ព័ត៌មានអន្ដរជាតិ

ជនភៀសខ្លួនកូរ៉េខាងជើង ហែលឆ្លងសមុទ្រ ទៅដល់កូរ៉េខាងត្បូង

បានផុស

១១ ខែ មុន

នៅ

ថ្ងៃព្រហស្បតិ៍ ៧ សីហា ២០២៥

ដោយ

ជនជាតិកូរ៉េខាងជើងម្នាក់ត្រូវបានទាហានកូរ៉េខាងត្បូងជួយសង្គ្រោះ បន្ទាប់ពីហែលឆ្លងសមុទ្រឆ្ពោះទៅប្រទេសកូរ៉េខាងត្បូង ក្បែរកោះ Ganghwa។ នេះបើយោងតាមការចេញផ្សាយរបស់សារព័ត៌មានCNA នៅថ្ងៃទី០៨ខែសីហា។

ព្រំដែនកូរ៉េខាងត្បូងនិងខាងជើង។ (រូបភាព៖ NK News)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីយប់ថ្ងៃទី៣០ ខែកក្កដា ហើយត្រូវបានមន្ត្រីកូរ៉េខាងត្បូងបញ្ជាក់កាលពីថ្ងៃទី៧ សីហា។ អ្នករត់ចោលស្រុករូបនោះបានប្រើផ្លាស្ទិកបណ្ដែតខ្លួនលើទឹក ខណៈពេលដែលឆ្លងកាត់ខ្សែបន្ទាត់ព្រំដែនខាងជើង ដែលជាព្រំដែនសមុទ្ររវាងប្រទេសទាំងពីរ។ ផ្លូវនេះត្រូវបានប្រើពីមុនដោយអ្នកដែលព្យាយាមរត់គេចពីប្រទេសកូរ៉េខាងជើង។

ទាហានកូរ៉េខាងត្បូងបានឃើញអ្នកហែលទឹកនោះ និងជួយសង្គ្រោះបាននៅម៉ោង ៤ ទៀបភ្លឺថ្ងៃទី ៣១ ខែកក្កដា។ នៅពេលរកឃើញ រូបគេបានគ្រវីដៃ ហើយនិយាយថារូបគេចង់ចាកចេញពីប្រទេសកូរ៉េខាងជើង ហើយរស់នៅក្នុងប្រទេសកូរ៉េខាងត្បូង។ ពេលនេះរូបគេកំពុងស្ថិតក្នុងការឃុំឃាំង ហើយនឹងត្រូវសាកសួរដោយទីភ្នាក់ងារស៊ើបការណ៍សម្ងាត់របស់ប្រទេសកូរ៉េខាងត្បូង។

គួរបញ្ជាក់ថាប្រជាជនកូរ៉េខាងជើងភាគច្រើនដែលរត់គេចខ្លួន តែងតែឆ្លងកាត់ប្រទេសចិន ដូចជាការឆ្លងដែនសមុទ្រ ឬព្រំដែនគោក គឺមានគ្រោះថ្នាក់ខ្លាំងណាស់ និងមានការយាមកាមយ៉ាងខ្លាំង។ ប៉ុន្តែចាប់តាំងពីឆ្នាំ ២០២០មក ការរត់គេចខ្លួនកាន់តែកម្រ ពីព្រោះកូរ៉េខាងជើងបានបិទព្រំដែនរបស់ខ្លួន ដើម្បីទប់ស្កាត់កូវីដ១៩៕