ព័ត៌មានអន្ដរជាតិ
ពលរដ្ឋជាង១២លាននាក់នៅអាហ្វហ្គានីស្ថាន ប្រឈមអសន្តិសុខស្បៀងធ្ងន់ធ្ងរ
កម្មវិធីស្បៀងអាហារពិភពលោករបស់អង្គការសហប្រជាជាតិ (WFP) បានរាយការណ៍ថា មនុស្ស ១២,៤លាននាក់នៅក្នុងប្រទេសអាហ្វហ្គានីស្ថាន កំពុងប្រឈមនឹងអ្វីដែលខ្លួនពិពណ៌នាថាជាកម្រិត «ធ្ងន់ធ្ងរ» នៃអសន្តិសុខស្បៀង។
របាយការណ៍ចុងក្រោយរបស់ WFP បានបញ្ជាក់ថា ជនជាតិអាហ្វហ្គានីស្ថានមួយចំនួនធំពិបាករកអាហារសម្រាប់ទទួលទានជាខ្លាំង។ WFP បានប៉ាន់ប្រមាណថា ថវិកាបន្ថែមចំនួន ៦១៧លានដុល្លារនឹងត្រូវការជាបន្ទាន់ ដើម្បីផ្គត់ផ្គង់កញ្ចប់ជំនួយដល់អ្នកខ្វះខាតនៅត្រឹមខែធ្នូឆ្នាំ២០២៤។
របាយការណ៍ដដែល បានបន្តថា វិបត្តិហិរញ្ញវត្ថុធ្ងន់ធ្ងរ បានកើតឡើងបន្ទាប់ពីក្រុមតាលីបង់ឡើងកាន់អំណាច ហើយធ្វើឲ្យប៉ះពាល់ដល់សមត្ថភាពរបស់ WFP ក្នុងការផ្តល់ជំនួយស្បៀងអាហារនៅទូទាំងប្រទេស។
ដោយសារការផ្តល់ថវិកាមានកម្រិត WFP បច្ចុប្បន្នអាចផ្គត់ផ្គង់ដល់ពលរដ្ឋអាហ្វហ្គានីស្ថានប្រហែល១លាននាក់ប៉ុណ្ណោះ ដោយបន្សល់ទុកជាង ១១លាននាក់ផ្សេងទៀតមិនអាចទទួលបាននូវជំនួយ។
WFP បានព្រមានទៀតថា កុមារ និងម្តាយដែលបំបៅកូនចំនួន ១,៤លាននាក់ នឹងត្រូវបានដកចេញពីការទទួលបានកញ្ចប់អាហារជីវជាតិពិសេស ដោយសារបញ្ហាថវិកា។ មួយវិញទៀត បញ្ហាប្រឈមទាក់ទងនឹងអាកាសធាតុ ក៏កំពុងធ្វើឲ្យវិបត្តិកាន់តែធ្ងន់ធ្ងរឡើង ហើយធ្វើឲ្យស្ថានភាពកាន់តែស្មុគស្មាញចំពោះសហគមន៍នៅទូទាំងប្រទេសអាហ្វហ្គានីស្ថាន៕
ដោយ៖ ឈាង
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម