Connect with us

KPT+

ស្គាល់​ទឹក​ជ្រលក់​ល្បីៗ ១០ ប្រភេទ​នេះ​ទេ! ជម្រើសពេញនិយមមកពីជុំវិញពិភពលោក

បានផុស

នៅ

ទឹកជ្រលក់ ឬគ្រឿងទេសបន្ថែមរសជាតិអាហារពិតជាមិនអាចខ្វះបានទេសម្រាប់ធ្វើឲ្យម្ហូបអាហារកាន់តែមានឱជារសឈ្ងុយឆ្ងាញ់។ ​ដោយឡែកទឹកជ្រលក់ទាំងអស់មិនសុទ្ធតែដូចគ្នានោះទេ វាអាស្រ័យទៅតាមបណ្ដាប្រទេសនីមួយៗរបស់វាដែរ។ តោះ! ឥឡូវមកស្គាល់ទឹកជ្រលក់និងគ្រឿងទេសសំខាន់ៗប្រចាំបណ្ដាប្រទេសខាងក្រោមនេះថាប្លែកយ៉ាងណាដែរ!

១. Mayonnaise // សហរដ្ឋអាមេរិក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំបូងឡើយទឹកប៉េងប៉ោះ ketchup ជាមេគ្រឿងផ្សំកំពូលសម្រាប់ម្ហូបអាហាររបស់ប្រជាជននៅសហរដ្ឋអាមេរិក។ ប៉ុន្តែ ketchup មិនមែនជារបស់ពួកអាមេរិកាំងទេ គឺវាមានដើមកំណើតពីអាស៊ី។ ដោយសាមានការកើនឡើងនូវប្រជាប្រិយភាពការទទួលទានពងមាន់ចៀនឬសាំងវិច ទឹកជ្រលក់ mayonnaise ក៏បានបង្កើតឡើងជារបស់ខ្លួន និងបានរីករាលដាលពាសពេញប្រទេសក្នុងអត្រាខ្ពស់ខុសពីធម្មតាចាប់ពីដើមឆ្នាំ ២០១៣ មក  ជាពិសេសការប្រើប្រាស់កាន់តែច្រើនចំពោះប្រជាជនរស់នៅភាគខាងត្បូងសហរដ្ឋអាមេរិក។

២. Salsa // ប្រទេសម៉ិកស៊ិកូ និងអាមេរិកខាងត្បូង

Salsa ជាភាសាអេស្បាញ តែវាមានកំណើតនៅប្រទេសម៉ិកស៊ិកូនៅឆ្នាំ ៣០០០ មុន គ.ស។ ​ទឹកជ្រលក់នេះ ត្រូវបានគេលាយទឹកម្ទេសជាមួយទឹកប៉េងប៉ោះ។ ទឹកជ្រលក់ Salsa ត្រូវ​ធ្វើឡើងក្តៅៗនិងញ៉ាំភ្លាមៗ ហើយទទួលបានការពេញនិយមនៅទ្វីបអឺរ៉ុប។

 ៣. Brown Sauce // ចក្រភពអង់គ្លេស និងប្រទេសអៀរឡង់

ទឹកជ្រលក់ Brown ពេញនិយមបំផុតនៅចក្រភពអង់គ្លេស និងប្រទេសអៀរឡង់សម្រាប់ផ្ទាប់ជាមួយត្រី អាហារប្រភេទឆា និងសាច់អាំង។ វាមានពណ៌ត្នោត រសជាតិផ្អែម និងផ្សំឡើងពីគ្រឿងទេសច្រើនប្រភេទរួមមាន ប៉េងប៉ោះ អំពិល ប៉ោម គ្រឿងហឹរ ទឹកខ្មេះ និងទំពាំងបាយជូរ។

៤. Banana Sauce // ប្រទេសហ្វីលីពីន

នៅពេលដែលសហរដ្ឋអាមេរិកចាប់ផ្តើមមានឥទ្ធិពលលើប្រទេសហ្វីលីពីននៅពាក់កណ្តាលសតវត្សរ៍ទី ២០ ទឹកប៉េងប៉ោះ ketchup បានចាប់ផ្ដើមយ៉ាងឆាប់រហ័សនៅទូទាំងប្រទេស។ ក្នុងកំឡុងសង្គ្រាមលោកលើកទី ២ ការធ្វើទឹកប៉េងប៉ោះ ketchup លែងមានច្រើនទៀតហើយ ដោយសារប៉េងប៉ោះខ្វះខាតនៅទូទាំងកោះរបស់ប្រទេស ពេលនោះទឹកជ្រលក់ចេក a.k.a. ketchup ត្រូវបានបង្កើតឡើង។ ប៉ុន្តែវាបានលាបពណ៌ក្រហមដើម្បីធ្វើត្រាប់តាមទឹកប៉េងប៉ោះ ketchup។ ទឹកជ្រលក់នេះមានរសជាតិផ្អែមរបស់ចេក ហើយបានក្លាយជាទឹកជ្រលក់មានភាពដាច់ដោយឡែកពីគេ និងទទួលបានការពេញនិយមយ៉ាងច្រើន។

៥. Vegemite // ប្រទេសអូស្ត្រាលី

នៅឆ្នាំ ១៩២៣ គីមីវិទូលោក Cyril Callister បានបង្កើតរូបមន្ត Vegemite ដោយមានជាតិសូដ្យូមនិងវីតាមីន B បន្ថែមទៅលើរូមន្តដើមឈ្មោះ Marmite ដែលមានជាតិអំបិលតិច ។ វាបានក្លាយជាដំណាប់ប្រចាំប្រទេសអូស្រ្តាលី និងក្លាយជាគ្រឿងផ្សំអាហារពេលព្រឹកជាមួយអាហារធ្វើពីដំបែរ ហើយក៏វាក្លាយជាផ្នែកមួយនៃរបបអាហារសម្រាប់កងទ័ពក្នុងសង្គ្រាមលោកលើកទី ២ ផងដែរ។

៦. Harissa // ប្រទេសទុយនីស៊ី និងអាហ្វ្រិកខាងជើង

ជនជាតិអេស្បាញបានយកម្ទេសចូលក្នុងប្រទេសទុយនីស៊ីនៅសតវត្សរ៍ទី ១៦ ហើយវាបានក្លាយជាផ្នែកមួយនៃប្រវត្តិសាស្រ្តនៃការធ្វើទឹកជ្រលក់ Hasrissa។ ទឹកជ្រលក់ Hasrissa មានរសជាតិហឹរខ្លាំងដោយផ្សំពីម្ទេសច្រើនប្រភេទ រួមទាំងម្រេចផងដែរ។ ទឹកជ្រលក់នេះ ពេញនិយមសម្រាប់អ្នកធ្វើដំណើរឆ្លងកាត់ទ្វីបអាហ្រ្វិកខាងជើងបំផុត ក៏ដោយរសជាតិហឹរនៃម្ទេសនេះឯង។

៧. Wasabi // ប្រទេសជប៉ុន

សតវត្សរ៍ទី ១០ រុក្ខជាតិ wasabi ត្រូវបានគេបង្កើតជាម្ហូបរបស់ប្រទេសជប៉ុន។ ទឹកជ្រលក់ wasabi ត្រូវបានផ្សំឡើងដោយមានសណ្តែកដី ស្ពៃក្តោប និងទឹកត្រជាក់ជាមួយនឹងតុល្យភាពនៃសារធាតុរ៉ែដើម្បីអាចផលិតបានទឹកជ្រលក់ដ៏កម្រនេះ។​ វាត្រូវចម្អិន ១៥ នាទី ហើយអាចប្រើជំនួសទឹកជ្រលក់អាហារបៃតង ជាពិសេសគេញ៉ាំវាជាមួយ ស៊ូស៊ី ។

៨. Chutney // ប្រទេសឥណ្ឌា

អស់រយៈកាលរាប់ពាន់ឆ្នាំមកហើយ chutney ជាគ្រឿងទេសសម្រាប់ម្ហូបដែលមិនអាចខ្វះបានរបស់ជនជាតិឥណ្ឌា។ chutney រកឃើញដំបូងដោយព្រាហ្មណ៍ជនជាតិឥណ្ឌាម្នាក់ ដោយគាត់បានលាយគ្រឿងទេសជាមួយផ្លែឈើនិងបន្លែផ្សេងៗ។ ក្រោយមកវាត្រូវបានចក្រភពអង់គ្លេសដឹកជញ្ជូនទៅកាន់សហរដ្ឋអាមេរិក ក៏ដូចជាទឹកដីអាហ្រ្វិកនិងការ៉ាបៀនដែរ។

៩. Sriracha // ប្រទេសថៃ

ទឹកជ្រលក់  Sriracha ត្រូវបានដាក់ឈ្មោះតាមក្រុងបុរាណប្រទេសថៃឈ្មោះ Si Racha។ វាត្រូវបានគេស្គាល់ផងដែរថាជា ទឹកជ្រលក់សាច់មាន់ ដែលបានផលិតដោយលោក David Tran ជនវៀតណាម-អាមេរិកនៃក្រុមហ៊ុន Huy Fong Foods។ ទឹកជ្រលក់នេះផ្សំឡើងពី ម្រេច ម្ទេស ទឹកខ្មេះ ខ្ទឹមស អំបិល និងស្ករស។

១០. Hoisin Sauce // ប្រទេសចិន

ទឹកជ្រលក់ Hoisin ប្រើសម្រាប់សាច់អាំងបែបចិន និងទាខ្វៃ ជាពិសេសចិនកន្តាំង ។ ទឹកជ្រលក់នេះស្រដៀងទៅនឹងទឹកស៊ីអៀវដែរ ដែលវាផ្សំឡើងពី សណ្ដែកសៀង ម្ទេសក្រហម ខ្ទឹម និងជីរអង្កាម៕

ប្រែសម្រួល៖ សន្យា

ប្រភព៖ tastemade

ចុចអាន៖ទទួលទានខ្ទឹមសរាល់ថ្ងៃ ​ដឹងពី​មហាអត្ថប្រយោជន៍ទំាងនេះ​ដែរ?

Helistar Cambodia - Helicopter Charter Services
Sokimex Investment Group
ព័ត៌មានជាតិ២ នាទីutes មុន

លោក នេត្រ ភក្ត្រា ៖ ការបណ្តុះបណ្តាលអ្នកសារព័ត៌មានពីជំនាញផ្នែកសេដ្ឋកិច្ច គឺជាការផ្ដល់ចំណេះដឹងផ្នែកហិរញ្ញវត្ថុដល់ សាធារណជន

ព័ត៌មានជាតិ២ ម៉ោង មុន

ពល​ករ​ថៃ​៦នាក់​ ដែល​ប៉ុន​ប៉ង​ឆ្លង​ដែន​​មក​ធ្វើការ​នៅ​កម្ពុជា​ត្រូវ​ប៉ូលិស​ថៃបាន​ចា​ប់​ខ្លួន​

ព័ត៌មានជាតិ៣ ម៉ោង មុន

លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា

ព័ត៌មានជាតិ៣ ម៉ោង មុន

រដ្ឋមន្ត្រី​អប់រំ​លើក​ទឹក​ចិត្ត​គ្រូ​ និង ​សិស្ស​ត្រូវ​តែ​ចេះ​ប្រើ Ai ដើម្បី​លើក​កម្ពស់​គុណភាពការរៀន និង​ការ​បង្រៀន

ព័ត៌មានជាតិ៣ ម៉ោង មុន

ក្រសួងការងារ​ស្នើ​ក្រុម​ហ៊ុន​ទទួល​ពលករ​ខ្មែរ ​ត្រឡប់​មក​ពី​ថៃ​ឱ្យ​ចូលធ្វើការ មាន​ការ​យោគយល់​និង​ការ​អត់ធ្មត់ខ្ពស់

កងការពារអាកាស
ព័ត៌មានជាតិ៦ ម៉ោង មុន

រុស្ស៊ីនឹងបញ្ជូនប្រតិភូកងការពារដែនអាកាស​មក​បង្កើត​កិច្ច​សហប្រតិបត្តិការ​ជាមួយ​កម្ពុជា

ព័ត៌មានអន្ដរជាតិ៩ ម៉ោង មុន

បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្ស​យ៉ាងតិច ៩ នាក់

ព័ត៌មានអន្ដរជាតិ១៣ ម៉ោង មុន

យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់

សន្តិសុខសង្គម១១ ម៉ោង មុន

ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ

ព័ត៌មានជាតិ៥ ម៉ោង មុន

ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ

Sokha Hotels

ព័ត៌មានពេញនិយម