ព័ត៌មានអន្ដរជាតិ
មេ CIA ថា អ៊ុយក្រែន គ្មានផ្លូវតដៃជាមួយ រុស្ស៊ី រួចឡើយ បើ អាមេរិក នៅតែបង្អាក់ជំនួយ
នាយក CIA លោក Bill Burns បានព្រមានថា ប្រសិនបើសហរដ្ឋអាមេរិកមិនបញ្ជូនការគាំទ្រផ្នែកយោធាបន្ថែមទៀតទៅឲ្យអ៊ុយក្រែនទេនោះ ទីក្រុងកៀវអាចចាញ់សង្គ្រាមប្រឆាំងនឹងរុស្ស៊ីនៅត្រឹមចុងឆ្នាំនេះ ។ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី១៩ ខែមេសានេះ ។
![](https://www.kampucheathmey.com/wp-content/uploads/2024/04/CIA.jpg)
ការអត្ថាធិប្បាយរបស់នាយក CIA រូបនេះបានបង្ហាញពីការព្រមានដ៏មុតស្រួចបំផុតមួយលើរដ្ឋបាលលោក Biden ចំពោះការផ្ដល់ជំនួយដល់អ៊ុយក្រែន ខណៈដែលសភាអាមេរិកកំពុងពិភាក្សាថាតើត្រូវអនុម័តកញ្ចប់ជំនួយដែលអូសបន្លាយពេលជាយូរមកហើយទៅឲ្យទីក្រុងកៀវដែរឬទេ ។
កាលពីខែមុន លោក Burns ក៏បានព្រមាននៅក្នុងសក្ខីកម្មនៅចំពោះមុខគណៈកម្មាធិការស៊ើបការណ៍សម្ងាត់ព្រឹទ្ធសភាថា ប្រសិនបើសភាមិនផ្លាស់ប្ដូរចិត្តគំនិតផ្ដល់សិទ្ធិគាំទ្របន្ថែមទៅដល់អ៊ុយក្រែនទេនោះ រូបភាពឈឺចាប់នៅលើសមរភូមិប្រយុទ្ធរបស់រដ្ឋាភិបាលទីក្រុងកៀវនឹងកាន់តែធ្ងន់ធ្ងរទៅហើយ ។
គួរបញ្ចាក់ថា ការព្រមាននេះកើតឡើង នៅពេលដែលរដ្ឋបាលលោក Biden កំពុងព្យាយាមជំរុញឲ្យសភាអនុម័តកញ្ចប់ជំនួយដែលជាប់គាំងជាយូរមកហើយ ។ ច្បាប់នេះក៏រួមបញ្ចូលជំនួយសម្រាប់អ៊ីស្រាអែលផងដែរ ហើយជាលទ្ធផល ប្រធានសភាលោក Mike Johnson ស្ថិតនៅក្រោមសម្ពាធដើម្បីដំណើរការកញ្ចប់ជំនួយនេះ ស្របពេលដែលមានការវាយប្រហាររបស់អ៊ីរ៉ង់លើអ៊ីស្រាអែលកាលពីចុងសប្តាហ៍ផង ៕
![](https://www.kampucheathmey.com/wp-content/uploads/2024/04/aid-3-scaled.jpg)
អត្ថបទ ៖ ប៊ុន សុភាព
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ