សុខភាព
ដំឡូងជ្វា មានអត្ថប្រយោជន៍ដល់រាងកាយ ប្រឆាំងមហារីកនិងកាត់បន្ថយជាតិស្ករក្នុងឈាម
ដំឡូងជ្វា គឺជាដំណាំពេញនិយមរបស់ប្រជាកសិករ និងមានរសជាតិផ្អែមទន់ អាចចម្អិនបានទាំងស្ងោរឬបំពង ដុត តាមចំណូលចិត្ត។
សារធាតុចិញ្ចឹមនៅក្នុងដំឡូងជ្វា
ដំឡូងជ្វាសម្បូរទៅដោយសារធាតុចិញ្ចឹមសំខាន់ៗជាច្រើន ជាពិសេសជាតិសរសៃនិងវីតាមីន។ នៅក្នុងដំឡូងជ្វាមានវីតាមីនជាច្រើនរួមមាន៖ វីតាមីន A វីតាមីន C វីតាមីន B5 វីតាមីន B6 វីតាមីន E និងសារធាតុរ៉ែ មានប្រយោជន៍សម្រាប់ចិញ្ចឹមរាងកាយដូចជា ៖ប៉ូតាស្យូម ម៉ង់ហ្គាណែស ស្ពាន់ នីយ៉ាស៊ីន សារធាតុប្រឆាំងអុកស៊ីតកម្ម។ លើសពីនេះដំឡូងជ្វាគឺជារុក្ខជាតិដែលមានជាតិខ្លាញ់ពីតិចទៅខ្លាំង ដោយដំឡូងជ្វាឆៅ ១០០ ក្រាមមានផ្ទុកជាតិខ្លាញ់ត្រឹមតែ ០.១ ក្រាមប៉ុណ្ណោះ ដែលមានទំហំតូចល្អបំផុត សម្រាប់អ្នកដែលចង់កាត់បន្ថយឬតមជាតិខ្លាញ់។
អត្ថប្រយោជន៍នៃដំឡូងជ្វា
១ ថែរក្សាភ្នែក ដំឡូងជ្វាមានផ្ទុកសារធាតុ beata carotene ដែលជាក្រុមប្រឆាំងអុកស៊ីតកម្មមាននៅក្នុងផ្លែឈើនិងបន្លែដែលមានពណ៌លឿង។ នៅពេលដែលវាចូលទៅក្នុងរាងកាយ បេតាខារ៉ូទីនបំប្លែងទៅជាវីតាមីន A ដែលជាសារធាតុចិញ្ចឹមសំខាន់ជួយចិញ្ចឹមភ្នែក។ Anthocyanin ក៏ជួយកាត់បន្ថយការខូចខាតកោសិកានៅក្នុងភ្នែកផងដែរ។
២ ប្រឆាំងមហារីក ដំឡូងជ្វាសម្បូរទៅដោយសារធាតុប្រឆាំងអុកស៊ីតកម្មជាច្រើន ដែលមួយក្នុងចំណោមនោះគឺការ៉ូទីណូអ៊ីដ។
៣ ល្អសម្រាប់ពោះវៀន ដំឡូងជ្វាមានជាតិសរសៃពីរប្រភេទ គឺជាតិសរសៃរលាយនិងជាតិសរសៃមិនរលាយ។ ជាតិសរសៃរលាយស្រូបយកទឹកនៅក្នុងក្រពះពោះវៀន និងធ្វើឲ្យលាមកទន់។ នៅពេលសរសៃទាំងពីរត្រូវបានលាយជាមួយក្រុមបាក់តេរីល្អនៅក្នុងពោះវៀន វាជួយជំរុញការផលិតសមាសធាតុអាស៊ីដខ្លាញ់ខ្លី សម្រាប់ផ្តល់ថាមពលដល់ពោះវៀន ធ្វើឲ្យពោះវៀនកាន់តែរឹងមាំ រំលាយអាហារនិងស្រូបយកសារធាតុចិញ្ចឹមបានល្អ។
៤ ផ្ទុកនូវវីតាមីនA ដែលជួយបំប៉នប្រព័ន្ធការពាររាងកាយ និងបំប៉នភ្នែកផងដែរ។ អ្នកដែលប្រឈមមុខនឹងកង្វះវីតាមីន A គួរតែទទួលទានដំឡូងជ្វា ព្រោះវាជារុក្ខជាតិដែលមានវីតាមីន A ខ្ពស់។ ការទទួលទានដំឡូងជ្វាស្ងោរឬដុតនំត្រឹមតែ ១០០ ទៅ ២០០ ក្រាម នឹងផ្តល់ឲ្យពី ៤០០ទៅ ៧៦៩ ភាគរយ នៃមាតិកាវីតាមីន A ដែលរាងកាយគួរតែទទួលបានជារៀងរាល់ថ្ងៃ ដែលគ្រប់គ្រាន់ដើម្បីជួយការពារហានិភ័យនៃកង្វះវីតាមីន A។
៥ គ្រប់គ្រងកម្រិតជាតិគ្លុយកូសក្នុងឈាម ថ្វីត្បិតតែដំឡូងផ្អែម ជាអាហារដែលមានជាតិម្សៅឬកាបូអ៊ីដ្រាតក៏ដោយ តែវាក៏មានជាតិសរសៃខ្ពស់ដែរ នៅពេលដែលមានជាតិសរសៃខ្ពស់ ចូលទៅក្នុងរាងកាយ ធ្វើឲ្យការរំលាយអាហារម្សៅថយចុះ។ ដោយសារកាបូអ៊ីដ្រាតដុតយឺត ៗ កម្រិតជាតិគ្លុយកូសក្នុងឈាមក៏ថយចុះដែរ។ ដូច្នេះការទទួលទានដំឡូងជ្វា អាចជួយការពារហានិភ័យនៃការឡើងជាតិស្ករក្នុងឈាមខ្ពស់៕
ប្រែសម្រួល៖ សាង ស្រីល័ក្ខ
ចុចអាន៖អាហារ ៣ មុខ មនុស្សវ័យ ៦០ ឆ្នាំឡើងទៅ គួរពិសារាល់ថ្ងៃកុំអាក់ខាន ដើម្បីជំនួយដល់សុខភាពរាងកាយ
ចុចអាន៖គន្លឹះ៥ យ៉ាង កាត់បន្ថយជំងឺលើសជាតិខ្លាញ់ក្នុងឈាម មិនពិបាកទៅជួបដុកទ័រញឹក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ