ព័ត៌មានជាតិ

ថៃនឹងដោះលែងទាហានខ្មែរទាំង១៨នាក់មកវិញក្រោយកិច្ចព្រមព្រៀងសន្តិភាពចុះហត្ថលេខា

បានផុស

៨ ខែ មុន

នៅ

ថ្ងៃសៅរ៍ ១៨ តុលា ២០២៥

ដោយ

រដ្ឋមន្ត្រីក្រសួងការបរទេស លោកឧបនាយករដ្ឋមន្ត្រី ប្រាក់ សុខុន បានឱ្យដឹងថាថៃបានសន្យាថានឹងដោះលែងទាហានខ្មែរទាំង១៨នាក់ភ្លាមក្រោយកិច្ចព្រមព្រៀងសន្តិភាពចុះហត្ថលេខានៅចុងខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់ទូរទស្សន៍ជាតិកម្ពុជាបន្ទាប់ពីត្រលប់មកពីប្រទេសម៉ាឡេស៊ីនៅថ្ងៃទី១៨ ខែតុលា ឆ្នាំ២០២៥នេះ លោកឧបនាយករដ្ឋមន្ត្រី ប្រាក់ សុខុន បានថ្លែងថា៖«ភាគីថៃនឹងដោះលែងដោយមិនរង់ចាំនូវទាហានយើងទាំង១៨នាក់ដែលត្រូវចាប់ខ្លួនក្រោយមួយថ្ងៃនៃបទឈប់បាញ់ចូលជាធរមានម្ល៉េះ»។

ការលើកឡើងនេះគឺបន្ទាប់ពីលោកឧបនាយករដ្ឋមន្ត្រីបានបញ្ចប់កិច្ចប្រជុំចតុភាគី កម្ពុជា ថៃ ម៉ាឡេស៊ី និងអាមេរិក នៅប្រទេសម៉ាឡេស៊ីកាលពីថ្ងៃទី១៧ ខែតុលា ឆ្នាំ២០២៥។

គិតរហូតថ្ងៃទី១៨ ខែតុលា ឆ្នាំ២០២៥នេះ ទាហានខ្មែរទាំង១៨នាក់ត្រូវបានថៃចាប់យកទៅឃុំខ្លួនអស់ចំនួន៨១ថ្ងៃហើយ។ កិច្ចព្រមព្រៀងសន្ដិភាពកម្ពុជា និងថៃ ដែលមានប្រធានាធិបតីអាមេរិក និងនាយករដ្ឋមន្ត្រីម៉ាឡេស៊ីធ្វើជាសាក្សីនោះនឹងត្រូវចុះហត្ថលេខានៅចុងខែតុលានេះនៅប្រទេសម៉ាឡេស៊ី៕

អត្ថបទដោយ ហ៊ុន សិរីវឌ្ឍន៍