ព័ត៌មានជាតិ
មូលហេតុនៅពីក្រោយ ប្រធានសភាអ៊ីរ៉ង់ លោក Ghalibaf ចូលកាន់តែតួនាទីមើលការខុសត្រូវលើទំនាក់ទំនងជាមួយចិន បន្តពីលោក Larijani ដែលអ៊ីស្រាអែលសម្លាប់
ការសម្រេចចិត្តរបស់ប្រទេសអ៊ីរ៉ង់ក្នុងការតែងតាំង ប្រធានសភាអ៊ីរ៉ង់ លោក Mohammad Bagher Ghalibaf ឲ្យមកមើលការខុសត្រូវលើទំនាក់ទំនងជាមួយចិន ជំនួស លោក Ali Larijani គឺដោយសារតែ លោក Larijani បានទទួលមរណភាព នៅក្នុងការវាយប្រហាររួមគ្នារបស់សហរដ្ឋអាមេរិក និងអ៊ីស្រាអែល កាលពីថ្ងៃទី១៧ ខែមីនា កន្លងទៅ។
តាមសេចក្តីរាយការណ៍ពីទីភ្នាក់ងារសារព័ត៌មានផ្លូវការរបស់អ៊ីរ៉ង់ ISNA ការសម្រេចចិត្តនេះត្រូវបានធ្វើឡើងក្រោមការស្នើរសុំពីប្រធានាធិបតី លោក Masoud Pezeshkian និងទទួលបានការយល់ព្រមផ្ទាល់ពីមេដឹកនាំកំពូល លោក Ayatollah Mojtaba Khamenei ដើម្បីពង្រឹងទម្ងន់ការទូតរបស់ទីក្រុងតេហេរ៉ង់។
មិនដូចកាលពីអាណត្តិមុនៗ ដែលតំណែងប្រេសិតទទួលបន្ទុកកិច្ចការចិនត្រូវបានបែងចែកដាច់ដោយឡែករវាងតំណាងមេដឹកនាំកំពូល និងតំណាងប្រធានាធិបតីនោះទេ ការតែងតាំងលោក Ghalibaf លើកនេះ គឺការប្រគល់អំណាចសម្រេចចិត្តពេញលេញ និងរួមបញ្ចូលគ្នាតែមួយ។ នេះអនុញ្ញាតឲ្យលោកមានសមត្ថកិច្ចខ្ពស់បំផុតក្នុងការសម្របសម្រួល និងជំរុញគ្រប់វិស័យនៃទំនាក់ទំនងទ្វេភាគីជាមួយទីក្រុងប៉េកាំង ដោយមិនមានភាពរអាក់រអួលក្នុងប្រព័ន្ធរដ្ឋបាល។
មិនតែប៉ុណ្ណោះ អ៊ីរ៉ង់យល់ឃើញថាលោក Ghalibaf គឺជាអ្នកនយោបាយជើងចាស់ និងជាអតីតមេបញ្ជាការកងឆ្មាំបដិវត្តន៍អ៊ីរ៉ង់ (IRGC) ដែលទើបតែបានបង្ហាញស្នាដៃយ៉ាងលេចធ្លោក្នុងនាមជាប្រធានអ្នកចរចាសន្តិភាពរបស់អ៊ីរ៉ង់ ជាមួយអនុប្រធានាធិបតីអាមេរិក លោក J.D. Vance នៅប្រទេសប៉ាគីស្ថាន ដែលនាំទៅដល់កិច្ចព្រមព្រៀងឈប់បាញ់កាលពីថ្ងៃទី៨ ខែមេសា។ សមត្ថភាពដឹកនាំការចរចាក្នុងស្ថានការណ៍ដ៏តានតឹងនេះ ធ្វើឲ្យលោកក្លាយជាបុគ្គលដ៏ស័ក្តិសមបំផុតក្នុងការការពារផលប្រយោជន៍របស់អ៊ីរ៉ង់ជាមួយចិន។
នៅក្នុងនោះផងដែរ ដោយយោងតាមការវិភាគពីកាសែត South China Morning Post (SCMP) ការបញ្ជូនមន្ត្រីកម្រិតប្រធានសភាឲ្យមកមើលការខុសត្រូវកិច្ចការចិន គឺជាការផ្ញើសារយុទ្ធសាស្ត្របង្ហាញពី «ការប្តេជ្ញាចិត្តខ្ពស់បំផុតដែលមិនធ្លាប់មាន» របស់អ៊ីរ៉ង់ ក្នុងការរៀបចំសណ្តាប់ធ្នាប់ពិភពលោកថ្មី។ លោក Ghalibaf ក៏បានគូសបញ្ជាក់ផងដែរថា អនាគតនៃភូមិសាស្ត្រនយោបាយគឺជារបស់បណ្តាប្រទេសក្នុងតំបន់សកលលោកខាងត្បូង ដែលមានចិន និងអ៊ីរ៉ង់ ជាដៃគូដ៏រឹងមាំ៕
អត្ថបទ៖ សាង ស្រីល័ក្ខ
អ៊ីរ៉ង់ តែងតាំង លោក Ghalibaf ឲ្យមើលខុសត្រូវ លើទំនាក់ទំនងជាមួយ ចិន
-
ព័ត៌មានអន្ដរជាតិ៥ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៧ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៥ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៦ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៤ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៣ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ៧ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៥ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi