KPT+

ច្រឡំលេបស្ករកៅស៊ូដោយចៃដន្យ តើមានគ្រោះថ្នាក់ដល់ជីវិតដែរទេ?

បានផុស

២ years មុន

នៅ

ថ្ងៃចន្ទ ១៤ មីនា ២០២២

ដោយ

Blue Sky

ប្រសិនបើយើងច្រឡំលេបស្ករកៅស៊ូដោយចៃដន្យ តើវានឹងធ្វើឲ្យស្ទះពោះវៀន ឬស្អិតពោះវៀន និងបង្កគ្រោះថ្នាក់ណាមួយដល់រាងកាយឬអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលចំណីអាហារនិងឪសថ ក្រសួងសុខាភិបាលថៃ បានបញ្ជាក់ថា ការលេបស្ករកៅស៊ូ គឺស្រដៀងនឹងការលេបអាហារធម្មតាដែរ។ ស្ករកៅស៊ូមានធាតុផ្សំដែលផលិតពី សារធាតុដែលជាកម្មសិទ្ធិរបស់ក្រុមកៅស៊ូសំយោគ (Polyisobutylene) ដែលមិនអាចរំលាយបាន ដោយទឹកក្រពះនៅក្នុងខ្លួន។ ប៉ុន្តែស្ករកៅស៊ូ មិនអាចរុំជុំវិញពោះវៀនឬធ្វើឲ្យស្អិតពោះវៀន ដូចមនុស្សជាច្រើនតែងនិយាយនោះទេ។ ព្រោះថាស្ករកៅស៊ូដែលយើងបានលេប បន្តិចម្តងៗ វានឹងផ្លាស់ទីចុះទៅក្រោមពោះវៀនធំ ហើយត្រូវបានបញ្ចេញក្នុងទម្រង់ជាលាមកវិញ។

ទោះយ៉ាងណា យើងក៏ត្រូវដឹងថាគ្រឿងផ្សំរបស់ស្ករកៅស៊ូមានអ្វីខ្លះដែរ។
ស្ករកៅស៊ូ មានសមាសធាតុសំខាន់ៗដូចខាងក្រោម៖
-សារធាតុដែលជាកម្មសិទ្ធិរបស់ក្រុមកៅស៊ូសំយោគ (ប៉ូលីអ៊ីសូប៊ូទីលីន)
-សារធាតុផ្អែមដូចជាស្ករ xylitol និង sorbitol
-ភ្នាក់ងាររសជាតិ
-សារធាតុរក្សាទុកបានយូរ។

គ្រោះថ្នាក់នៃការលេបស្ករកៅស៊ូដែលយើងគួរតែដឹងខ្លះ

ថ្វីត្បិតតែការលេបស្ករកៅស៊ូ មិនមានគ្រោះថ្នាក់ដូចជាការស្ទះពោះវៀន ឬពោះវៀនស្អិត ដូចដែលមនុស្សជាច្រើនគិតក៏ដោយ ។ ប៉ុន្តែវាជារឿងដែលមិនគួរធ្វើ ជាពិសេសចំពោះកុមារតូចៗ ការទំពារស្ករកៅស៊ូគួរតែត្រូវបានចៀសវាង។ ប្រសិនបើក្មេងច្រឡំលេប អាចបណ្ដាលមានហានិភ័យក្នុងបំពង់ក ឬស្ទះក្នុងបំពង់ខ្យល់ ដែលប្រឈមនឹងការស្លាប់លឿន ជាងការគិតទៅទៀត៕

ប្រែសម្រួល៖ សាង ស្រីល័ក្ខ

ចុចអាន៖៤ យ៉ាងគួរដឹង មុនចាក់បំពេញ Filler នៅត្រង់បបូរមាត់

ចុចអាន៖ល្បិចទាំង ៥ ជួយឲ្យការគេងមានគុណភាពមិនអស់កម្លាំង ទោះបានតិចម៉ោងក្ដី