KPT+

រៀបចំផ្ទះសម្រាប់ទទួលរដូវវស្សា ដោយធ្វើបែបនេះអាចបង្កើនភាពកក់ក្ដៅ

បានផុស

៥ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

មួយរដូវៗបានកន្លងផុតទៅ ធ្មេចបើកៗរដូវវស្សាក៏កាន់តែកៀកចូលមកដល់ល្មម! ដូច្នេះតើយើងបានត្រៀម ខ្លួនដោះស្រាយបញ្ហាទឹកលេចឬធ្លាយនៅក្នុងពិតានរួចឬនៅ?

នេះជាវិធីដើម្បីប្រាកដថា ផ្ទះរបស់យើងបានត្រៀមខ្លួនរួចជាស្រេច ដើម្បីទប់ទល់ភ្លៀងនិងព្យុះនាពេលខាងមុខនេះ។

១. សំអាតបំពង់បង្ហូរទឹក (ទរទឹកភ្លៀង)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បំពង់បង្ហូរទឹកផ្ទះជួយត្រងទឹកភ្លៀងនៅពេលណាដែលមានភ្លៀងធ្លាក់ ជាពិសេសគឺផ្ទះនៅស្រុកស្រែចម្ការ។ ទោះយ៉ាងណាបំពង់ទាំងនោះមិនអាចត្រងទឹកភ្លៀងបានល្អប្រសើរទេ បើសិនវាត្រូវបានស្ទះដោយកម្ទេចកំទី ដែលបានប្រមូលផ្ដុំនៅកកកុញនៅពេញបំពង់បង្ហូរទាំងនោះ។

ដើម្បីត្រៀមខ្លួន ហើយប្រាកដថាមិនមានបញ្ហាសម្រាប់រដូវវស្សានេះ អ្នកត្រូវតែសម្អាតបំពង់បង្ហូរទឹក ដោយបាញ់ថ្នាំបំពង់ទុយយោ ឬបោសសម្អាតសំរាម ដែលស្ទះបំពង់បង្ហូរមករាប់ឆ្នាំ។

២. រកមើលសញ្ញាលេចធ្លាយ

មុនពេលរដូវភ្លៀងចាប់ផ្ដើម អ្នកត្រូវពិនិត្យមើលផ្ទះរបស់អ្នក ពីសញ្ញាលេចធ្លាយត្រង់កន្លែងណាមួយ។ ហើយវាជាការប្រសើរ បើអ្នកប្រញាប់ជួសជុលកន្លែងដែលលេចធ្លាយឲ្យបានឆាប់ ព្រោះទុកយូរនឹងកាន់តែអាក្រក់ អាចបណ្ដាលឲ្យមានផ្សិតលើពិតាន។

ដូចគ្នានេះដែរ គួរតែរកក្រឡេកមើលដំបូលផ្ទះ កន្លែងណាមានស្នាមប្រេះ ត្រូវប្រញាប់បិទជាបន្ទាន់ ចៀសវាងទឹកភ្លៀងបាចសាចចូលមកក្នុងផ្ទះ។

៣. ពិនិត្យមើលបង្អួចនិងទ្វារផ្ទះ

ក្រៅពីដំបូល បង្អួចនិងទ្វារផ្ទះក៏ជាវិធីមួយដែលទឹកអាចបាចចូលក្នុងផ្ទះបានដែរ។ ត្រូវប្រាកដថា អ្នកបានបិទបង្អួចឲ្យបានត្រឹមត្រូវ មុនពេលមានភ្លៀងធ្លាក់។ សូម្បីតែចន្លោះតូចតាចដែលយើងមើលមិនឃើញ ក៏អាចនឹងធ្វើឲ្យទឹកចូលមកដែរ ប្រសិនបើអ្នកមិនប្រយ័ត្ន។

៤. ត្រៀមឧបករណ៍ការពារទឹកជំនន់

ប្រសិនបើមានអ្វីដែលអាក្រក់កើតឡើងក្នុងកំឡុងពេលភ្លៀង វាជាការល្អបើសិនយើងចេះត្រៀមនូវឧបករណ៍ការពារទឹកជំនន់ ដូចជាម៉ាស៊ីនបូមទឹកជាដើម។

មួយទៀតគួររក្សាគ្រឿងអេឡិចត្រូនិកឲ្យនៅធ្នើរដែលមានទីខ្ពស់ ហើយដាក់វានៅឆ្ងាយពីមាត់បង្អួចនិងទ្វារ។

៥. ទទួលបានកក់ក្ដៅ

Happy Asian Family Playing with daughter in the living room

នៅពេលដែលផ្ទះរបស់យើងត្រូវបានការពារពីភ្លៀង យើងអាចអាចត្រឡប់មកសម្រាកបានដោយសុខស្រួលវិញ។ មនុស្សជាច្រើនយល់ថា ទឹកភ្លៀងមានសភាពស្ងប់ស្ងាត់ និងសន្តិភាព ដូច្នេះសូមទាញយកប្រយោជន៍ពីអារម្មណ៍នោះ ហើយរៀបចំខ្លួនសម្រាប់ថ្ងៃដ៏ត្រជាក់ត្រជំនារដូវវស្សាឆ្នាំនេះ៕

ប្រែសម្រួល៖ សាង ស្រីល័ក្ខ

ចុចអាន៖វិធីថែរក្សាអាងហែលទឹកក្នុងរដូវវស្សាឲ្យនៅតែមានសោភ័ណភាព

ចុចអាន៖៥ វិធីងាយៗ ដើម្បីការពារខ្លួនឯងនិងគ្រួសារពីជំងឺគ្រុនឈាម ក្នុងរដូវនេះ