KPT+

ច្បាប់ទម្លាប់ប្លែកៗជុំវិញពិភពលោកដែលយើងអាចមិនទាន់ដឹង!

បានផុស

៥ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

Sonya

នៅប្រទេសនីមួយៗ តែងតែមានច្បាប់ទម្លាប់ប្រចាំប្រទេសរបស់គេផ្សេងគ្នា។ ប្រទេសខ្លះប្រកាន់វិន័យតឹងរ៉ឹងខ្លាំង ហើយបើយើងមិនដឹង អាចនឹងមានបញ្ហា។ ដូច្នេះ ក្នុងនាមយើងជាអ្នកទេសចរទៅទស្សនា គួរយល់ដឹងមុនពេលយើងចូលទៅកម្សាន្តនៅប្រទេសរបស់គេ។

១.រុស្ស៊ី កុំចាប់ដៃគ្នានៅមាត់ទ្វារចូល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាប់ដៃគ្នាជាវិធីគួរសមក្នុងការសួរទុក្ខនរណាម្នាក់ ហើយវាក្លាយជារឿងសាមញ្ញទៅហើយ។ ប៉ុន្តែនៅប្រទេសរុស្ស៊ី សូមកុំចាប់ដៃគ្នានៅមាត់ទ្វារ សូមដើរចូលទៅក្នុងបន្ទប់ជាមុនសិនសឹមចាប់ដៃ។ ប្រសិនបើអ្នកចាប់ដៃនៅមុខទ្វារ គេជឿថាមាន “វិញ្ញាណចូលផ្ទះ” ។

២.អ៊ីតាលី បុរសជាអ្នកនាំផ្លូវចូលភោជនីយដ្ឋានមុន

ខណៈពេលដែលជុំវិញពិភពលោកគេចាត់ទុកថាការអនុញ្ញាតឱ្យស្ត្រីចូលទៅមុន នៅពេលដែលទ្វារបានបើកស្វាគមន៍ នៅភោជនីយដ្ឋាន ប៉ុន្តែនៅអ៊ីតាលីច្បាប់មួយនេះត្រូវតម្រូវឲ្យបុរសជាអ្នកដំបូង ដើរចូលទៅកាន់តុអាហារ។

៣.ឥណ្ឌា កុំបរិភោគដោយប្រើដៃឆ្វេង

នៅឥណ្ឌាយើងត្រូវចៀសវាងញ៉ាំអាហារប្រើដៃឆ្វេង ព្រោះដៃឆ្វេងត្រូវបានគេយល់ឃើញថា វាគួរឲ្យខ្ពើមរអើមដោយសារតែដៃឆ្វេងភាគច្រើនត្រូវបានប្រើពេលចូលបន្ទប់ទឹក។ ដូចគ្នាសម្រាប់ប្រទេសនៅមជ្ឈិមបូព៌ានិងផ្នែកខ្លះនៃទ្វីបអាហ្វ្រិក។

៤.ឈីលី កុំប្រើដៃញ៉ាំ

ជារឿងងាយស្រួល ប្រសិនបើយើងមានទម្លាប់បរិភោគអាហារដោយម្រាមដៃ ហើយនៅប្រទេសខ្លះការបរិភោគដោយដៃក៏ពុំមានបញ្ហាអ្វីឡើយ។ ប៉ុន្តែនៅក្នុងប្រទេសឈីលី មានវិន័យត្រឹមត្រូវ ដោយនៅទីនោះតម្រូវឱ្យញ៉ាំអ្វីគ្រប់យ៉ាងដោយប្រើសមនិងកាំបិត បើសិនប្រព្រឹត្តខុសវិន័យនេះអាចនឹងមានបញ្ហា។

៥. កុំបោះក្រដាសចូលចានបង្គន់ ក្នុងប្រទេសណាមួយក្នុងចំណោមប្រទេសទាំងនេះ

ប្រសិនបើអ្នកកំពុងធ្វើដំណើរទៅប្រទេសក្រិក ទួរគី ម៉ាសេដូនៀ ម៉ុងតេណេក្រូ ប៊ុលហ្គារី អ៊ុយក្រែន ម៉ារ៉ុក អេហ្ស៊ីប ឬទីក្រុងប៉េកាំង ត្រូវដឹងថាគ្រប់បន្ទប់ទឹកនឹងមានធុងសំរាមពិសេសដើម្បីដាក់ក្រដាសប្រើប្រាស់។ ត្រូវដឹងអំពីវិន័យផ្សេងទៀតដែលត្រូវអនុវត្តនៅក្នុងបន្ទប់ទឹកសាធារណៈក្នុងប្រទេសទាំងនេះ ប្រយ័ត្នផាកពិន័យធ្ងន់ធ្ងរ។

៦. កូរ៉េ ប្រើដៃ២បង្ហាញការគោរព

ប្រទេសកូរ៉េ នៅពេលដែលព្រឹទ្ធាចារ្យណាម្នាក់ផ្តល់ភេសជ្ជៈមកឲ្យយើង គឺត្រូវទទួលដោយដៃទាំង២សងខាង ហើយបន្ទាប់មកអោនក្បាលបង្ហាញការគោរពចាស់ទុំ។ នេះជាទំនៀមទម្លាប់របស់កូរ៉េក្នុងការគោរពអ្នកដែលមានវ័យចំណាស់ជាង។

៧.ហាមបង្ហាញសញ្ញា “មេដៃ” នៅក្នុងប្រទេសទាំងនេះ

នៅប្រទេសរុស្ស៊ី ក្រិក អ៊ីរ៉ង់ សាឌីណា និងផ្នែកខ្លះនៃទ្វីបអាហ្វ្រិកខាងលិចនៅពេលដែលអ្នកប្រើមេដៃឡើង បង្ហាញថាអ្នកមិនគោរពដល់គេ។

៨. បារាំង អត្ថន័យឱបនិងថើប

នៅប្រទេសបារាំងការឱបអាចត្រូវបានគេចាត់ទុកថាជិតស្និទ្ធជាងការថើប។ ផ្ទុយទៅវិញនៅពេលអ្នកសួរសុខទុក្ខអ្នកណាម្នាក់ដែលអ្នកមិនជិតស្និទ្ធសូមចាប់ដៃឬថើបពួកគេនៅថ្ពាល់ទាំងសង។ ចំណែកការឱបវិញគឺសម្រាប់តែអ្នកណាជិតស្និទ្ធតែប៉ុណ្ណោះ!

ប្រែសម្រួល៖ សាង ស្រីល័ក្ខ

ចុចអាន៖ មិនចង់លក់មុខពេលទៅស្រុកគេ គួរស្វែងយល់វប្បធម៌ប្លែកៗរបស់ប្រទេសទាំងនេះ!

ចុចអាន៖ ៥ យ៉ាងគួរដឹង បើចង់រៀបការជាមួយជនជាតិកូរ៉េ

Related Topics:វប្បធម៌បរទេស