអំពីតួនាទីរបស់គាត់នៅក្នុងអង្គការនោះទេ។

(រូបថត៖ Flash90)

ក្រុមហេសបូឡានិងអ៊ីស្រាអែល កំពុងជាប់ដៃធ្វើសង្គ្រាមជាមួយគ្នា ទាំងដែលជម្លោះនៅតំបន់ហ្គាហ្សា បានឈានដល់កម្រិតធ្ងន់ធ្ងរបំផុតមិនធ្លាប់មានសោះ ចាប់តាំងពីពួកគេប្រយុទ្ធគ្នាក្នុងសង្គ្រាមដ៏ធំមួយកាលពីឆ្នាំ២០០៦។

ការប្រយុទ្ធគ្នានេះ បានឆក់យកជីវិតប្រជាជនលីបង់យ៉ាងតិច៣៧០នាក់ រួមទាំងយុទ្ធជនហេសបូឡាជាង២៤០នាក់និងជនស៊ីវិល៦៨នាក់ផងដែរ ហើយជំរុញឲ្យមានក្តីកង្វល់ អំពីសង្គ្រាមរីករាលដាលរវាងគូសត្រូវនៅក្នុងតំបន់។

Baz គឺជាមេទ័ពក្រុមហេសបូឡាទី៦ ដែលត្រូវអ៊ីស្រាអែលសម្លាប់ ខណៈ៦ខែចុងក្រោយ អ៊ីស្រាអែល បានសម្លាប់មន្ត្រីជាន់ខ្ពស់របស់ចលនាសកម្មប្រយុទ្ធគាំទ្រដោយអ៊ីរ៉ង់មួយនេះ អស់ជាង៣០នាក់មកហើយ។ 

(រូបថត៖ AFP)

រឿងនេះក៏កើតឡើងផងដែរ បន្ទាប់ពីអ៊ីរ៉ង់បើកការវាយប្រហារដ៏សាហាវលើអ៊ីស្រាអែលជាមួយយន្តហោះគ្មានមនុស្សបើករាប់រយគ្រឿង និងមីស៊ីលរាប់រយគ្រាប់ កាលពីយប់ថ្ងៃសៅរ៍ទី១៣ខែមេសា។

ការវាយប្រហារនោះ ត្រូវបានអ៊ីរ៉ង់​ហៅថា ជា​ការ​សងសឹក​ចំពោះ​អ៊ីស្រាអែល ​ដែលបាញ់លើស្ថានកុងស៊ុលរបស់​ខ្លួន​ក្នុងទី​ក្រុង​ដាម៉ាស​កាល​ពី​ថ្ងៃ​ទី១ខែ​មេសា ហើយ​បាន​សម្លាប់មន្ត្រីជាន់ខ្ពស់​របស់​ខ្លួន​ពីរ​នាក់ និង​មន្ត្រី​ជា​ច្រើន​នាក់​ទៀត៕

អត្ថបទ៖ សុខ សុវណ្ណ

ចុចអាន៖ មីស៊ីលអ៊ីរ៉ង់ ៣៥០គ្រាប់ហោះចូលអ៊ីស្រាអែល គឺជា “ការប្រកាសសង្គ្រាម”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៥ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម