សុខភាព

មានខ្លាញ់ក្បាលពោះ សាក ៥ វិធីនេះ ធានាឃើញលទ្ធផល ១០០ ភាគរយ

បានផុស

៣ years មុន

នៅ

ថ្ងៃពុធ ១៦ កុម្ភៈ ២០២២

ដោយ

សម្រាប់មិត្តនារីណា ដែលចង់បានក្បាលពោះរាបស្មើស្អាត បែបជឿជាក់ ក្នុងរយៈពេលខ្លី។ សាកអនុវត្តវិធី ៥ យ៉ាងនេះ ដើម្បីកាត់បន្ថយក្បាលពោះដែលអាក្រក់មើលនេះចោល ។

១ គ្រប់គ្រងការទទួលទានអាហារឲ្យបានល្អ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចូរចាប់ផ្ដើមដោយការគ្រប់គ្រងការទទួលទានអាហាររបស់អ្នក។ តាមរយៈវិធីនេះ ការផ្ដោតសំខាន់គឺ បដិសេធការទទួលទានអាហារសម្រន់ ចៀន បំពង អាហារមានជាតិខ្លាញ់គ្រប់ប្រភេទ និងអាហារដែលមានជាតិស្ករច្រើន។ ព្យាយាមគ្រប់គ្រងបរិមាណអាហារដែលញ៉ាំជារៀងរាល់ថ្ងៃផងដែរ។ គួរតែកាត់បន្ថយបរិមាណអាហារ ដែលញ៉ាំ៣–៤ពេលក្នុងមួយថ្ងៃ អាចបន្ថយមកត្រឹមតែ២ពេល រួមជាមួយការកាត់បន្ថយបាយមកពាក់កណ្ដាលនៃបរិមាណធម្មតា។

បន្ទាប់មកបន្តញ៉ាំបន្លែ ផ្លែឈើ និងរបស់ក្រៀមជាដើម ព្រោះអាហារប្រភេទនេះ ជួយដល់ការរំលាយអាហារ ក៏ដូចជាអាចដុតបំផ្លាញជាតិខ្លាញ់ដែលកកកុញក្នុងរាងកាយ យ៉ាងមានប្រសិទ្ធភាព។

២ គេងឲ្យបានគ្រប់គ្រាន់

គេងឲ្យបានគ្រប់គ្រាន់ រួមចំណែកធ្វើឲ្យក្បាលពោះរាបស្មើរ បានយ៉ាងឆាប់រហ័ស ។ ដូច្នេះ គួរតែចាប់ផ្ដើមចូលគេងឲ្យបានឆាប់ មុនម៉ោង ១០ យប់ជារៀងរាល់ថ្ងៃក្នុងអំឡុង ៦–៨ ម៉ោង ដើម្បីជួយឲ្យរាងកាយបានសម្រាកពេញលេញ។ វាក៏អនុញ្ញាតឲ្យរាងកាយបញ្ចេញអរម៉ូន ដែលជួយក្នុងការដុតបំផ្លាញថាមពលចេញបានយ៉ាងល្អ។ ជាពិសេស ជួយកម្ចាត់ជាតិខ្លាញ់ ដែលលើសបានយ៉ាងមានប្រសិទ្ធភាព។

៣ បន្សាបជាតិពុលក្នុងពោះវៀន

ការញ៉ាំទឹកដោះគោជូរ នឹងសម្អាតជាតិខ្លាញ់ដែលជាប់ក្នុងពោះវៀន។ ខ្លាញ់ប្រភេទនេះ ក៏រួមចំណែកដល់ការស្រូបយកក្រពះ លំពែង និងថ្លើមតិចជាងធម្មតា។ ជាពិសេសនៅក្នុងផ្នែកសើមនៃលំពែង នឹងនាំឲ្យអាហារដែលបរិភោគ បំប្លែងទៅជាខ្លាញ់ ធ្វើឲ្យធាត់យ៉ាងងាយស្រួល។

៤ ធ្វើលំហាត់ប្រាណឲ្យបានទៀងទាត់

ខណៈយើងអាចគ្រប់គ្រងបរិមាណអាហារ ដែលញ៉ាំជារៀងរាល់ថ្ងៃ រឿងដែលអាចធ្វើទៅបាន គឺការលំហាត់ប្រាណបានទៀងទាត់ផងដែរ។ ព្រោះនៅពេលដែលរឿងទាំងពីរនេះ ដំណើរការជាមួយគ្នាយ៉ាងរលូន វានឹងជួយកាត់បន្ថយក្បាលពោះបានយ៉ាងឆាប់រហ័ស។

៥ ហាត់ដកដង្ហើមចូល និងចេញឲ្យបានត្រឹមត្រូវ

វិធីចុងក្រោយដើម្បីកាត់បន្ថយក្បាលពោះ គឺការហាត់ដកដង្ហើមចូល និងចេញឲ្យបានត្រឹមត្រូវ។ ដោយសារតែការដកដង្ហើម ប៉ះពាល់ដល់ការរំលាយអាហារនៅក្នុងរាងកាយ។ សំខាន់ជាងនេះទៅទៀត ការដកដង្ហើមបានត្រឹមត្រូវ ក៏អាចជួយឲ្យអ្នកមានអារម្មណ៍ឆ្អែតពីការញ៉ាំអាហាររយៈពេលយូរផងដែរ។

ការដកដង្ហើមចូល និងចេញឲ្យបានត្រឹមត្រូវ គឺដកដង្ហើមយឺតៗ និងជ្រៅៗ យ៉ាងហោចណាស់ក្នុងមួយថ្ងៃ គួរតែហាត់ដកដង្ហើមឲ្យបានត្រឹមត្រូវប្រហែល ១០ នាទី វានឹងជួយឲ្យប្រព័ន្ធរំលាយអាហារដំណើរការបានល្អ៕

ប្រែសម្រួល៖ សាង ស្រីល័ក្ខ

ចុចអាន៖ទម្លាប់ទាំង ៥ យ៉ាង ជួយឲ្យសុខភាពផ្លូវចិត្ត កាន់តែរឹងមាំ

ចុចអាន៖ខ្វះជាតិស័ង្កសី អាចចេញរោគសញ្ញាទាំង ៨នេះ