បញ្ហា Depression ធ្វើឲ្យយុវតីម្នាក់សម្រេចបញ្ចប់ជីវិតខ្លួនឯងដោយបន្សល់ទុកត្រឹមពាក្យមួយម៉ាត់

ដោយសារតែបញ្ហានៃជំងឺបាក់ទឹកចិត្ត (De pression) បានធ្វើឲ្យក្មេងស្រីវ័យ១៨ឆ្នាំម្នាក់ សម្រេចបញ្ចប់ជីវិតខ្លួនឯងទៅចោលឪពុកម្តាយនិងមិត្តភក្តិទាំងអាល័យបំផុត។

ជាការពិតចំពោះបញ្ហាជំងឺបាក់ទឹកចិត្តមិនមែនជារឿងលេងសើច ហើយរឹតតែមិនអាចធ្វេសប្រហែសដែរ ខណ:បច្ចុប្បន្នគេសង្កេតឃើញមានមនុស្សច្រើននាក់មកហើយ ពិសេសយុវវ័យតែម្តងបានសម្រេចជ្រើសរើសវិធីបញ្ចប់ជីវិតខ្លួនឯងព្រោះតែមិនអាចដោះស្រាយបញ្ហាឬស្វែងរកអ្នកណាមកជួយពួកគេបាន។

ជាក់ស្តែងមុននេះមានការចែករំលែកនូវដំណឹងមរណ:ភាពដ៏សោកសៅរបស់នារីវ័យ ១៨ ឆ្នាំម្នាក់ដែលបានធ្វើឲ្យឪពុកម្ដាយក្រុមគ្រួសារសាច់ញាតិ បងប្អូន មិត្តភក្ដិ មានការតក់ស្លុតនិងសោកស្ដាយជាខ្លាំង។ នារីរងគ្រោះមានឈ្មោះ អៀម ម៉ាលីហ្សា ដែលករណីនេះគឺនាងបញ្ចប់ជីវិតខ្លួនដោយការលេខថ្នាំកណ្តុរនិងថ្នាំ Panadol ចំនួន២បន្ទះ ដោយសារតែបញ្ហា Depression។

យោងតាមការអះអាងនៅលើគណនីហ្វេសប៊ុកដែលមានឈ្មោះ MāLyy Yāā បានលើកឡើងដូច្នេះថា « MaLyy Zaa គាត់អត់បានចងករទេ បើមិនដឹងកុំចេះតែនិយាយកន្លែងណាដែលថាគាត់ចងករ គាត់កើត depression ហើយលេបថ្នាំកណ្តុរ និង panadol អស់២បន្ទះឈប់និយាយថាគាត់ចងករ»។

ដោយាឡែកបើចាប់អារម្មណ៍នៅលើគណនីហ្វេសប៊ុកនារីរងគ្រោះខាងលើគឺនៅមុខថ្ងៃដែលនាងសម្រេចបញ្ចប់ជីវិតខ្លួនឯងពោលគឺកាលពីថ្ងៃទី២៧ ឧសភា ឆ្នាំ២០២១ នាងបានបង្ហោះសារខ្លីមួយនៅលើហ្វេសប៊ុកខ្លួនថា «លាហើយ»។

តាមការកត់សម្គាល់នាពេលបច្ចុប្បន្នមានយុវវ័យច្រើននាក់ណាស់ដែលកំពុងមានជំងឺបាក់ទឹកចិត្ត ព្រោះជួបបញ្ហាជីវិតដែលមិនអាចដោះស្រាយបាន រហូតមានអ្នកខ្លះបានជ្រើសរើសផ្លូវបញ្ចប់ជីវិតខ្លួនឯងដើម្បីអាចបញ្ចប់គ្រប់បញ្ហា។ ប៉ុន្តែក៏សូមរម្លឹកថា ការធ្វើបែបនេះមិនមែនជាដំណោះស្រាយល្អនោះឡើយ៕

អត្ថបទ៖ ចាន់រ៉ា

ចុចអាន៖ តារា​ប្រុស​-​ស្រី​ល្បីៗ​៥​រូប ​ជួប​ទុក្ខ​ធំ​អំឡុង​ជំងឺ​កូ​វីដ​រាតត្បាត​

ចុចអាន៖ បាត់ដំណឹងយូរឆ្នាំ​ស្មានទៅរស់នៅស្រុកគេហើយ តាមពិតអតីតម្ចាស់ជយលាភីលេខ១ក្នុងឆ្នាំ៩០ប្លាយ ធ្លាក់ខ្លួនបែបនេះ