ព័ត៌មានជាតិ

BREAKING NEWS: ទាហានកម្ពុជាទាំង១៨នាក់បានមកដល់ទឹកដីកំណើតវិញបន្ទាប់ពីត្រូវថៃចាប់ឃុំខ្លួនអស់១៥៥ថ្ងៃ

បានផុស

៦ ខែ មុន

នៅ

ថ្ងៃពុធ ៣១ ធ្នូ ២០២៥

ដោយ

ទាហានកម្ពុជាទាំង១៨ត្រូវបានថៃបញ្ជូនត្រលប់មកកម្ពុជាវិញនៅព្រឹកម៉ោង១០ ថ្ងៃទី៣១ ខែធ្នូ ឆ្នាំ២០២៥ បន្ទាប់ពីត្រូវបានចាប់ឃុំខ្លួនអស់រយៈពេល១៥៥ថ្ងៃ។ ទាហានទាំង១៨នាក់ត្រូវបានបញ្ជូនមកនៅច្រកព្រំដែនព្រំ-ផាកាត ខេត្តប៉ៃលិនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដោះលែងទាហានខ្មែរមកវិញនេះគឺបន្ទាប់ពីកម្ពុជា-ថៃសម្រេចបានបទឈប់បាញ់កាលពីថ្ងៃទី២៧ ខែធ្នូ ឆ្នាំ២០២៧ និងទុកពេល៧២ម៉ោងដើម្បីរៀបចំនីតិវិធីនៃការដោះលែងមកវិញ យ៉ាងណាក្ដីការដោះលែងគឺមិនទៀងតាមពេលវេលាដែលថៃបានសន្យាទេដោយអូសបន្លាយមួយថ្ងៃមកដល់ថ្ងៃនេះ។ រដ្ឋមន្ត្រីការបរទេសថៃលោក សឹងហាសាក់ ភួងកេតកែវ បានបញ្ជាក់ជាមួយរដ្ឋមន្ត្រីការបរទេសកម្ពុជាក្នុងកិច្ចប្រជុំរដ្ឋមន្ត្រីកាបរទេសត្រីភាគីកម្ពុជា ចិន ថៃ នៅខេត្តយូណាន ប្រទេសចិនថា ក្រោយសម្រេចបានបទឈប់បាញ់ប្រទេសថៃបានបញ្ជូនសំណើអំពីការដោះលែងទាហានខ្មែរទៅកាកបាទក្រហមអន្តរជាតិហើយ។

គួរឱ្យដឹងផងដែរថាទាហានខ្មែរទាំង១៨នាក់នេះត្រូវបានទាហានថៃចូលមកចាប់ដោយបំពានលើបទឈប់បាញ់ថ្ងៃទី២៨ ខែកក្កដា ឆ្នាំ២០២៥ យកទៅឃុំខ្លួនរហូតមកដល់ពេលនេះ។ ក្រោយចាប់ខ្លួនថៃតែងតែយកលេសផ្សេងដើម្បីពន្យារពេលដោះលែងទាហានខ្មែរមកវិញ ទោះបីជាមានកិច្ចអន្តរាគមន៍ពីសហរដ្ឋអាមេរិកក្ដី៕