KPT+

ចម្លែកណាស់! ទីសក្ការបូជាមួយនៅជប៉ុន មានសត្វឆ្មាជាព្រះសង្ឃ

បានផុស

៥ years មុន

នៅ

ថ្ងៃចន្ទ ៤ មករា ២០២១

ដោយ

Sonya

Nyan Nyan Ji ឬ Meow Meow Shrine ជាទីសក្ការមួយដ៏ល្បីនៅទីក្រុង Kyoto ប្រទេសជប៉ុន ដែលមានសត្វឆ្មាជាព្រះសង្ឃ។ នៅទីនោះមានសត្វឆ្មាមួយក្បាលដែលអ្នកស្រុកហៅថា «បូជាចារ្យ» ហើយវាជាឆ្មាពិតៗ។

សម្រាប់អ្នកទៅដល់កន្លែងសក្ការនេះ ក្រោយគោរពប្រណិប័តន៍ និងបួងសួងរួចរាល់ ពួកគេនឹងមានជំនួយការចាំជូនដំណើរកម្សាន្ត ដោយទស្សនារូបចម្លាក់ និងរូបភាពឆ្មាររាប់សិបក្បាលជុំវិញទីនោះ។

ឆ្មាល្បីជាងគេប្រចាំតំបន់មានឈ្មោះ Koyuki ជាឆ្មាដែលគេស្គាល់ថា ជាព្រះសង្ឃឆ្មាទី១ប្រចាំ Nyan Nyan Ji។ ឆ្មានេះជាឆ្មាញី មានមុខជ្រួញៗ និងសម្បុរ ស។ ម្ចាស់របស់វានិយាយថា Koyuki ចូលចិត្តជួបមនុស្ស ជាពិសេសឃើញគេការគោរពបូជា មិនតែប៉ុណ្ណោះវាថែមទាំងមានជំនួយការឆ្មាផ្សេងទៀត រហូតដល់ទៅ៦ក្បាល។

យោងតាមសម្ដីពីម្ចាស់ឆ្មា Koyuki បាននិយាយពីប្រវត្តិនៃទីនោះថា កន្លែងសក្ការ Nyan Nyan Ji បានបើកដំបូងដោយវិចិត្រករគូររូបម្នាក់ឈ្មោះ Kaya ហើយគាត់ជាអ្នកសង់ប្រាសាទតូចនេះឡើងមក។ លោកបានសាងសង់ទីនេះដើម្បីរំឭកដល់ឆ្មាជាទីស្រលាញ់របស់ខ្លួន ហើយចំណេរក្រោយមក ក៏មានប្រជាជនគោរពបូជាតៗគ្នា។ នេះក៏ជាមូលហេតុ ដែលគ្រប់កន្លែងក្នុងទីសក្ការនេះឃើញសុទ្ធតែចម្លាក់និងគំនូរសត្វឆ្មា។

ត្បិតតែ Nyan Nyan Ji ជាទីសក្ការក៏ពិតមែន ប៉ុន្តែគ្រប់កន្លែងមិនសុទ្ធតែជាទីសក្ការទេ ភ្ញៀវទេសចរក៏អាចចូលកម្សាន្តហាងកាហ្វេមួយនៅទីនោះ ដែលមានសត្វឆ្មាប្រចាំការផងដែរ៕

ប្រែសម្រួល៖ មួង ពិសី

ចុចអាន៖ រឿងរ៉ាវ Facebook មិនអាចដំណើរការនៅប្រទេសចិន

ចុចអាន៖ ទំនៀមទម្លាប់ចូលឆ្នាំថ្មីប្លែកៗដែលគេជឿថានាំសំណាងតាមប្រទេសនីមួយៗ