Connect with us

ព័ត៌មានជាតិ

សូមប្រយ័ត្ន! ពុំទាន់មានក្រុមហ៊ុនស្នើសុំនាំចូលឱសថកូវីដ Molnupiravir មកចែកចាយស្របច្បាប់ទេ

បានផុស

នៅ

ក្រសួងសុខាភិបាល នៅរសៀលថ្ងៃទី៦ ខែវិច្ឆិកា ឆ្នាំ២០២១នេះ បានចេញសេចក្ដីជូនព័ត៌មាន ស្ដីពី ការហាមឃាត់ការចែកចាយ និងលក់ឱសថ​​ MOLAZ (Molnupiravir Capsules 200mg) ខុសច្បាប់ ដោយបានបញ្ជាក់ថា ពុំទាន់មានក្រុមហ៊ុនណាមួយ ស្នើសុំនាំចូលឱសថនេះមកចែកចាយនៅឡើយទេ។

ក្រសួងសុខាភិបាល បានលើកឡើងថា មានគណនីបណ្ដាញសង្គមហ្វេសប៊ុកឈ្មោះ ១. Nuon Sreyleak, ២. My Health My Life, ៣. Pharmacy Cambodia, ៤. សិប្បកម្មអាលកុលម៉ាក សិទ្ធិផលខ្មែរ​ SK, ៥. Chhun Pha, គណនីបណ្ដាញសង្គមហ្វេសប៊ុកមួយចំនួនទៀត និងឱសថស្ថានមួយចំនួន កំពុងលក់ឱសថសម្រាប់ប្រឆាំងវីរុសកូវីដ-១៩ ឈ្មោះ MOLAZ (Molnupiravir Capsules 200mg) គ្មានប្រភពច្បាស់លាស់។

ក្រសួងសុខាភិបាល បានបញ្ជាក់បន្ថែមថា ក្រសួងបានផ្ដល់វិញ្ញាបនបត្រអនុញ្ញាតឱ្យប្រើប្រាស់ឱសថ Molnupiravir ក្នុងលក្ខខណ្ឌបន្ទាន់ ដែលយោងតាមវិញ្ញាបនបត្រនេះ គឺក្រុមហ៊ុនអាចស្នើសុំនាំចូលឱសថប្រភេទនេះមកចែកចាយស្របតាមច្បាប់។​ ម៉្យាងទៀតយោងតាមការសិក្សាស្រាវជ្រាវ ឱសថនេះត្រូវប្រើប្រាស់ក្រោមការត្រួតពិនិត្យ និងតាមដានពីគ្រូពេទ្យជំនាញតែប៉ុណ្ណោះ។ ចំពោះការប្រើប្រាស់មិនត្រឹមត្រូវ អាចបណ្ដាលឱ្យមានគ្រោះថ្នាក់ផ្សេងៗផងដែរ ក៏ដូចជាអាចបណ្ដាលឱ្យមានភាពស៊ាំនៃឱសថនេះទៅនឹងមេរោគទៀតផង។

ក្រសួងសុខាភិបាលបានបញ្ជាក់ទៀតថា រហូតមកដល់បច្ចុប្បន្ននេះ ពុំទាន់មានក្រុមហ៊ុនណាមួយ ស្នើសុំនាំចូលឱសថនេះមកចែកចាយនៅឡើយទេ។ ក្រសួងសុខាភិបាលនឹងមានវិធានការតឹងរឹងទៅតាមផ្លូវច្បាប់ ចំពោះម្ចាស់គណនីបណ្ដាញសង្គមហ្វេសប៊ុកខាងលើ និងជនពាក់ព័ន្ធ។

ព័ត៌មានពិស្ដារ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម