ព័ត៌មានអន្ដរជាតិ
អាមេរិក ទំនងបញ្ឈប់ការហាមឃាត់លក់អាវុធឲ្យទៅអារ៉ាប៊ីសាអូឌីត
សហរដ្ឋអាមេរិក ត្រូវគេរំពឹងថា នឹងបញ្ឈប់ការហាមឃាត់ការលក់គ្រឿងសព្វាវុធឲ្យទៅអារ៉ាប៊ីសាអូឌីត នាប៉ុន្មានសប្ដាហ៍ខាងមុខទៀត។ នេះបើយោងតាមការចុះផ្សាយរបស់សារព័ត៌មាន Financial Times កាលពីថ្ងៃទី២៦ ខែឧសភា ឆ្នាំ២០២៤។
![](https://www.kampucheathmey.com/wp-content/uploads/2024/05/66532d3cc1ea0.webp)
លោក ចូ បៃឌិន ប្រធានាធិបតីអាមេរិក បានផ្អាកការជួញដូរអាវុធទៅអារ៉ាប៊ីសាអូឌីត កាលពី៣ឆ្នាំមុន ក្រោយពេលលោកទើបចូលឡើងកាន់តំណែងថ្មីថ្មោងនាគ្រានោះ។ លោកបានរិះគន់ប្រតិបត្តិការសង្គ្រាមអារ៉ាប៊ីសាអូឌីតប្រឆាំងក្រុមឧទ្ទាម Houthis នៅក្នុងប្រទេសយេម៉ែន ហើយបង្ហាញក្ដីព្រួយបារម្ភថា អាវុធអាមេរិកដែលត្រូវប្រើក្នុងការវាយប្រហារអាកាសអាចសម្លាប់ជនស៊ីវិលមិនដឹងអីបាន ជាពិសេសនោះគឺការសម្លាប់អ្នកព័ត៌មានជើងចាស់មួយរូបឈ្មោះ Jamal Khashoggi ដោយភ្នាក់ងារអារ៉ាប៊ីសាអូឌីតនៅស្ថានកុងស៊ុលក្នុងទីក្រុង Istanbul ប្រទេសតួកគី កាលពីឆ្នាំ២០១៨។
![](https://www.kampucheathmey.com/wp-content/uploads/2024/05/4fa49730-421f-4114-9a20-d43dda96d127.jpeg)
ការពិចារណាឡើងវិញនូវការលក់អាវុធឲ្យរដ្ឋាភិបាលរដ្ឋធានីរីយ៉ាដ ធ្វើឡើងបន្ទាប់ពីអង្គការសហប្រជាជាតិបានអនុវត្តបទឈប់បាញ់នៅឆ្នាំ២០២២ ហើយអារ៉ាប៊ីសាអូឌីតក៏បានដកខ្លួនចេញពីបញ្ហាជម្លោះផ្ទៃក្នុងរបស់យេម៉ែន ដែលបានកើតឡើងកាលពី៩ឆ្នាំកន្លងទៅ។
ការបញ្ឈប់ការហាមឃាត់លក់អាវុធ នឹងក្លាយជាសញ្ញាល្អបង្ហាញពីការពង្រឹងចំណងមិត្តភាពមួយកម្រិតទៀតរវាងរដ្ឋបាលលោក ចូ បៃឌិន និងរដ្ឋាភិបាលក្រុងរីយ៉ាដ៕
ដោយ៖ ឈាង
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
ព័ត៌មានជាតិ១១ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា