ព័ត៌មានអន្ដរជាតិ
អតីតប្រធានាធិបតីហ្វីលីពីន អះអាងខ្លាំងៗថា លោកមិនបានធ្វើខុសនៅក្នុងសង្គ្រាមគ្រឿងញៀន
នៅក្នុងសក្ខីកម្មសម្រាប់ការស៊ើបអង្កេតរបស់ព្រឹទ្ធសភានៅថ្ងៃចន្ទទី២៨ខែតុលានេះ លោក Rodrigo Duterte អតីតប្រធានាធិបតីហ្វីលីពីន បានបញ្ជាក់យ៉ាងម៉ឺងម៉ាត់ថា លោកមិនបានធ្វើអ្វីខុសចំពោះសង្គ្រាមបង្ក្រាបគ្រឿងញៀនរបស់លោកអំឡុងពេលកាន់អំណាចនោះទេ។
កន្លងមក ប៉ូលិសបាននិយាយថា យុទ្ធនាការបង្ក្រាបគ្រឿងញៀនរបស់លោក Duterte បានធ្វើឲ្យមនុស្សច្រើនជាង ៦ពាន់នាក់បានស្លាប់។ ប៉ុន្តែបើតាមក្រុមសិទ្ធិមនុស្សវិញ អ្នកស្លាប់មានចំនួនរាប់ម៉ឺននាក់ឯណោះ ហើយភាគច្រើនជាជនទន់ខ្សោយ ហើយមិនជាប់ពាក់ព័ន្ធនឹងគ្រឿងញៀនឡើយ។
តុលាការឧក្រិដ្ឋកម្មអន្តរជាតិ (ICC) កំពុងស៊ើបអង្កេតលើការចោទប្រកាន់ដែលថាការសម្លាប់នេះគឺជា «ឧក្រិដ្ឋកម្មប្រឆាំងនឹងមនុស្សជាតិ» ដែលត្រូវបានអនុវត្តដោយរដ្ឋាភិបាល។
លោក Duterte បានប្រកាសនៅក្នុងសេចក្ដីថ្លែងការណ៍ដោយបើកចំហមួយថា៖ «កុំចោទប្រកាន់គោលការណ៍នានារបស់ខ្ញុំ ព្រោះខ្ញុំមិនផ្ដល់ការសុំទោស និងគ្មានលេសនោះទេ។ ខ្ញុំធ្វើអ្វីដែលខ្ញុំត្រូវតែធ្វើ ហើយមិនថាអ្នកជឿឬក៏អត់ ខ្ញុំធ្វើវាសម្រាប់ប្រទេសរបស់ខ្ញុំ»។
អតីតប្រធានាធិបតីវ័យ៧៩ឆ្នាំ បានបន្តថា៖ «ខ្ញុំស្អប់គ្រឿងញៀន ហើយមិនបានធ្វើអ្វីខុសអំពីវានោះឡើយ»។
យុទ្ធនាការបង្ក្រាបគ្រឿងញៀន ឬសង្គ្រាមគ្រឿងញៀន ត្រូវបានបង្កើតឡើងក្រោយពេលលោក Duterte ចូលឡើងកាន់តំណែងនៅក្នុងឆ្នាំ២០១៦។ កាលណោះ លោកបានបញ្ជាឲ្យប៉ូលិសបាញ់ជនសង្ស័យសម្លាប់ចោល ប្រសិនបើខ្លួនគិតថាជីវិតរបស់ពួកគេស្ថិតនៅក្នុងគ្រោះថ្នាក់។
យុទ្ធនាការនេះ ត្រូវបានថ្កោលទោស និងទាមទារឲ្យមានការស៊ើបអង្កេតពីអន្តរជាតិ ដោយក្នុងនោះមានតែប៉ូលិសចំនួន ៩នាក់ប៉ុណ្ណោះដែលរងការចោទប្រកាន់។
ក្រោយតំណែងរបស់លោក Duterte បានផុតអាណត្តិ សង្គ្រាមគ្រឿងញៀននៅតែបន្តអនុវត្តដដែលនៅក្រោមការដឹកនាំថ្មីរបស់លោក Ferdinand Marcos តែត្រូវបានកែប្រែនីតិវិធីឲ្យមានការបង្ការ និងការកែសម្រួលឲ្យល្អប្រសើរជាងមុន។
ថ្វីត្បិតទំនាក់ទំនងរវាងលោក Marcos និងលោក Duterte មានភាពរកាំរកូសក៏ពិតមែន ក៏ប្រធានាធិបតីហ្វីលីពីនថ្មី បានបញ្ជាក់ថា រដ្ឋាភិបាលនឹងមិនសហការជាមួយការស៊ើបអង្កេតរបស់ ICC នោះទេ។
ប្រទេសហ្វីលីពីន បានចាកចេញពី ICC ក្នុងឆ្នាំ២០១៩ ក្រោមអាណត្តិគ្រប់គ្រង់របស់លោក Duterte។ យ៉ាងណា ICC បាននិយាយថា ខ្លួនមានយុត្តាធិការពាក់ព័ន្ធនឹងការសម្លាប់របស់លោក Duterte នៅមុនពេលដកខ្លួន ក៏ដូចជាការសម្លាប់នៅទីក្រុង Davao នៅពេលដែលលោក Duterte នៅធ្វើជាអភិបាលក្រុងនៅទីនោះ ប៉ុន្មានឆ្នាំមុនពេលលោកក្លាយជាប្រធានាធិបតី។
លោក Duterte បានអះអាងថា៖ «ឧក្រិដ្ឋកម្មទាក់ទងនឹងគ្រឿងញៀនកំពុងកើនឡើងម្តងទៀត» ជាមួយនឹងរបាយការណ៍ប្រចាំថ្ងៃនៃ «កុមារត្រូវបានចាប់រំលោភ មនុស្សត្រូវបានសម្លាប់» ដោយសារតែក្រុមគ្រឿងញៀនចាប់ផ្ដើមជួញដូរសាជាថ្មី ហើយពលរដ្ឋហ្វីលីពីនកំពុងមានការព្រួយបារម្ភ៕
ដោយ៖ ឈាង
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦
អាជ្ញាធរស្រុកសេសាន សាងសង់ផ្លូវបន្ថែមនៅឃុំស្រែគរ ដើម្បីយកឃុំនេះធ្វើជាគំរូមុនគេ
ការទទូចចូលណាតូរបស់អ៊ុយក្រែន មិនអាចសម្រេចឡើយ ដោយសារ «Consensus»
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ២១ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
បច្ចេកវិទ្យា៧ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា