Connect with us

KPT+

ស្ត្រីកុលសម្ព័ន្ធមួយ ពាក់ចានបបូរមាត់ឲ្យកាន់តែធំ បើចង់បានថ្លៃបណ្ណាការខ្ពស់

បានផុស

នៅ

ស្ត្រីនៃកុលសម្ព័ន្ធមួយនៅប្រទេសអេត្យូពី ពាក់ចានបបូរមាត់បានកាន់តែធំកាលណា នឹងទទួលបានថ្លៃបណ្ណាការកាន់តែច្រើនកាលណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជន Surma នៃកុលសម្ព័ន្ធ Suri ត្រូវបានគេដឹងថា មានប្រពៃណីបង្គាប់បណ្ណាការប្លែកមួយ ដោយតម្រូវឱ្យកូនក្រមុំពាក់ចានលើបបូរមាត់ ហើយកាលណាចានកាន់តែរីកធំៗ នោះតម្លៃទឹកដោះនឹងបានកាន់តែខ្ពស់។

កុលសម្ព័ន្ធនេះ ជាកុលសម្ព័ន្ធមួយក្នុងចំណោមកុលសម្ព័ន្ធចំនួន ៨ ដែលមានប្រជាជនសរុបប្រមាណ ២០ ម៉ឺននាក់ រស់នៅតំបន់ Kibish ស្ថិតនៅជ្រលង OMo ប្រទេសអេត្យូពី ក្នុងទ្វីបអាហ្វ្រិក។

ក្នុងទំនៀមទម្លាប់នៃកុលសម្ព័ន្ធ Suri នៅពេលស្ត្រីពេញវ័យ អាចបង្កើតកូនបាន គេនឹងដកធ្មេញក្រោមខាងមុខចំនួន ២ ចេញ ហើយចោះរន្ធត្រង់បបូរមាត់ខាងក្រោមរបស់នាង។ បន្ទាប់មកពួកគេបញ្ចូលដីឥដ្ឋ ឬថាសឈើនៅក្នុងរន្ធនេះ។ នៅពេលរន្ធរីក គេយកថាសដាក់នៅទីនោះ ដើម្បីពង្រីកបបូរមាត់ និងបន្តដាក់វារហូតទាល់តែចានមានទំហំពេញមាត់។ យ៉ាងណាមិញចានមិនមានទំហំប៉ុនគ្នាទាំងអស់នោះទេ ខណៈទំហំស្ដង់ដារគឺចាប់ពី ៨អ៊ីញ (ជាង ២៥សង់ទីម៉ែត្រ) ឡើងទៅ ហើយចានធំបំផុតមានទំហំ ១៦អ៊ីញ (ជាង ៤០សង់ទីម៉ែត្រ)។

ស្ត្រីដែលមានបបូរមាត់បែបនេះត្រូវបានប្រជាជន Surma ចាត់ទុកជានិមិត្តរូបនៃភាពចាស់ភាពទុំ ក៏ដូចជាភាពស្រស់ស្អាតដែលអាចទាក់ទាញបុរសឱ្យរៀបការជាមួយនាង៕

ប្រែសម្រួល៖ សន្យា

ចុចអាន៖ ស្ត្រី​រស់នៅ​ក្នុង​ប្រទេស​ទាំង ៥ នេះ ងាយ​រងគ្រោះ​បំផុត​ដោយសារ​អំពើ​ហិង្សា

ចុចអាន៖ វិធីកែ​សម្រស់ប្លែក​ៗរបស់ស្ត្រីក្នុងប្រទេសចំនួន ១១ នៅជុំវិញពិភពលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម