ព័ត៌មានជាតិ
ពលរដ្ឋខ្មែរ៣៨នាក់ ស្រី៩នាក់ លួចឆ្លងដែនចូលទៅថៃខុសច្បាប់ត្រូវបានសមត្ថកិច្ចថៃឃាត់ខ្លួន បញ្ជូនទៅប៉ុស្តិ៍នគរបាលចាត់ការបន្តតាមច្បាប់
បន្ទាយមានជ័យ ៖ តាមឲ្យដឹងពីសមត្ថកិច្ចខែ្មរ ដែលឈរជើងនៅតាមព្រំដែន កម្ពុជា .ថៃ បានប្រាប់អ្នកយកព័ត៌មានឲ្យដឹងថា តាមការឲ្យដឹងពីអាជ្ញាធរមានសមត្ថកិច្ចថៃ បានចាប់ឃាត់ខ្លួនប្រជាពលរដ្ឋខ្មែរដែលលួចឆ្លងដែលខុសច្បាប់ចូលប្រទេសថៃតាមច្រកធម្មជាតិ ចំនួន ៣៨នាក់ ប្រុស២៩ ស្រី៩ នៅឃុំតាប្រាយ៉ា ស្រុកតាប្រាយ៉ា ខេត្តសាកែវ កាលពីយប់ ថ្ងៃទី២៥ ខែតុលា ឆ្នាំ ២០២១។
ពលករទាំង៣៨នាក់ នេះក្រោយពីអាជ្ញាធរមានសមត្ថកិច្ចថៃ បានចាប់ឃាត់ខ្លួនសួរនាំបាននិយាយថា ក្រុមខ្លួនបាញ់បោកមេខ្យល់ថានាំពួកខ្លួនយកទៅប្រទេសថៃរកការងារធ្វើល្អនៅខេត្តសាកែវ ក្នុង១នាក់ត្រូវបង់ថ្លៃឈ្នួលជូន១.០០០បាត ក្រោយមកយកទៅប្លុងចោលនៅកន្លែងតំបន់តាប្រាយ៉ាត្រូវសមត្ថកិច្ចដាំចាប់ខ្លួនតែម្តង។
ពលករទាំង៣៨នាក់ ក្រោយពេលឃាត់ខ្លួនកម្លាំងយោធាបានឲ្យក្រុមគ្រូពេទ្យជំនាញពិនិត្យសុខភាពពួកគេទាំងអស់គ្នាជាមុន ដើម្បីទប់ស្កាត់ការរីករាលដាលជំងឺកូវីដ-១៩ ចូលក្នុងសហគមន៍ប្រទេសគេ។
ពលករទាំងអស់ក្រោយពីក្រុមគ្រូពេទ្យពិនិត្យហើយត្រូវបានសមត្ថកិច្ចថៃឃាត់ខ្លួន បញ្ជូនទៅប៉ុស្តិ៍នគរបាលចាត់ការបន្តតាមច្បាប់។
សមត្ថកិច្ចខ្មែរបាននិយាយថា ពលករខ្មែរទាំង៣៨នាក់ ត្រូវសមត្ថកិច្ចថៃចាប់នោះតើមកពីល្បិចមេខ្យល់ខ្ពស់រឺយ៉ាងណារឺពលករខ្មែរទាំង៣៨នាក់ល្ងង់ទើបឲ្យមេខ្យល់ប្រើល្បិចបោកបានថាយកទៅរកការងារកន្លែងល្អៗធ្វើនៅស្រុកថៃទាំងប្រទេសគេបិទតាមព្រំដែនសូម្បីតែសត្វចូលមិនបានផងនោះដោយសារជំងឺកូវីដ១៩ រីករាលដាលខ្លាំង។
សមត្ថកិច្ចបានបញ្ជាក់ឲ្យដឹងបន្តថា ក្នុងប្រទេសថៃរោងចក្រ កន្លែងផ្សេងៗទៀតក៏ត្រូវបិត ពលករខ្មែរខ្លះបង្ខំចិត្តចាកចេញពីស្រុក ថៃមកស្រុកកំណើតវិញអ្វីៗមិនទាន់ដំណើរការនៅឡើយដូច្នេះពលករខ្មែរទាំងអស់ចង់ទៅធ្វើការនៅថៃប្រយ័ត្នចាញ់បោកមេខ្យល់។
សព្វថ្ងៃនេះ សមត្ថកិច្ចថៃធ្វើការទប់ស្កាត់ពលករខ្មែរដែលលបលួចចូលឆ្លងដែនទៅ ធ្វើការក្នុងប្រទេសថៃខុសច្បាប់ខ្លាំងសំបើមណាស់ដើម្បីការពារទប់ស្កាត់ការឆ្លងរីករាលដាលនៃជំងឺកូវីដ១៩នេះ៕
ដោយ ៖ វ៉ាន់ ណាង
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)