ព័ត៌មានអន្ដរជាតិ
ហ្សេលេនស្គី ស្នើខែល Patriot តែលោក ត្រាំ សុំពិចារណាតិចសិន ព្រោះវា«ថ្លៃណាស់»
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានជួបបេសកជនអាមេរិកលោក Keith Kellogg នៅទីក្រុងរ៉ូម ដើម្បីស្នើសុំជាផ្លូវការនូវការគាំទ្រដែនអាកាសរបស់ក្រុងវ៉ាស៊ីនតោន ក្នុងនោះមានទាំងប្រព័ន្ធការពារ Patriot ខណៈដែលអ៊ុយក្រែនកំពុងប្រឈមមុខនឹងការកើនឡើងនៃការវាយប្រហារដោយយន្តហោះគ្មានមនុស្សបើក និងមីស៊ីលរបស់រុស្ស៊ីកាន់តែខ្លាំង។
បន្ទាប់ពីជួបលោក Kellogg លោក ហ្សេលេនស្គី បានបង្ហោះសារនៅលើបណ្ដាញសង្គម X កាលពីថ្ងៃទី៩ខែកក្កដាថា «ពួកយើងបានពិភាក្សាអំពីការផ្គត់ផ្គង់អាវុធ និងការពង្រឹងការការពារដែនអាកាសរបស់អ៊ុយក្រែន ចំពេលមានការវាយប្រហាររបស់រុស្ស៊ីកាន់តែខ្លាំង។ នេះនៅតែជាអាទិភាពកំពូល»។ បន្ថែមពីការស្នើសុំជំនួយ លោក ហ្សេលេនស្គី ក៏បានកត់សម្គាល់ផងដែរនូវការពិភាក្សាលើការទិញសព្វាវុធរបស់សហរដ្ឋអាមេរិក ការផលិតរួមគ្នាលើវិស័យការពារជាតិ និងការពង្រីកការផលិតយោធានៅក្នុងទឹកដីអ៊ុយក្រែន។
ពាក់ព័ន្ធនឹងសំណើរបស់លោក ហ្សេលេនស្គី ប្រធានាធិបតីអាមេរិក ដូណាល់ ត្រាំ បានឆ្លើយតបថា ប្រព័ន្ធការពារដែនអាកាស Patriot គឺ «ថ្លៃណាស់» ដោយគូសបញ្ជាក់ថា ឃ្លាំងអាវុធរបស់ក្រុងវ៉ាស៊ីនតោនមានកំណត់។ លោកបានប្រាប់ថា ខែល Patriot គឺកម្រ ហើយការសម្រេចចិត្តណាមួយក្នុងការផ្តល់ពួកវាឲ្យទៅអ៊ុយក្រែន នឹងត្រូវការការពិចារណាផ្ទៃក្នុងបន្ថែមទៀត។
សូមជម្រាបថា កិច្ចប្រជុំនៅទីក្រុងរ៉ូមនេះ បានធ្វើឡើងចំពេលមានការវាយលុកពីលើអាកាសដ៏ធំបំផុតរបស់រុស្ស៊ី ដែលមានយន្តហោះគ្មានមនុស្សបើក និងមីស៊ីលជាង ៧៤០គ្រាប់ផ្លោងទៅលើទឹកដីអ៊ុយក្រែន។ លោក ហ្សេលេនស្គី បានរំលឹកឡើងវិញនូវតម្រូវការបន្ទាន់របស់អ៊ុយក្រែន សម្រាប់ការពង្រឹងការការពារដែនអាកាស។ លោកក៏បានជំរុញឲ្យមានការដាក់ទណ្ឌកម្មខ្លាំងជាងមុនលើប្រភពចំណូលប្រេងរបស់រុស្ស៊ីផងដែរ៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ