ព័ត៌មានអន្ដរជាតិ
ធ្លាក់យន្តហោះចម្បាំងអាមេរិក ក្រោយពីចុះចតចូលចាក់សាំងរួច
យន្តហោះយោធា១គ្រឿងរបស់សហរដ្ឋអាមេរិក បានធ្លាក់ឆេះ តែមិនបណ្ដាលឲ្យមានអ្នកស្លាប់នោះទេ។ ហេតុការណ៍នេះ កើតឡើងកាលពីថ្ងៃទី២៨ ខែឧសភា ឆ្នាំ២០២៤ បន្ទាប់ពីយន្តហោះចម្បាំងប្រភេទ F-35B ហោះឡើងមិនបានប៉ុន្មាននាទី ក្រោយពីបានចុះចតចូលចាក់សាំងរួច នៅឯមូលដ្ឋានកងទ័ពអាកាស Kirtland ស្ថិតនៅទីក្រុង Albuquerque រដ្ឋ New Mexico។
អ្នកបើកបរយន្តហោះចម្បាំងដែលជួបប្រទះគ្រោះថ្នាក់នេះ មិនបានបាត់បង់ជីវិតនោះឡើយ តែត្រូវរងរបួស ព្រោះរូបគេអាចទម្លាក់ខ្លួនចេញពីយន្តហោះទាន់ពេលវេលា។ មន្ត្រីយោធា និងនាយកដ្ឋានអគ្គិភ័យក្នុងតំបន់កើតហេតុ បានឲ្យដឹងថា បច្ចុប្បន្ន ភីឡុតរូបនេះ ត្រូវបានបញ្ជូនទៅកាន់មន្ទីរពេទ្យសកលវិទ្យាល័យ New Mexico ដើម្បីតាមដានបន្ត។
យន្តហោះចម្បាំងតម្លៃ១៣៥លានដុល្លាររបស់អាមេរិក មានប្រភពចេញពីស្ថានីយ Runway 21 នៅព្រលាន Albuquerque International Sunport។ យន្តហោះមួយគ្រឿងនេះមានបំណងធ្វើដំណើរពីមជ្ឈមណ្ឌល Lockheed Martin នៅស្ថានីយបម្រុងអាកាសចរណ៍កងទ័ពអាកាស នៃទីក្រុង Fort Worth រដ្ឋតិចសាល់ ទៅកាន់មូលដ្ឋានទ័ពអាកាស Edwards រដ្ឋកាលីហ្វ័រញ៉ា នៅចំពេលដែលឧប្បត្តិហេតុកើតឡើង។
មូលហេតុនៃការធ្លាក់ កំពុងស្ថិតនៅក្រោមការស៊ើបអង្កេតរបស់សហរដ្ឋអាមេរិក។
សូមបញ្ជាក់ថា នេះគឺជាករណីធ្លាក់យន្តហោះចម្បាំង F-35B លើកទី២ហើយ បន្ទាប់ពីឧប្បត្តិហេតុម្ដងកាលពីថ្ងៃទី១៧ ខែកញ្ញា ឆ្នាំ២០២៣កន្លងទៅ ស្ថិតនៅភាគខាងត្បូងរដ្ឋកាលីហ្វ័រញ៉ា។ នៅក្នុងហេតុការណ៍នោះ ភីឡុតអាចទម្លាក់ខ្លួនចេញពីយន្តហោះបានដោយជោគជ័យដូចករណីថ្មីនេះដែរ។ ក្រោមការស៊ើបអង្កេត បានរកឃើញថា មូលហេតុបណ្ដាលមកពីដំណើរខុសប្រក្រតីនៃគ្រឿងម៉ាស៊ីន។ កាលណោះ ភីឡុតទម្លាក់ខ្លួនចេញ ហើយយន្តហោះកើតហេតុ បានបន្តហោះនៅចម្ងាយប្រមាណ ៩៦គីឡូម៉ែត្រ មុនធ្លាក់ចុះមកក្រោម ក្បែរភូមិមួយកន្លែងនៅ Indiantown។
F-35B ត្រូវគេដឹងថា ជាប្រភេទយន្តហោះចម្បាំងភ្ជាប់ជាមួយបច្ចេកវិទ្យាទំនើបជាច្រើន ដូចជា ប្រព័ន្ធគេចពីរ៉ាដា ការហោះហើរក្នុងល្បឿនលឿន និងការចល័តខ្លួនបានរហ័ស ជាដើម។ កត្តានេះហើយបានធ្វើឲ្យយន្តហោះចម្បាំងអាមេរិកមួយនេះជាប់ឈ្មោះក្នុងបញ្ជីអាកាសចរណ៍យោធាទំនើប នាពេលបច្ចុប្បន្ន៕
ដោយ៖ ឈាង
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា