KPT+
ទម្លាយរឿងផ្ទាល់ខ្លួន ១១យ៉ាងរបស់ Yaya Ursayya ហ្វេនធម្មតា មិនធ្លាប់ដឹង
យ៉ាយ៉ា (Yaya) ជាប់ជាតារាស្រីមានប្រជាប្រិយភាពបំផុតក្នុងប្រទេសថៃជាងមួយទស្សវត្សរ៍មកហើយ។ ដោយសារការសម្ដែងដ៏ជំនាញរបស់នាង នាងបានក្លាយជាតួឯករាប់សិបរឿង និងធ្លាប់សម្ដែងជាតួកូនភ្លោះផងដែរ។ នាងជាតារាថៃដំបូងគេដែលមានវត្តមាននៅក្នុងទស្សនាវដ្តី Vogue របស់សហរដ្ឋអាមេរិក និងជាប់ឈ្មោះជា Queen លើវិស័យជាច្រើននៅក្នុងប្រទេស។
១. កំណើត៖ យ៉ាយ៉ា មានឈ្មោះពេញ Yaya Ursayya Sperbund កើតថ្ងៃទី១៨ ខែមីនា ឆ្នាំ១៩៩៣ ស្ថិតក្នុងក្រុមតារានិករ Pisces។ នាងជាកូនកាត់ថៃ-ន័រវេស មានឪពុកជាជនជាតិន័រវេស និងម្ដាយជាជនជាតិថៃ។
២. កម្រិតវប្បធម៌៖ យ៉ាយ៉ា បញ្ចប់បរិញ្ញាបត្រផ្នែក សិល្បៈ នៅសាកលវិទ្យាល័យ Chulalongkorn រាជធានីបាងកក នាឆ្នាំ ២០១៥។
៣. ភាសា៖ នាងជាសិល្បការិនីចូលចិត្តការសិក្សាខ្លាំងណាស់ ហើយអាចនិយាយបានដល់ទៅ ៥ភាសាគឺ អង់គ្លេស ថៃ ន័រវេស បារាំង និងអេស៉្បាញ។
៤. សម្រស់៖ តារាស្រីរូបនេះ ជាប់ជាស្រីស្អាតលំដាប់ជួរមុខក្នុងប្រទេស និងអន្តរជាតិ ដោយមិនឆ្លងកាត់មុខកាំបិតទាល់តែសោះ។ យ៉ាយ៉ាមានទម្រង់មុខមាត់ស្រស់ស្អាត លក្ខណៈស្ដង់ដាពីធម្មជាតិដោយមិនធ្លាប់ឆ្លងកាត់ការវះកាត់សូម្បីបន្តិច។
៥. វិស័យសិល្បៈ៖ យ៉ាយ៉ា ចាប់អាជីពជាតារាសម្ដែង និងជាតារម៉ូឌែល តាំងពីឆ្នាំ ២០១០មកម្ល៉េះ។ ការងារសម្ដែងដំបូងៗដែលនាំឱ្យនាងល្បីល្បាញ គឺការចុះកុងត្រា ជាមួយប៉ុស្តិ៍លេខ៣។ មិនត្រឹមតែសម្ដែង និងបង្ហាញម៉ូដប៉ុណ្ណោះទេ នាងក៏អាចច្រៀងយ៉ាងពិរោះ និងរាំបានយ៉ាងស្ទាត់ជំនាញថែមទៀត។
៦. ម្ចាស់ក្សត្រី៖ នាងត្រូវបានគេប្រសិទ្ធនាមថា “Queen of Presenters” ។ ក្រៅពីនោះនាងជា “Queen of Fashion” និង “Queen of Commercial” ដែលជាតារាមានការងារផ្សាយពាណិជ្ជកម្មឱ្យផលិតផលប្រេនៗបានច្រើនជាងគេផងដែរ។
៧. ទូតសុឆន្ទៈ៖ យ៉ាយ៉ា ជាតារាស្រីដែលត្រូវបានម៉ាកទឹកអប់បរទេស Jo Malone London ជ្រើសជាទូតសុឆន្ទៈ តំណាងឱ្យផលិតផលមួយនេះ។ នាងក៏ជាអ្នកបង្ហាញម៉ូដសម្រាប់ប្រេន LV ផងដែរ។
៨. ជាអ្នកបញ្ចូលសំឡេង៖ យ៉ាយ៉ា ជាអ្នកបញ្ចូលសំឡេងឱ្យតួ Raya ក្នុងរឿង «Raya and the Last Dragon» របស់ក្រុមហ៊ុន Disney Thai ឆ្នាំ ២០២១។
៩. ហ្វេន K-pop៖ នាងធ្លាប់សារភាពថា ខ្លួនជាហ្វេនផ្កាប់មុខរបស់ក្រុមតារាចម្រៀងកូរ៉េ Blackpink។ មិនតែប៉ុណ្ណោះ យ៉ាយ៉ា ធ្លាប់ឡើងឆាកសម្ដែងបទចម្រៀងរបស់ Blackpink ជាច្រើនដងផងដែរ។
១០. រ៉ូបកិត្តិយស៖ យ៉ាយ៉ា ជាតារាសម្ដែងថៃតែម្នាក់គត់ ដែលទទួលបានការប្រទានរ៉ូបពីព្រះនាងម្ចាស់ថៃ ដើម្បីស្លៀកសម្ដែងក្នុងខ្សែភាពយន្តភាគ The Grown Princess កាលពីឆ្នាំ ២០១៨។
១១. ទ្រព្យសម្បត្តិ៖ គិតត្រឹមឆ្នាំ ២០២១ Yaya Ursayya មានព្រទ្យសម្បត្តិប្រមាណ ៥ លានដុល្លារអាមេរិក នៅអាយុ ២៧ ឆ្នាំ៕
ប្រែសម្រួល៖ សន្យា
ចុចអាន៖ ការពិត ១០យ៉ាង ពី Mai Davika តារាស្រីជាប់ឈ្មោះជា Queen ផ្ទួនៗ ប្រចាំប្រទេសថៃ
ចុចអាន៖ កំពូលតារាថៃ ជាប់ជាស្រីស្អាតលើសគេ និងជាសេដ្ឋីនីមានទ្រព្យសម្បត្តិវាល់លានដុល្លារ ក្នុងវ័យក្មេងខ្ចី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង