ព័ត៌មានជាតិ

រដ្ឋបាលខេត្តប្តូរមណ្ឌលចាក់វ៉ាក់សាំង ពីមណ្ឌលសុខភាពសៀមរាបមកកាន់សាលាបឋមសិក្សា វត្តរាជបូព៌វិញ

បានផុស

៥ years មុន

នៅ

ថ្ងៃពុធ ២៥ សីហា ២០២១

ដោយ

រដ្ឋបាលខេត្តសៀមរាបបានធ្វើការភ្លាស់ប្តូរកន្លែងមណ្ឌលចាក់វ៉ាក់សាំងកូវីដ-១៩ ពីមណ្ឌលសុខភាពសៀមរាប ក្នុងសង្កាត់ស្លក្រាម ផ្ទេរមកពីមណ្ឌលចាក់វ៉ាក់សាំងកូវីដ១៩ នៅសាលាបឋមសិក្សាវត្តរាជបូព៌ សង្កាត់សាលាកំរើក ក្នុងក្រុងសៀមរាបវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាប់ផ្តើមដំណើរការចាក់វ៉ាក់សាំង ជូនដល់ប្អូនៗនិងក្មួយៗរស់នៅ ក្នុងសង្កាត់ស្លក្រាម និងសង្កាត់សាលាកំរើក ដែលមានអាយុចាប់ពី ១២ ដល់ក្រោម១៨ឆ្នាំ នាព្រឹកថ្ងៃទី២៥ខែសីហាឆ្នាំ២០២១ នេះបន្តទៀតហើយ។

ដំណើរការចាក់វ៉ាក់សាំងនេះ និងប្រព្រឹត្តទៅរហូតដល់ថ្ងៃទី០១ ខែកញ្ញា ឆ្នាំ២០២១ ខាងមុខនេះ ដោយមានការចែកចេញជា០២វេន គឺពេលព្រឹក និងពេលរសៀល ជាមួយការផ្តល់ជូននូវលេខរៀងចូលចាក់វ៉ាក់សាំង ក្នុងករណីអស់លេខរៀង សូមព្យាយាមអញ្ជើញមកម្តងទៀតនៅវេនបន្ទាប់ ។

ជាមួយគ្នានេះ រដ្ឋបាលខេត្ត ក៏សូមអំពាវនាវ ដល់ប្អូនៗក្មួយៗ ដែលរង់ចាំ វេនចូលចាក់វ៉ាកសាំង ត្រូវរក្សាគម្លាត ពីគ្នាឲ្យបានត្រឹមត្រូវ ដើម្បីសុវត្ថិភាព និងសូមមានការអត់ធ្មត់ ក្រុមគ្រូពេទ្យចាក់ជូន ប្អូន និង ក្មួយៗ រហូតដល់ទៅថ្ងៃទី១ ខែកញ្ញា ឆ្នាំ២០២១៕

អត្ថបទ៖ គឿនវេត

Related Topics:ខេត្តសៀមរាប