KPT+
បើជីវិតប្ដីប្រពន្ធកំពុងតែតានតឹងដោះស្រាយបញ្ហាភ្លាមៗដោយវិធី…
មនុស្សសព្វថ្ងៃរវល់នឹងការងារនិងគោលដៅអាជីពសឹងគ្មានពេលទាល់តែសោះចំពោះរឿងមនោសញ្ចេតនា។ ដោយសារការដាក់សម្ពាធដើម្បីសម្រេចគោលដៅជីវិត សុភមង្គលកាន់តែរត់ឆ្ងាយ។
តើធ្វើដូចម្ដេចដើម្បីបន្ធូរអារម្មណ៍តានតឹងចេញពីជីវិតប្ដីប្រពន្ធ?
នេះជាវិធីដើម្បីជួយប្ដីឬប្រពន្ធយើងបានដោយសន្តិវិធី ៖
១. ឈ្លោះគ្នាតិច តែមានការសរសើរច្រើន
រូបមន្តមួយក្នុងចំណោមរូបមន្តដែលអាចកាត់បន្ថយភាពតានតឹងពីជីវិតគូរបស់យើង គឺផ្ដល់ឲ្យគ្នានូវស្នាមញញឹមច្រើនៗ ជាងធ្វើមុខក្រញូវ។ រឿងទាំងនេះយើងអាចធ្វើបានដោយសាមញ្ញបំផុត និងចៀសវាងការត្អូញត្អែរពីរឿងតូចតាចដែលមិនសំខាន់ក្នុងជីវិតគូ។
ជាពិសេសគឺរឿងឈ្លោះប្រកែកគ្នា ក្នុងជីវិតប្ដីប្រពន្ធចៀសមិនផុតឡើយ ប៉ុន្តែគួរមានតិចបំផុតតាមដែលអាចដែលធ្វើបាន។ ឈ្លោះគ្នាបានការអី? ហត់ទទេៗប៉ុណ្ណឹងឯង!
២. ផ្ដល់ពេលវេលាឲ្យគ្នា
នៅក្នុងជីវិតដ៏មមាញឹកនេះ មនុស្សគ្មានពេលសម្រាប់រីករាយនឹងរឿងតូចច្រើនឡើយ។ ប៉ុន្តែគេបែរជានិយមប្រារព្ធពិធីធំៗ ឬចូលរួមជាមួយភឿនមិត្តហ៊ឹកហាក់ហ៊ឺហារទៅវិញ។ កុំចាំបាច់ដល់ពិធីធំៗបានធ្វើ គ្រាន់តែដុតទៀនបំភ្លឺនៅលើតុមួយ ហើយមានអារហារដែលដៃគូចូលចិត្ត ជាការស្រេចបាត់។
នេះជាការផ្ដល់ពេលវេលាដល់គ្នាដ៏ល្អបំផុត ដែលប្ដីប្រពន្ធគួរតែរក្សាទុករៀងៗខ្លួន។
៣. បង្កើតបរិយាកាសវិជ្ជមាន
បរិយាកាសវិជ្ជមានក៏អាចជាមធ្យោបាយមួយដើម្បីដកភាពតានតឹងចេញពីជីវិតបាន។ កុំបង្កើតជីវិតឯកា និងពិបាករស់នៅចុះសម្រុងជាមួយគ្នាច្រើនពេក ព្រោះជីវិតនេះមិនវែងទេ។
គួររៀនបង្កើតអ្វីដែលល្អៗនិងស្រស់ស្រាយទៅកាន់គ្នា។ រៀនផ្ដល់ញញឹមឱ្យគ្នា រៀនបំភ្លេចកំហុស រៀនអត់ឱន ទើបជីវិតអាពាហ៍ពិពាហ៍មានសុភមង្គលយូរអង្វែង។
៤. រៀនយល់អំពីដៃគូទាំងសងខាង
នេះគឺជារូបមន្តចុងក្រោយ ដើម្បីធ្វើឲ្យជីវិតដៃគូរបស់យើងប្រែពីតានតឹងមកធូរស្រាលរៀងៗខ្លួន។ បើសិនយើងមិនបានស្វែងយល់ពីគ្នាទៅវិញទៅមក នោះភាពស្មុគស្មាញ តប់ប្រមល់ ថប់បារម្ភនឹងគរដូចភ្នំក្នុងជីវិតគូមិនខាន។
អ្វីដែលល្អក្នុងនាមជាប្ដីជាប្រពន្ធគួរធ្វើ គឺរៀនយល់ពីគ្នា។ ប្ដីឬប្រពន្ធជាមនុស្សប្រភេទណា? ចូលចិត្តអ្វី? ពេលខឹងនិយមធ្វើអី? យល់ពីគ្នា! និងផ្ដល់ដល់គ្នានូវគម្លាតផ្ទាល់ខ្លួនខ្លះ ក៏ដូចគ្នានៅចាំលើកទឹកចិត្តគ្នាទៅវិញទៅមក៕
ប្រែសម្រួល៖ សាង ស្រីល័ក្ខ
ប្រភព៖ lovequotes
ចុចអាន៖ រឿងពិតនៃស្ត្រីម្នាក់ ពពោះកើតកូនតែម្នាក់ឯង ប្ដីមានស្រីថ្មីហ៊ឺហាចោលផ្ទះ
ចុចអាន៖ បែកគ្នាឈាមត្រជាក់ ៥ យ៉ាងឃោរឃៅសម្រាប់អ្នកមិនទាន់អស់ចិត្ត
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ