អភិបាលក្រុង ស្រុកចំនួន៥ ក្នុងខេត្តតាកែវ ត្រូវបានផ្ទេរ និងតែងតាំងថ្មី

សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចេញអនុក្រឹត្យសម្រេចផ្ទេរភារកិច្ច និងតែងតាំងមុខតំណែងអភិបាលក្រុង-ស្រុកចំនួន៥ ក្នុងខេត្តតាកែវ ដើម្បីបន្តពង្រឹងប្រសិទ្ធភាពការគ្រប់គ្រងរដ្ឋបាលមូលដ្ឋាន។

យោងតាមអនុក្រឹត្យចេញកាលពីថ្ងៃទី១៧ ខែមេសា ឆ្នាំ២០២៦ ការផ្លាស់ប្តូរមុខតំណែងនេះ មានដូចតទៅ៖
លោក កង អាណាន់ ត្រូវបានផ្ទេរពីតំណែងអភិបាលក្រុងដូនកែវ ទៅកាន់តំណែងជាអភិបាលស្រុកអង្គរបូរី។
លោក ឌឹម គឹមសាន ត្រូវបានផ្ទេរពីអភិបាលស្រុកព្រៃកប្បាស ទៅជាអភិបាលក្រុងដូនកែវ។
លោក គិន ភក្តី ត្រូវបានផ្ទេរពីអភិបាលស្រុកកោះអណ្តែត ទៅកាន់តំណែងអភិបាលស្រុកព្រៃកប្បាស។
លោក ភួន ឈីម ត្រូវបានផ្ទេរពីអភិបាលស្រុកបាទី ទៅជាអភិបាលស្រុកកោះអណ្តែត។
លោក សាយ វណ្ណៈ ដែលធ្លាប់បម្រើការជាអភិបាលរងស្រុកត្រាំកក់ ត្រូវបានតែងតាំងជាអភិបាលស្រុកបាទី។

ការផ្ទេរ និងតែងតាំងមុខតំណែងនេះ ត្រូវបានគេពិចារណាថា ជាជំហានសំខាន់មួយ ក្នុងការរៀបចំរចនាសម្ព័ន្ធដឹកនាំនៅថ្នាក់មូលដ្ឋានឲ្យមានភាពរឹងមាំ និងមានប្រសិទ្ធភាពកាន់តែខ្ពស់។ យោងតាមផែនការ ពិធីប្រកាសចូលកាន់មុខតំណែងរបស់អភិបាលក្រុង និងស្រុកទាំង៥ នឹងត្រូវរៀបចំជាបន្តបន្ទាប់នៅដើមសប្តាហ៍ក្រោយនេះ៕​

អត្ថបទ៖ វីរៈ