ព័ត៌មានជាតិ
សំណង់បដិមាភ្នំសំពៅ បន្តសាងសង់ឡើងវិញ គ្រោងបញ្ចប់ចូលឆ្នាំហើយ
ខេត្តបាត់ដំបង÷ ប្រភពពីក្រុមជាងបានឲ្យកម្ពុជាថ្មីដឹងថា សំណង់បដិមាលើជញ្ជាំងភ្នំសំពៅដែលសាងសង់មានការយឺតយ៉ាវនឹងចាប់ផ្តើមបន្តសាងសង់ឡើងវិញ ក្រោយទទួលបានថវិកាពីម្ចាស់គម្រោង។
លោកមាន វាសនា ជាងបច្ចេកទេសដែលទទួលខុសត្រូវគម្រោងសង់រូបបដិមាបានបញ្ជាក់យ៉ាងច្បាស់ថា លោកទទួលស្គាល់ថាពិតជាមានការយឺតយ៉ាវ ក្នុងការសាសង់ដោយសារតែមានកត្តារួមផ្សំជាច្រើនទើបប្រើពេលយូរឆ្នាំបែបនេះ។
តាមជាងបានបញ្ជាក់បន្ថែមថា ការសាងសង់រូបបដិមានេះមិនមានពាក់ព័ន្ទថវិការរដ្ឋនោះទេ ដោយសាតែមិនមែនជាគម្រោងរបស់ឯកជន។ រូបបដិមាទាំងអស់គឺជាគម្រោងរបស់បុគ្គលដែលបានស្នើសុំការសាងសង់ឡើងជាផ្លូវការតាមផ្លូវច្បាប់ គោលបំណងចង់បន្សល់ទុកស្នាដៃសម្រាប់ការគោរពបូជាពីប្រជាពលរដ្ឋ ក៏ដូចជាភ្ញៀវទេសចរជាតិនិងអន្តរជាតិទស្សនា និងស្វែងយល់ពីពុទ្ធប្រវត្តិតាមរយះរូបបដិមានេះ។
កន្លងមកប្រជាពលរដ្ឋនិងមហាជនតែងឆ្ងល់ដូចៗគ្នារហូតលើកសំណូមពរដល់អាជ្ញាធរ និងមន្ទីរពាក់ព័ន្ធខេត្តជួយជំរុញការសាងសង់រូបបដិមាឲ្យបានរួចរាល់ ខណៈពេលវេលាសាងសង់ហាក់ប្រើពេលយូរឆ្នាំពេក ដែលធ្វើឲ្យប្រជាពលរដ្ឋនិងមហាជនហាក់មិននឹកស្មានដល់ទាល់តែសោះនៃរយះពេលយូរបែបនេះ។
ពាក់ព័ន្ធការសាងសង់រូបបដិមាលើជញ្ជាំងភ្នំសំពៅដោយប្រើរយៈពេលរាប់សិបឆ្នាំនៅតែមិនទាន់រួចរាល់នេះ ប្រជាពលរដ្ឋក៏ដូចជាអ្នកទេសចរនៅតែបន្តចម្ងល់ ទើបថ្មីៗនេះកម្ពុជាថ្មីបានជួបសម្ភាសជាមួយមេជាងបច្ចេកទេសទើបដឹងការពិតអំពីការសាងសង់យឺតយ៉ាវបែបនេះ។
បើតាមក្រុមជាងបានបញ្ជាក់ថា ការសាងសង់ជួបផលលំបាក់៣ដំណាក់កាល ដោយដំណាក់កាលទី១ថ្មភ្នំមានសភាពរឹងស្រួយ ដំណាក់កាលទី២ក្នុងវិបត្តិកូវីដ និងដំណាក់កាលទី៣មានការខ្វះខាតថវិការពីម្ចាស់គម្រោង។ គម្រោងនេះប្រើប្រាស់ថវិការផ្ទាល់ខ្លួន រួមផ្សំជាមួយសប្បុរសមួយចំនួនទៀតដែលចូលរួមតាមសទ្ធាជ្រះថ្លា ទើបមានការរអាក់រអ៊ួលហើយក្រុមជាងជំនាញកាត់បន្ថយចំនួនជាបន្តបន្ទាប់ រហូតដល់មានការខកខានសាងសង់មួយរយះ។
ប្រភពពីក្រុមជាងដដែលបានឲ្យដឹងបន្ថែមថា រយះពេលចុងក្រោយនេះបានទទួលថវិការពីម្ចាស់គម្រោង ហើយកំពុងបន្តធ្វើបាល័ង្កផ្នែកខាងក្រោមរូបបដិមា ដោយអះអាងថាប្រហែលចូលឆ្នាំខ្មែរហើយទើបបានសាងសង់សម្រេចជាស្ថាពរ ខណះរូបអមខាងឆ្វេងស្តាំគឺរូបព្រះចូលនិពាន្វនិងរូបទ្រង់ប្រសូត្រ នៅមានកែខ្លះៗបន្ថែមទៀត។
ពាក់ព័ន្ធរូបដិមាដែលខាងមន្ត្រីនៃមន្ទីរជំនាញបានប្រាប់ថាសាងសង់ខុសបច្ចកទេសពុទ្ធប្រវត្តិបន្តិចនោះ កម្ពុជាថ្មីសុំការបញ្ជាក់បន្ថែមពីលោកគឹម សោភ័ណ្ឌប្រធានមន្ទីរវប្បធម៌ខេត្តមិនបានទេនៅថ្ងៃទី២៣ខែធ្នូនេះ ដោយទំនាក់ទំនងមិនបាន។
បើទោះបីយ៉ាងណាលោកមាន វាសនា ជាងបច្ចេកទេសការសាងសង់បានបញ្ជាក់ឲ្យកម្ពុជាថ្មីដឹងនៅថ្ងៃនេះដែរថា រូបបដិមាដែលកន្លងមកខាងមន្ទីរថាខុសពុទ្ធប្រវត្តិបន្តិចនោះ ខាងមន្ត្រីមន្ទីរនិងរដ្ឋបាលខេត្តរូមអ្នកសាងសង់ផងនោះបានឯកភាពគ្នារួចហើយ ដោយមិនធ្វើការកែប្រែនោះទេរក្សាដដែលទើបលោកដាក់ឲ្យក្រុមជាងបន្កការសាងសង់តែម្តង។
ស្របជាមួយគ្នានេះ លោកតាព្រះនាម ផឹន ជាចៅអធិការវត្តជើងភ្នំសំពៅមានសង្ឃដីកាថាមិនមានបញ្ហាចោទទេរឿងខុសពុទ្ធប្រវត្តិបន្តិចនោះ ខណះរូបបដិមានេះសាងសង់បានពី៧០ទៅ៨០ភាគរយហើយនោះ។ សំខាន់ត្រូវបន្តសាងសង់ឲ្យបានរួចរាល់ជាស្ថាពរក្នុងរយះពេលខាងមុខនេះ។
ព្រះអង្គមានដិការបន្តថា បច្ចុប្បន្នបើទោះបីរូបបដិមាកំពុងបន្តការសាងសង់ ក៏មានភ្ញៀវបរទេសមួយចំនួនមកគយគន់និងទស្សនាហើយបានផ្តិតយករូបជាបន្តបន្ទាប់ផងដែរ៕
អត្ថបទ៖ សៅ សារិទ្ធ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore