កម្ចាត់ក្លិនមិនល្អក្នុងរថយន្តនារដូវភ្លៀង ជាមួយរូបមន្តធម្មជាតិងាយៗ ពុំចាំបាច់ចំណាយច្រើន

រដូវភ្លៀង ជារដូវពិបាកថែទាំយានជំនិះជាងគេ ជាពិសេសរថយន្តតែម្ដង។ ដោយសាររដូវនេះអាចបង្កឱ្យម៉ាស៊ីនចូលទឹក​ ប្រឡាក់ភក់ និងជ្រាបទឹកចូលខាងក្នុងដោយអាចបណ្ដាលឱ្យវាមានក្លិនមិនល្អក្នុងរថយន្ត។ ដើម្បីបង្ការក្លិនអាក្រក់ផ្សេងៗ ការលាងសម្អាតផ្នែកខាងក្រៅនៅមិនទាន់គ្រប់គ្រាន់នៅឡើយទេ អ្នកចាំបាច់មានវិធីការពារផ្នែកខាងក្នុងផងដែរ។

បើអ្នកបានអានអត្ថនេះ បញ្ហាក្លិនរថយន្តផ្អាប់ និងផ្អួរជាដើមដែលឧស្សាហ៍ជួបប្រទះ នឹងលែងជាកង្វល់ទៀតហើយ ដោយគ្រាន់តែប្រើវិធីបំបាត់ក្លិន​បែប​ធម្មជាតិ ថែមទាំងមិន​ប៉ះពាល់​សុខភាព និងចំណេញប្រាក់​។

ម្សៅ Baking Soda៖ បើក​គម្រប​ចោល​ទុក​ក្នុង​ឡានមួយយប់​ ព្រឹកឡើងយកវាចេញ ក្លិនមិនល្អ​នឹង​ហើរ​ចេញ​អស់រលីងគ្មានសល់។

ទឹកខ្មេះ៖ ​យប់​ឡើង​ ចាក់ទឹក​ខ្មេះ​ក្នុង​ចានចង្កឹះ​មួយឬអ្វីក៏បានដែលអាចចំហរទុកចោល​ រួច​បិទ​បង្អួច​ឱ្យ​ជិត​។ ស្អែក​ឡើង​បើក​បង្អួច​ចោល​មួយសន្ទុះ ក្លិនអាក្រក់អ្វីក៏មិនជាប់ទៀតដែរ។

ក្រូចឆ្មា​៖ ចិត​ក្រូចឆ្មា​បួនប្រាំចំណិត ដាក់​ក្នុង​រថយន្ត​គ្រប់​កន្លុក​កន្លៀត អ្នកនឹងលែងព្រួយរឿងក្លិនតទៅទៀត។

សំបក​ក្រូច៖ ហាន់​សំបក​ក្រូចល្មមស្រួលទុកដាក់តាម​កន្លែង​គួរសម មិនប៉ុន្មានម៉ោងប៉ុណ្ណោះ ក្លិនអាក្រក់នឹងបាត់ទៅឯង​៕

ប្រែសម្រួល៖ សន្យា

ចុចអាន៖ គន្លឹះ៥ យ៉ាង ថែរក្សា​រថយន្ត​ក្នុង​រដូវ​វស្សា​នេះ​បាន​យ៉ាង​ល្អ

ចុចអាន៖ រៀប​ចំ​ផ្ទះ​សម្រាប់​ទទួល​រដូវ​វស្សា ​ដោយ​ធ្វើ​បែបនេះ​អាច​បង្កើន​ភាព​កក់ក្ដៅ

ចុចអាន៖ រដូវវស្សាមកដល់ ផ្ទះសម្បែងសម្បូរសត្វពិស រុក្ខជាតិ ៤ប្រភេទនេះ អាចការពារបាន