Connect with us

ព័ត៌មានជាតិ

កម្ពស់ទឹកឡើងខ្លាំង អាជ្ញាធរបិទចរាចរណ៍លើផ្លូវឆ្លងកាត់ស្ពានលំផាត់បណ្ដោះអាសន្ន

បានផុស

នៅ


អាជ្ញាធរស្រុកកំរៀងបានធ្វើការបិទកំណាត់ផ្លូវមួយកន្លែងជាបណ្តោះអាសន្ន ដោយសារតែទឹកជំនន់បានហូរកាត់ប្រវែងប្រហែល ១០០ម៉ែត្រ និងកម្ពស់ទឹកបានហូរនៅពីលើស្ពានជាង ១ម៉ែត្រ ពោលគឺលិចពីលើបង្កាន់ដៃស្ពានតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីអំឡុងដើមខែកញ្ញា កន្លងទៅថ្មីៗនេះ ក្បាលស្ពានលំផាត់ម្ខាង ត្រូវបានទឹកជំនន់ហូរច្រោះដាច់ម្តងរួចមកហើយ បង្កឱ្យមានការស្ទះចរាចរណ៍មិនអាចឆ្លងកាត់បាន ដែលស្ពាននេះគឺឆ្លងកាត់អូរដារ បែកចេញពីផ្លូវជាតិលេខ ៥៧បេ ត្រង់ចំណុចភូមិលំផាត់ ឃុំអូរដារ ស្រុកកំរៀង ខេត្តបាត់ដំបង ដោយបានភ្ជាប់ទៅកាន់ភូមិសំរោង និងភូមិតាំងយូ។

លុះនៅព្រឹកថ្ងៃទី៣ តុលា នេះ ទឹកជំនន់ដែលបានធ្លាក់មកពីអូរព្រំដែនថៃ តាមអូរដារ បានលិចស្ពាន និងកំណាត់ផ្លូវសងខាងស្ពានសរុបជិត ១០០ម៉ែត្រ ដែលតម្រូវឱ្យអាជ្ញាធរចុះបិទការធ្វើចរាចរណ៍ជាបណ្តោះអាសន្ន រង់ចាំទឹកស្រកវិញ៕

អត្ថបទ៖ សោ និយមរ័ត្ន

ចុចអាន៖ បន្តកាប់និងដុតបំផ្លាញដំណាំកញ្ឆាខុសច្បាប់ក្នុងស្រុកគិរីវង់៤ទីតាំងបន្ថែមទៀត

ចុចអាន៖ ខេត្តព្រះសីហនុបើកបន្ទប់ទឹកសាធារណៈ៦ទីតាំងទទួលភ្ញៀវទេសចរក្នុងឱកាសបុណ្យភ្ជុំបិណ្ឌ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម