KPT+
មិនចង់លក់មុខពេលទៅស្រុកគេ គួរស្វែងយល់វប្បធម៌ប្លែកៗរបស់ប្រទេសទាំងនេះ!
ការស្វែងយល់ពីវប្បធម៌ ប្រពៃណី និងច្បាប់ទម្លាប់ផ្សេងៗនៃប្រទេសនៅជុំវិញពិភពលោក ជារឿងសំខាន់ដែលយើងគួរសិក្សាស្វែងយល់។ វាមិនត្រឹមតែផ្ដល់នូវចំណេះផ្នែកវប្បធម៌នោះទេ ប៉ុន្តេថែមទាំងបានជួយអ្នកឲ្យចៀសវាងនូវការខុសឆ្គងផ្សេងៗ ប្រសិនបើបានទៅដល់ប្រទេសទាំងនោះ។ ទីនេះ KPT Plus នឹងនាំលោកអ្នកឲ្យបានស្គាល់ប្រពៃណី និងច្បាប់ទម្លាប់មួយចំនួនរបស់ប្រទេសខាងក្រោមនេះ៖
១. ឲ្យចំណីបក្សីនៅប្រទេសសិង្ហបុរី
នៅក្នុងប្រទេសសិង្ហបុរី ការឲ្យចំណីបក្សី ការចោលសំរាម និងការទំពារស្ករកៅស៊ូចោលនៅទីសាធារណៈនឹងត្រូវសមត្ថកិច្ចផាកពិន័យ ។
២. ការងក់និងគ្រវីក្បាលនៅប្រទេសប៊ុលហ្គារីនិងអាល់បានី
វប្បធម៌ទូទៅ ងក់ក្បាលមានន័យថា យល់ស្របឬយល់ព្រម ហើយគ្រវីក្បាលមានន័យថា មិនយល់ស្របឬមិនយល់ព្រម។ ផ្ទុយទៅវិញ នៅប្រទេសប៊ុលហ្គារីនិងអាល់បានី ងក់ក្បាលមានន័យថា មិនយល់ស្រប ហើយគ្រវីក្បាលមានន័យថា យល់ស្រប។
៣. ធ្វើដៃជាសញ្ញា Ok នៅប្រទេសតួកគី
ប្រទេសតួកគី ក៏ដូចប្រទេសអាល្លឺម៉ង់និងប្រេស៊ីលដែរ ការធ្វើដៃសញ្ញា Ok គឺមានន័យស្មើនឹងសញ្ញាដៃម្រាមកណ្ដាល។
៤. ដើរលើផ្លូវកង់នៅប្រទេសហូឡង់
ការជិះកង់គឺជាមធ្យោបាយធ្វើដំណើរចម្បងនៅក្នុងប្រទេសហូឡង់ ហើយជាធម្មតាផ្លូវនោះតែងមានអ្នកជិះកង់និងមនុស្សកកកុញ។ ជាការល្អ មិនគួរដើរលើផ្លូវរបស់កង់ទេ!
៥. ចេញពីជួរនៅប្រទេសអូស្ត្រាលី
នៅអូស្រ្តាលី និងអង់គ្លេសមានវិន័យដូចគ្នា មិនថានៅកន្លែងធ្វើដំណើរ ហាងទំនិញ ឬហាងផ្សេងៗ អ្នកចាំបាច់ត្រូវតម្រង់ជួរ បើពុំនោះទេបុគ្គលិកនឹងមិនបម្រើសេវាកម្មឬលក់ទំនិញឲ្យឡើយ។
៦. ថតរូបដោយគ្មានការអនុញ្ញាតនៅអារ៉ាប់រួម
ការថតរូបនិងបង្ហោះរូបភាពលើបណ្តាញសង្គមនៅអារ៉ាប់រួមដោយគ្មានការអនុញ្ញាតនឹងត្រូវជាប់គុក៦ខែ ហើយត្រូវផាកពិន័យជាប្រាក់ជាង ១៣ ម៉ឺនដុល្លារ។
៧. ប៉ះមនុស្សផ្ទុយភេទនៅប្រទេសឥណ្ឌា
ការប៉ះគ្នាជាមួយមនុស្សផ្ទុយភេទជារឿងចម្លែកបំផុតនិងពុំសូវមានសុជីវធម៌ទេនៅប្រទេសឥណ្ឌា។
៨. ការលើកបង្ហាញបាតដៃរាក់ទាក់នរណាម្នាក់នៅប្រទេសក្រិក
ការលើកបង្ហាញបាតដៃរាក់ទាក់នរណាម្នាក់គឺមានន័យថា អ្នកបដិសេធគេ នៅប្រទេសក្រិក។
៩. ចែកគ្នាចេញលុយនៅប្រទេសបារាំង
ការចែកគ្នាចេញលុយត្រូវបានគេចាត់ទុកថា ជារឿងគ្មានសុជីវធម៌នៅក្នុងប្រទេសបារាំង ពីព្រោះពួកគេមិនចូលចិត្តនិយាយរឿងលុយទេ។
១០. ឲ្យលុយធីបនៅប្រទេសជប៉ុន
ការឲ្យលុយធីបទៅបុគ្គលិកត្រូវបានគេចាត់ទុកថា ជារឿងមិនគួរសម នៅក្នុងប្រទេសជប៉ុន ព្រោះថាគេបានគិតថ្លៃសេវានៅក្នុងវិក័យប័ត្ររួចរាល់អស់ហើយ៕
ប្រែសម្រួល៖ សន្យា
ចុចអាន៖ ចង់ទៅប្រទេសជប៉ុន គួរដឹង ១០ ចំណុចនេះជាមុនសិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ