ព័ត៌មានអន្ដរជាតិ

កូរ៉េខាងជើង ទទួលស្គាល់រឿងចាប់ពង្រត់ជនជាតិជប៉ុន ខណៈជនរងគ្រោះដង្ហោយសុំត្រលប់ជុំគ្រួសារ

បានផុស

៩ ខែ មុន

នៅ

ថ្ងៃពុធ ១៧ កញ្ញា ២០២៥

ដោយ

យោងតាមភ្នាក់ងារ NHK មេដឹកនាំប្រទេសជប៉ុន និងកូរ៉េខាងជើងបានរៀបចំកិច្ចប្រជុំកំពូលដើម្បីរម្លឹកថ្ងៃទី១៧ កញ្ញា ដែលទីក្រុងព្យុងយ៉ាងសារភាពថា បានចាប់ពង្រត់ជនជាតិជប៉ុនជាច្រើននាក់ ខណៈដែលជនរងគ្រោះជាច្រើនដង្ហោយសុំវិលមកជួបជុំគ្រួសារវិញ។

**ជនរងគ្រោះដែលត្រូវកូរ៉េខាងជើងចាប់ពង្រត់**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ កិច្ចប្រជុំកំពូលជាប្រវត្តិសាស្រ្តមួយនេះ ធ្លាប់បានធ្វើឡើងលើកដំបូងនៅទីក្រុងព្យុងយ៉ាង កាលពីថ្ងៃទី ១៧ ខែកញ្ញាឆ្នាំ ២០០២ ដោយកាលណោះ នាំឲ្យមានការវិលត្រឡប់នៃអ្នកចាប់ពង្រត់ចំនួន ៥ នាក់ពីកូរ៉េខាងជើង។

មិនតែប៉ុណ្ណោះ រដ្ឋាភិបាលជប៉ុនបានទទួលស្គាល់ពលរដ្ឋរបស់ខ្លួនយ៉ាងហោចណាស់ ១៧ នាក់ថា ត្រូវបានភ្នាក់ងារកូរ៉េខាងជើងចាប់ពង្រត់ក្នុងទសវត្សរ៍ឆ្នាំ ១៩៧០ និង ១៩៨០។ ប៉ុន្តែ ១២ នាក់ផ្សេងទៀតនៅតែមិនទាន់បានរាប់បញ្ចូលនោះទេ។ ជាងនេះទៅទៀត សមាជិកគ្រួសារនៃមនុស្សដែលត្រូវបានចាប់ពង្រត់ដោយខាងជើង បានអំពាវនាវឲ្យរដ្ឋាភិបាលយកមនុស្សជាទីស្រឡាញ់របស់ពួកគេ មកវិញតាំងពីពេលនោះមក។

ជាក់ស្ដែង ក្នុងរយៈពេល ២៣ឆ្នាំកន្លងមកនេះចាប់តាំងពីកូរ៉េខាងជើងព្រមទទួលស្គាល់ការពិត សាច់ញាត្តិមួយចំនួននៃអ្នកចាប់ពង្រត់ដែលគេដឹងឈ្មោះពិតប្រាកដកំពុងរងភាពលំបាកវេទនា មិនអាចជួបជុំឬឃើញមុខមនុស្សជាទីស្រលាញ់។ ក្នុងនោះ មានជនរងគ្រោះមួយចំនួនទៀត បានទទួលមរណភាពដោយបន្សល់ទុកឲ្យគ្រួសាររងនូវការឈឹចាប់ ដែលពួកគេមិនអាចជួបជុំគ្នានៅដង្ហើមចុងក្រោយ។

ដោយសារតែបែបនេះហើយ ទើបសាច់ញាតិរបស់អ្នកដែលចាប់ពង្រត់បានជំរុញឲ្យទីក្រុងតូក្យូ រៀបចំកិច្ចប្រជុំកំពូលជាមួយទីក្រុងព្យុងយ៉ាង និងចាត់វិធានការយ៉ាងម៉ឺងម៉ាត់ដើម្បីនាំយកជនរងគ្រោះទាំងអស់មកវិញ។ ប៉ុន្តែ ជារឿងសោកស្ដាយ ស្របពេលដែលនាយករដ្ឋមន្ត្រីជប៉ុនលោក Ishiba Shigeru បានសម្រេចចិត្តលាលែងតំណែងកាលពីដើមខែនេះ ដោយបានបង្កឲ្យមានភាពចលាចលផ្នែកនយោបាយ និងភាពជាប់គាំងក្នុងប្រទេសបានចាប់ផ្តើមជាថ្មីម្តងទៀត៕